2 Jɔ̌n 1:5 - Mundani

⁵ È wu ale, e me shu̧u̧te awê, àwɔ̀ Mè waa màa nkɔ̀ŋkà la nê, bà me kɔ̀ŋkè bɔnyɨ ba. Ànəê yaa e shɨa la ntsě ànəa fi Mbɔ̧ɔ̧mà laꞋnê bà me ghɨ̀ la. Wu ànəa ba li ndzə ebùꞋù tê ane àlia mbì yu ba li ndzì mèntɨ̧ɨ̧ ma ane Yesò la.

2 Jɔ̌n 1:5 ပူးပေါင်းရင်းမြစ်များ

Jɔ̌n 15:12

Mbɨ̧ yaã è ngua ŋǎ abua yɨ̧ la wu nê, wòt me kɔ̀ŋkè wanyɨ vi mbɨ̀Ꞌɨ̀ màa nkɔ̀ŋkè àwɨ̧ la.

Jɔ̌n 15:17

Àghɨa e shua nê bɨ̀ me ghɨ̀ la wu nê, bɨ̀ me kɔ̀ŋkè bɔnyɨ bɨ̧.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

1 Tèsàlonikà 4:9

Ba bakà tsi mbɔ̌ ndɨ bàa mě eshɨ àkatè abua yɨ̧ eshu awɨ̧ ndɨ bɨ̀a me kɔ̀ŋkè bɔnyɨ bɨ̧ bòt Yesò la. Mbɔ̧ɔ̧mà zìambɔŋ è nyɨꞋte awɨ̧ ndɨ bɨ̀a me kɔ̀ŋkè bɔnyɨ bɨ̧ la.

Ebùlù 13:1

Bɨ̀ me kɔ̀ŋkè bɔnyɨ bɨ̧ bu è wu bòt Yesò la nɨa ngà wuê nè mbì.

1 Pità 4:8

Ànəa mbì wu nê bɨ̀ me kɔ̀ŋkè bɔnyɨ bɨ̧ nè èntɨ̧ɨ̧ wɨ̧ ègème, nkàà nê èkɔŋ e taꞋa wua nkàba mènəè nyaŋ bòt e fà̧à̧tè la.

2 Pità 1:7

mbà̧à̧ta bɔnyɨ bɨ̧ nè èkɔŋ, mè me kɔ̀ŋkè bòt bàgème.

1 Jɔ̌n 3:11

Èngà̧ wu bɨ li ndzə àfɨ̀Ꞌ yu bɨ li mbê mbùꞋ me zə Ntu̧ Ntsɔ̧̀ la wu nê, ba bɔ̂ ndɨ bàa me kɔ̀ŋkè bɔnyɨ ba la.

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.

1 Jɔ̌n 4:20

Wòt nê yeà nkɔ̀ŋkà Mbɔ̧ɔ̧mà mbɔ̂ me pààbè wanyɨ vi, ŋut ko nê ye wu wòt mèfà̧. BetsiꞋa wòt ghɨ̀ nà me kɔ̀ŋke a Mbɔ̧ɔ̧mà wu tàa ka ye atò la, mbɔ̂ me pààbè wanyɨ vi wu tàa ndzèa atò la à?

2 Jɔ̌n 1:1

Letà Wajûŋ ayɔɔ bòt Yesò, Abua Mè wu Mbɔ̧ɔ̧mà làà atò la bɔ̂ bɔ̧ bi. Maà ndâ nkɔ̀ŋkà àwɨ̧ ane nkûŋ yu ane ànəa Mbɔ̧ɔ̧mà la. È ntsě wuê ndàꞋà mmɔ̌ màa nkɔ̀ŋkà àwɨ̧ la, waa waa tà ko èngǎ̧ nkûŋ la nàà nkɔ̀ŋkà àwɨ̧ mɨ̧̂.