2 Tɔ̀màtià 3:15 - Mundani

¹⁵ mè nko ànəa Àkata Mbɔ̧ɔ̧mà a shua la, e bùꞋù tê àfɨ̀Ꞌ yu à li mbèle watèchɨɨle la. Letà waa nàa nyɨ̀Ꞌta ndɨ betsiꞋa à bɔ̌ èyì wu àa ghɨ̌ aa zǐ èntɨ̧ɨ̧ wê ane Yesò Klistò mbɨ̀Ꞌɨ̀ Mbɔ̧ɔ̧mà naa ŋa awê mèmpème mi la.

2 Tɔ̀màtià 3:15 ပူးပေါင်းရင်းမြစ်များ

Matìù 22:29

Yesò bɨ̀ɨ̀lè èngǎ̧ wɔb nê, “Bɨ fâ̧, nkàà nê bɨ bakà ko èngǎ̧ Mbɔ̧ɔ̧mà, bɨ̀ ka mě ko mètàŋ tò.

Lûk 1:15

Taa li wu wòt nɨ̧ a mbì Mbɔ̧ɔ̧mà. Tà ka li nu mèlùꞋ kèkweelè à, Mbɔ̧ɔ̧mà mè ngu elu̧u̧ne èntɨ̧ɨ̧ tò nè Fo Kèfə ka bɔɔ bi atò.

Lûk 2:40

Waã mbɔŋ li ntsə nkwèèlê, mbɔ̌ èyì, èlɔ̂t Mbɔ̧ɔ̧mà e mè nguê ane tò.

Lûk 24:27

Yesò ghɨ̀ ale, ngàꞋte mènəè mu bɔ̀ le shɨ a èbem àkata Mbɔ̧ɔ̧mà ane zi la, è shu awɔb, e buꞋa ane àghɨa Musì lè shɨ la, eghǎ dzəâ ane ayea bèndàꞋàtɔŋ Mbɔ̧ɔ̧mà bàgème e li shuê la.

Lûk 24:32

Bɔkatè bu e tsiꞋi me làꞋa a kètsìà wɔb shuà nê, “Tà ghɨ̂ me yààte èngǎ̧ Mbɔ̧ɔ̧mà alu̧ shua wa ale bɨ̀ ka ye ndɨ mèntɨ̧ɨ̧ ma è kȩa la à?”

Lûk 24:45

Tà ghɨ̀ ale, ngàꞋte ètsə bɔb ngɨ̀ bɔ ko ànəa èngǎ̧ Mbɔ̧ɔ̧mà e shuà la.

Jɔ̌n 5:47

Ka bɨ̀a ghɨ̀ na ka ebɨ̧ɨ̧ne ànəa e shua la nè ndɨ bɨ̀ baka bɨ̧ɨ̧ne ànəa tà li shɨŋ la à?”

ÀfaꞋa 10:43

BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

ÀfaꞋa 13:29

AfɨꞋa bɔ paa mènəè ègème Àkata Mbɔ̧ɔ̧mà a làꞋà ane tò la, bɔ shuke atò a ègwet mbasa wu ngà ndzi a èbem èsî.

ÀfaꞋa 16:1

Pɔ̂l ba e li ngȩ̀ȩ̀nè ntse àpfəèà nɨ̧ a Debì, nga a Lislà. Wakatè Yesò kǒ li ngua ntsèka abot, èlen tò wu Tɔ̀màtià. Nyɨ̌ tò wu wòt Yesò mɨ̧̂, mbɔ̂ ngu wòt Juê, ka tǎt tò wu wòt Glɨ̂k.

ÀfaꞋa 17:2

Bɔ ghà ale, Pɔ̂l nyi a èbem lob Mbɔ̧ɔ̧mà Bèjuê yu, mbɨ̀Ꞌɨ̀ tàa ndzìà ngɨ̀à la. Nɨ̀ èliapfəè betat abàꞋ və, bɔ̂ bòt bu abot la e taꞋa kàànè mènəè è dzəa a èbem èdziꞋ èkatè Mbɔ̧ɔ̧mà la.

ÀfaꞋa 26:24

Mbɨ̀Ꞌɨ̀ Pɔ̂l nàa ntsìà ànəê yu àtsə azi a èlɨ̀ waa la, Festɔ̀s ŋȩ̂ atò nê, “Pɔ̂l, à be. Àkatè yu a ko nyaŋ la aa ghɨ̌ aa be.”

Lûm 1:2

Mbɔ̧ɔ̧mà li ndzaŋe kàꞋa ànəa Ntu̧ Ntsɔ̧̀ yaa, bèndàꞋàtɔŋ tò e shɨ a èbem Àkata tò.

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Lûm 2:27

Bòt kà wu Bèjuê bu bɔ̀ baka naŋe awɔb, bɔ bɔ̂ me nɔ̀ŋe mbɨ̧ Mbɔ̧ɔ̧mà la aa tsě awɨ̧ bɨ̀a Bèjuê bu bɔ shɨ mbɨ̧ yu a si ŋǎ abua yɨ̧, mbɔ̂ nàŋe awɨ̧ mbɨ̀Ꞌɨ̀ mbɨ̧ mbɔŋ kɨa la, ka bɨ bɔ̂ me pààte mbɨ̧ mbɔŋ la.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

Efesɔ̀s 6:4

Bètǎt, bɨ̀ ka me ghɨ̀ àghɨa bɔ̧ bɨ̧ àa me tsoo la, mbɔ̂ bɨ̀ me baãaã awɔb ntsɔ̧̀ mè shua wɔb àghɨa Tè Yesò è laꞋa nê bòt è me ghɨ̀ la.

1 Tɔ̀màtià 4:13

E bùꞋu àfɨ̀Ꞌ yaa e ghǎ wu àfɨꞋa màa kɨꞋɨ la, bɨ̀ me tseka ntɔ Àkata Mbɔ̧ɔ̧mà adzìꞋ àgème bòt e bù̧ù̧te la, mè ndàꞋà nyɨ̀Ꞌta èngǎ̧ Mbɔ̧ɔ̧mà.

2 Tɔ̀màtià 1:1

Letà Pɔ̂l wantu̧ Yesò Klistò, Mbɔ̧ɔ̧mà lè zì ane mènkɔ̀ŋke mi nê tà laꞋa ànəa mèmpème mu ye kàꞋa abua bòt bu bɔɔ fɔtè ntsìꞋi àghɨ yeamɔꞋ bɔ̀ Yesò Klistò ba la,

2 Tɔ̀màtià 1:5

Maa mè nkù̧ù̧ta ndɨ à li ndzì èntɨ̧ɨ̧ wê ane Yesò, wuê mbɨ̀Ꞌɨ̀ nyɨ̌ jûŋ wê Lɔsì bɔ̂ nyɨ̌ wè Yunìs e li ndzì mɔb la. Mâ lâ nko nê èntɨ̧ɨ̧ wê ewu wuê ane tò.

2 Pità 3:16

Tà làꞋa ànəê yaa a èbem èkatè ègème tà shɨ la. Mènəè ko naa a èbem èkatè mbɔŋ nàa nkwèèla a mànkoa la. Eyaa mènəè bòt bu kà ko àghɨa nkûŋ wu yùà la, bɔ̀ ka mê nko àdziꞋa bɔ tɨ̧ɨ̧ la, àa mbà̧aã nəèꞋà wuê mbɨ̀Ꞌɨ̀ bɔ̀ɔ ngɨa ane èdzìꞋ ko a èbem Àkata Mbɔ̧ɔ̧mà la. Bɔɔ ngɨ̀à àyaa ale ngua ngaꞋa èlu̧ abua Mbɔ̧ɔ̧mà taa li eliime awɔb.

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.