2 Kɔlìn 8:4 - Mundani

⁴ shù̧ù̧ta wa a ngo̧ a ngò̧ nê ba ghɨ̀ àwɔb a ntsɔ̧̀ ŋà wɔb èlu̧ bɔ̀ ghɨ̀ àyɔb ne àfàꞋ a màŋa èghɨ abua bòt Mbɔ̧ɔ̧mà bu a Jùdià la.

2 Kɔlìn 8:4 ပူးပေါင်းရင်းမြစ်များ

Matìù 10:42

Wòt tà ŋa ka wuê ndɔŋ mèleb kèfi abua wekǒ ane ebe tèchɨɨle baa, ndɨ̀ wu ŋut wu wakatè am la, kwàꞋ ane nkûŋ, tsiꞋ è shu awɨ̧ nè, betsiꞋa àbȩ̀ atò à ka nyɔ̂.”

Matìù 12:50

Wòt ègème tàa ngɨ̀à àghɨa Tǎt am a ègwet nàa nkɨà la wu wòt tà wu nyɨ̌ am mè ngu wanɔ̧ la.”

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Ntu̧ Ntsɔ̧̀ MAK 14:7

Bòt ntseb e taꞋa wu a ngɔ̀ŋ ŋaa, è wu ale, bɨ me kɨ etɨŋe awɔb wuê àfɨꞋa ŋa leꞋ, bɨ̀ ka buŋ. È me wu am, ko betsiꞋa e nka teꞋa banɨ̧̀ ba.

ÀfaꞋa 11:29

Bɔkatè Yesò bu e làŋkè nê waa waa ane yɔb chùbtè àghɨa ye bɔ la, bɔ tsaa nɨŋ ntɨ̀ŋe bɔnyɨ bɔb bu a Jùdià la.

ÀfaꞋa 16:15

Bɔ zì atò a èdzî bɔ̂ bòt lob tò, tà kàꞋ awa nê “Ndɨ̀ wu bɨ laꞋnê e ntsiꞋi ngule wòt Yesò la, bɨ̀ kɨꞋɨ me tseke a lob yaã.” Èngǎ̧ tò wu e ŋwèèlè awa ngɨ̀ ba gha a lob və.

ÀfaꞋa 24:17

“E ndi ntsèke ane mèngùꞋ nyaŋ kà gha a Jèlusalèm. Ndɔ̀Ꞌ ale, ka nê e kɨ eghǎ abàꞋ və enɨ èkab ko eghǎ eŋa abua Bèjuê ba ko. E ndi ngua ngà mɨ̧̂ ekɨ̧ɨ̧me nyà̧ enɨ ŋa mènkɔ̀ŋke abua Mbɔ̧ɔ̧mà.

Lûm 15:31

Bɨ̀ me tsàꞋte atò nê tà ghɨa bòt bu a Jùdià bɔ̀ baka zi mèntɨ̧ɨ̧ mɔb ane Mbɔ̧ɔ̧mà la è ka ndzì àlɔꞋ ane yaã, me nè bòt Mbɔ̧ɔ̧mà bu a Jèlusalèm la è nɨ àghɨa e nɨa nga etɨŋe awɔb la nè mèngùꞋte.

1 Kɔlìn 16:1

Maà nkɨ làꞋa ane ànəa màfeta èkab e nɨ tɨŋe bòt Mbɔ̧ɔ̧mà bu a Jèlusalèm la, nê, bɨ bɔ ndɨ bɨ̀a ghɨ̀ àghɨa e ndi shu abua bèchɔsì bu a Gàlashìà nê bɔ̀ me ghɨ̀ la.

1 Kɔlìn 16:15

Bɔnyɨ bɔ̧, bɨ ko nê Stefanàs bɔ̂ bòt lob zi wu bòt mbì a èbem Akayà bɔ li ndzì mèntɨ̧ɨ̧ mɔb ane Yesò, mè ŋà wɔb e me faꞋa ntɨ̀ŋa bòt Mbɔ̧ɔ̧mà la.

2 Kɔlìn 9:1

E mbakà lâ ntsi ndzè lə màa mě e shɨ awɨ̧ àkatè ane ànəa màŋa èghɨ abua bòt Mbɔ̧ɔ̧mà la.

Gàlashìà 2:10

NdàꞋ ànəa bɔ li shu la wu nê, bà me ku̧u̧te bòt ntseb àfɨ̀Ꞌ àgème, è wù àghɨa e ndi ngua mɨɨta è ghɨ̀ la.

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.