2 Jɔ̌n 1:6 - Mundani

⁶ Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Ànəê yaa bɨ li ndzə tê ane àlia mbì yu la, wu ndɨ bɨ̀a me tseke mbɨꞋɨ̀ bòt bɔ̀ɔ nkɔ̀ŋkà Mbɔ̧ɔ̧mà nè bɔnyɨ bɔb la.

2 Jɔ̌n 1:6 ပူးပေါင်းရင်းမြစ်များ

Jɔ̌n 14:15

“Bɨ me kɔ̀ŋkè am, ko bɨa me ghɨ̀ àghɨa mâ shu nê bɨ̀ ghɨa la,

Jɔ̌n 14:21

Wòt tà ko mbɨ̧ taã mè me ghɨ̀ mbɨꞋɨ̀ te kɨa la wu wòt tàa kɔ̀ŋkè am la. Tǎt am mè ngu me kɔ̀ŋkè wòt wu tàa nkɔ̀ŋkè am la mɨ̧̂, mmɔ̌ mbɔŋ e mè ngu me kɔ̀ŋkè atò te enyɨꞋte atò wòt è ngu wùà la.”

Jɔ̌n 14:23

Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.

Jɔ̌n 15:10

Bɨ me ghɨ̀ èghɨ mâ shu la, ko maa me kɔ̀ŋkè àwɨ̧ nɨa ngà nè mbì, wuê mbɨ̀Ꞌɨ̀ Tǎt am nàa nkɔ̀ŋkà am nkàà nê maa ngɨ̀à èghɨ tàa nkɨà la.

Jɔ̌n 15:14

Bɨ me ghɨ̀ àghɨa e shua la, ko bɨa wu bèshu̧ bɔ̧.

1 Jɔ̌n 2:24

È me wu awɨ̧ ko bɨ̀ ye nê bɨ nɔ̀ŋà mènəè mu bɨ li ndzə àfɨ̀Ꞌ yu bɨ li mbùꞋ me ko a Yesò la a mèntɨ̧ɨ̧ mɨ̧. Bɨ nɔ̀ŋè mènəè maa a mèntɨ̧ɨ̧ mɨ̧, ko bɨ Waã Mbɔ̧ɔ̧mà ba nè Tǎt wa Mbɔ̧ɔ̧mà aa tsiꞋi àghɨ yeamɔꞋ.

1 Jɔ̌n 2:5

Ka wòt ègème tàa ndzəèa èngǎ̧ tò la, wu ndâ wòt Mbɔ̧ɔ̧mà è lu̧u̧ne èntɨ̧ɨ̧ tò ègème nè èkɔŋ la. Àghɨa àa nyɨ̀Ꞌta awa nê ba tsiꞋi àghɨ yeamɔꞋ nè Mbɔ̧ɔ̧mà la wu nê,

1 Jɔ̌n 2:7

Ngule bèshu̧ bɔ̧, mbɨ̧ yaa e shɨa abua yɨ̧ la ntsě ànəa fi Mbɔ̧ɔ̧mà laꞋnê bɨ̀ me ghɨ̀ la. Wu mbɨ̧ bɨ li ndzə e bùꞋù tê ane àlia mbì yu bɨ li ndzì mèntɨ̧ɨ̧ mɨ̧ ane Yesò Klistò la. Mbɨ̧ nyǎꞋ wu ànəa yu bɨ yaŋe zə la.

1 Jɔ̌n 5:15

Ndɨ̀ wu ba ko nê bàa ngɨ̀ bà lo̧o̧ àghɨ tè tà zə la, ba ko mɨ̧̂ nê àghɨa àgème ba lo̧ abua tò la taa ŋa.

1 Jɔ̌n 5:3

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Mbɔ̂ betsiꞋa mènəè tò ngaa ka tse awa a màngɨa,

2 Jɔ̌n 1:5

È wu ale, e me shu̧u̧te awê, àwɔ̀ Mè waa màa nkɔ̀ŋkà la nê, bà me kɔ̀ŋkè bɔnyɨ ba. Ànəê yaa e shɨa la ntsě ànəa fi Mbɔ̧ɔ̧mà laꞋnê bà me ghɨ̀ la. Wu ànəa ba li ndzə ebùꞋù tê ane àlia mbì yu ba li ndzì mèntɨ̧ɨ̧ ma ane Yesò la.