2 Pità 1:10 - Mundani

¹⁰ È wu ale a bɔnyɨ bɔ̧, bɨ̀ la nyɔ̀Ꞌtè ngɨ̀ bòt e ye nê wu nkûŋ nê Mbɔ̧ɔ̧mà làà àwɨ̧, nɨ̀ àwɨ̧ ane bòt bi. Bɨ me ghɨ èghɨ bàa, ko èntɨ̧ɨ̧ wɨ̧ è ka li lɔ̀Ꞌɔ edzə ane Mbɔ̧ɔ̧mà a,

2 Pità 1:10 ပူးပေါင်းရင်းမြစ်များ

Matìù 22:14

“Yesò ghɨ̀ ale, ndià nê, ‘Bɨ̀ ko nê bɔ̀ɔ ngɨ̀ bɔ tɔ bòt nyaŋ, ka mbɔ̂ ndàà wu èbe mpiꞋa nɨŋ.’ ”

Lûm 11:29

Aa ale nkàà nê Mbɔ̧ɔ̧mà nàa ngɨ̀ tà ŋa àghɨ abua wòt, kò ntɔ a ŋut leꞋ, tà ka tsi nkùbte èntɨ̧ɨ̧ vi.

2 Tɔ̀màtià 2:19

Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

Ebùlù 6:11

Baa nkɨà nê, wòt ègème ane yɨ̧ baãaã wuê a èlɨ̀ waa tè ngà ndìà, mbɨ̀Ꞌɨ̀ ebɔ àghɨa tà kuule èntɨ̧ɨ̧ vi me chɨ̀Ꞌɨ la.

Ebùlù 6:19

Ba bɔ ntɨ̀ yaa, è wuê mbɨꞋɨ̀ àlɨ̀Ꞌa èntɨ̧ɨ̧ ya la. Ba lâ nko nê, betsiꞋa àghɨ à ka baãaãtè yùà. Wu ntɨ̀ mbɔŋ nàa ghɨ̌ baa fəèꞋə ndǐ yu bɔ tsoŋa a èbem lob nɨ̧ Mbɔ̧ɔ̧mà a Jèlusalèm a ègwet la, enyi egha tê wu àdziꞋa ntsèm a Mbɔ̧ɔ̧mà la.

Jimsì 2:10

Aa ale nkàà nê, wòt me ghɨ̀ àghɨa mbɨ̧tsə tègème te kɨa la, mbɔ̂ kwene ka wuê yemɔ̀Ꞌ, tà ko nê ye kwene tùà tègème.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

2 Pità 1:3

Mètàŋ Mbɔ̧ɔ̧mà è ghɨ ndɨ bàa me koa ntsèka àfɨ̀Ꞌ àgème mbɨ̀Ꞌɨ̀ Mbɔ̧ɔ̧mà kɨa la. Ba tsiꞋi a èlɨ̀ waa nkàà ndɨ ba ko a Mbɔ̧ɔ̧mà àfɨ̀Ꞌ yaa la. Wu tòà tà nɨ awa ane bòt bi ngɨ̀ ba bɔ ènɨ̧ tò mè ngu bòt mènəè ntsɔ̧̀ mbɨ̀Ꞌɨ̀ tòà la.

2 Pità 1:5

Ndɨ̀ wu Mbɔ̧ɔ̧mà ghɨ̀ mènəè ma ègème ane yɨ̧ tè bɨ me kweele ane mèntɨ̧ɨ̧ mɨ̧ mu bɨ zi ane tò la, bɨ̀ paa me nyɔ̀Ꞌta ngɨ̀à mènəè ntsɔ̧̀ nàa mbɔ̀ a Mbɔ̧ɔ̧mà la, mè ndzì mèntɨ̧ɨ̧ mɨ̧ nko a Mbɔ̧ɔ̧mà ngà nè mbì.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

2 Pità 3:17

Bèshu̧ bɔ̧, ndɨ̀ waa bɨ ko mènəè maa tè ndɔ̀Ꞌ la, bɨ̀ me baabe awɨ̧ mbɨ̀Ꞌɨ̀ ka bòt kàbɔ̀ŋ baa bɔ fà̧à̧tè èka bɔb la, e tsòkè ètsə bɨ̧ ngɨ̀ èka bɨ̧ e lɔŋ, èntɨ̧ɨ̧ wɨ̧ wu bɨ zi ane Mbɔ̧ɔ̧mà la è ka tsi ngua nkwèèla.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

Ètsə 22:14

Ntsɔ̧̀ wu bòt bu bɔ shùu ndǐ tɔb tè te fəətè la. Wu àdziꞋa yɔb bɔ̀ɔ jɨ tètaãaãte àyɨt yu àa ŋa mèmpème la, e mě tse a ètsəêkaã àpfəèà nɨ̧ yu enyi a èbèm.