2 Kɔlìn 8:9 - Mundani

⁹ Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

2 Kɔlìn 8:9 ပူးပေါင်းရင်းမြစ်များ

Matìù 17:27

Ka la, baa ka kɨ etsòkè mèntɨ̧ɨ̧ bòt bu bɔɔ fèta èkab wàà la. È wu ale, ghǎ *èdzî, màꞋà fȩ, asəâ mbì è kɔꞋɔ la, à ghaꞋa ètsəê tò, ko aa ye àkwȩkab a kùꞋu awa ba nè la, enɨ ghǎ eŋa abua yɔb.”

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Ntu̧ Ntsɔ̧̀ MAK 6:3

Tè eyaa ntsě kapentà wu tà wù waã Màlià la à? Ka Jimsì bɔ̂ Jòsêb, nè Simùn bɔ̂ Judàs wu bɔnyɨ tò à? Ka bɔnyɨ tò bɔɔ̀zi aà ntsèka ba tò ba à?” Bɔ làꞋ ale, mbɔ̂ ntû̧ èngǎ̧ tò.

Lûk 16:11

Ale, tè bɨ bakà ko mbà̧à̧te èghɨ sitsǎꞋ yàa ndɨŋndɨ̀ŋ, ko wàà naa li lɔ̀Ꞌɔ evi àghɨa ko eŋa abua yɨ̧ nê wu àyɨ̧ à?

Lûk 2:7

Màlià bi waã mbi vi, wambâ̧. Bɔ lèbte atò a èbem ndǐtsə mbɔ̂ nɔ̀ŋè atò a èbem èpfəêꞋ àdziꞋa bɔ̀ɔ njɨ̀a njɨ̀tsə la, nkàà nê àdziꞋ a li à ka wuê a èbem lob bègɨ̧̀ àa nkɨ̀Ꞌa ntsèka la, bɔɔ tseke.

Lûk 8:3

Wekǒ nè àvi wu Jòanà wu è wuê vi Chuzà la. Chuzà waa li ngu wantu̧ kèkweelè a ntɔꞋ Fɔ̧̀ Elɔ̀d. Wekǒ wu Sùsanà bɔ̂ bèzi ko nyaŋ. Bèzi bàa e li ngua nɨ̀a èghɨ bɔ bɔ̂ la nɨa ntɨ̀ŋa Yesò bɔ̂ bɔkatè bi.

Lûk 9:58

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Jɔ̌n 1:10

Tòà wu, tà wu èngǎ̧ Mbɔ̧ɔ̧mà la, li ngu a sitsǎꞋ ka bòt sitsǎꞋ è ka ko atò, Mbɔ̧ɔ̧mà tsè ane tò ka ngɨ̀ sitsǎꞋ.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 12:30

Yesò bɨ̀ɨ̀lè nê, “Àtɔŋ yaa à ka laꞋa ambo yaã, a làꞋa ambo yɨ̧.

Jɔ̌n 16:15

Àghɨ àgème Tǎt am bɔ la wu àyaã. Eyaa wu lə yu mâ laꞋ nê taa zə ànəa mâ shu la, e shu awɨ̧ la.

Jɔ̌n 17:19

Mâ ŋa am nènkèm abua yê ambo yɔb, mbɨ̀Ꞌɨ̀ èngǎ̧ wè wu è wû nkûŋ la aa ghɨ̌ bɔɔ tsiꞋi mbɨ̀Ꞌɨ̀ àwɔ̀ nkûŋ nkûŋ.

Lûm 11:12

Bòt Izəèlȩê e li ngɨ̀ a kàbɔ̀ŋ è ghɨ̌ bòt ngɔ̀ŋ e bɔ èghɨ ntsɔ̧̀ nyaŋ. Ndɨ̀ wu bɔ li bɔ̀ ka ghɨ̂ mbɨ̀Ꞌɨ̀ Mbɔ̧ɔ̧mà kɨa la, a mè ngɨ̀ bòt kà wu Bèjuê e bɔ èghɨ ntsɔ̧̀ nyaŋ. A wu wu anè ko èghɨ ntsɔ̧̀ bu aa paa ghe, àfɨꞋa bòt Izəèlȩê bu bàgème àa paa me zə a Mbɔ̧ɔ̧mà la.

Lûm 15:3

Yesò Klistò li tà kà ghɨ̂ wuê àghɨa àa mbɔ̀ àvi la. A wu mbɨ̀Ꞌɨ̀ bɔ shɨ ànəa tò a èbem Àkata Mbɔ̧ɔ̧mà la nê, “Tèntsɔ̧̀ɔ̧̀mè tu bòt e li ntsɔ̧̀ɔ̧̀te àwê adù̧ la tê nɔ̀ŋke a ègwet laã.”

Lûm 5:8

Ka Mbɔ̧ɔ̧mà nyɨꞋte èkɔŋ vi abua ya ndɨ̀ wu bà le bele bòt kàbɔ̀ŋ tà ghɨ̀ Yesò Klistò è pfə ambo ya la.

Lûm 8:32

Tè tò wu tà li tà kà shuulè waã vi, ŋa tò nê tà pfə ambo ya bàgème la, ka mèe ŋa awa èghɨ ko tsa mbɨ̀Ꞌɨ̀ tà ŋa waã vi la à?

1 Kɔlìn 1:4

Maà nkɔ̀ŋkà Mbɔ̧ɔ̧mà àfɨ̀Ꞌ àgème ane àghɨa tà ghɨ ane yɨ̧ la. Tà nyɨꞋte a ntsɔ̧̀ vi abua yɨ̧, ndɨ̀ wu bɨ̀ tsiꞋi àghɨ yeamɔ̀Ꞌ nè Yesò Klistò la.

1 Kɔlìn 15:47

Wòt mbì li ngu wòt sitsǎꞋ, ngu wòt bɔ nɨ ètsaꞋ ka ngɨ̀ atò la, è we kwèn wu wòt ègwet.

2 Kɔlìn 13:14

Maà ntsàꞋtà nê Lefɨ̀Ꞌ Yesò Klistò nyɨꞋte a ntsɔ̧̀ vi abua yɨ̧, bɨ̀ mě ndzè èkɔŋ Mbɔ̧ɔ̧mà, Fo Kèfə e ghɨa bɨ̀ wu ane ètsəê wemɔꞋ bɨ̀agème.

2 Kɔlìn 6:10

Ènyit ya aa ntsèka àfɨ̀Ꞌ àgème mbɔ̀ ka wuê àfɨꞋa bà wu ane tèsȩ la, ntsèka mbɨ̀Ꞌɨ̀ bòt ntseb, ka mbɔ̂ me ghɨ̌ bòt nyaŋ e zəa ntsɔ̧̀, mè ntsèka mbɨ̀Ꞌɨ̀ bòt kà bɔ àghɨ, mbɔ̂ mbɔ àghɨ àgème.

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Efesɔ̀s 3:19

e mě, kɨꞋɨ te ndzə àdziꞋa bɨ̀a ko èkɔŋ Yesò Klistò la, mbɔ̂ èkɔŋ mbɔŋ e faŋ ntsè àghɨ betsiꞋa bòt e koê la. Bɨ koa èkɔŋ Yesò waa ko bɨa bɔ èntɨ̧ɨ̧ wu Mbɔ̧ɔ̧mà bɔ la nènkèm.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

Ètsə 2:9

Mâ koê ngoꞋte bɨ̀a ndzèa la, nè ntseb bɨ̀ wu a èbèm la, (ka ane nkûŋ) bɨ bɔ èghɨ nyaŋ. Mâ koê mɨ̧̂ ndɨ bòt bu bɔ̀ɔ fɨ̀ta nè bɔ wu Bèjuê, ka bɔ̀ ka wu bùà la, àa ndàꞋa kàbɔ̀ŋ ane èlen lɨ̧ la. Bɔ wu ènɔ̧̂ bòt Satàn.

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

Ètsə 3:18

Ale, mâ kɨɨte awɨ̧ nê bɨ̀ kɨꞋɨ abua am njû̧ a ngule goêl bɔ to̧ a èwet tè ndɔ̀tetsə te dzə adù̧ la, mbɨ̀Ꞌɨ̀ wu ndaŋe bòt èsi ntsɔ̧̀. Bɨ̀ kɨꞋɨ mɨ̧̂ njû̧ ndìte kèfə nkàbte mbɨ̧̀ tɨ̧, mbɨ̀Ꞌɨ̀ tea ghɨ̌ bɨa baka tsi mbɔ̀ àtsəa kɔꞋɔ. Bɨ̀ mě nkɨ̀Ꞌɨ̂ njû̧ èghɨbə ndzì àghɨ ayɨ̧ mbɨ̀Ꞌɨ̀ e me ye èdziꞋ ntsɔ̧̀.