2 Kɔlìn 8:23 - Mundani

²³ È me wua Tȩtɔ̀s ko tà wu wòt ba tò àa fàꞋà nɔ̂ a màntɨŋa wɨ̧ la. È me wu bɔnyɨ ba ko bu nkɨ̀Ꞌa bɔ̂ tò ba la ko wu bòt bèchɔsì e tsàà la. ÀfàꞋ àyɔb aà ndɔ̀kà èlen Yesò Klistò ntsaa a ègwet.

2 Kɔlìn 8:23 ပူးပေါင်းရင်းမြစ်များ

Lûk 5:10

Jimsì bɔ̂ Jɔ̌n bɔ̧ Zebèdiì, bɔ̂ tò ba e li ngùa fàꞋà nɔ̂ la. Yesò shu abua Simùn nê, “À ka mbɔ̀ɔ̂, e bùꞋu àfɨ̀Ꞌ yaa, à ka tsi buꞋu basə a. Aa tsiꞋi me kɨ bɔbȩ nɨa nkɨ̀Ꞌa abua am.”

Lûk 5:7

Ale, bɔ mɨ̀Ꞌ àbu ntɔ bèshu̧ bɔb a èbem ànkànuꞋ ako yu nê, bɔ̀ kɨꞋɨ ntɨ̀ŋe awɔb. Bɔ kɨꞋɨ̀, bɔ̂ tò ba e lu̧u̧ne ènkànuꞋ bu nè basə, tè ènkànuꞋ mbɔŋ e tsiꞋa nkɨ emela a èbem mèleb.

Jɔ̌n 13:16

KwàꞋ ane nkûŋ tsiꞋ è shua wɨ̧ nê, WafàꞋ bakà tse a tǎt àfàꞋ vi, wantu̧ ka tsè a wòt wu tà tu̧a tò la.

1 Kɔlìn 11:7

Mbâ̧ bakà bɔ ndɨ tàa kaba àtsəa zi la, nkàà nê Mbɔ̧ɔ̧mà ghɨ̌ atò tà fəə a Mbɔ̧ɔ̧mà, nè ènɨ̧ tò, ka àvi wua nyɨ̀Ꞌta ènɨ̧ mbâ̧.

2 Kɔlìn 12:18

E ndi ŋwètè a Tȩtɔ̀s nê tà kɨꞋɨ, mè ntsàà wanyɨ wa kǒ wu bɔ̂ tò. Tè Tȩtɔ̀s li fìble wòt kǒ ane yɨ̧? Ba tò e li ngɨ̀ mbɨ̀Ꞌɨ̀ bòt bɔ̀ɔ ndzea èlu̧ wemɔꞋ la, mè ngɨ̀ àghɨ yeamɔꞋ.

2 Kɔlìn 7:6

Bà bela ndzea ngoꞋ ale, Mbɔ̧ɔ̧mà wòt tàa ndzìà mèntɨ̧ɨ̧ bòt mèntɨ̧ɨ̧ mɔb ntsě ntsɔ̧̀ la, nɨa Tȩtɔ̀s nɨŋ nkɨ̀Ꞌɨ̂ ndzì mèntɨ̧ɨ̧ ma.

2 Kɔlìn 8:16

Mâ kɔ̀ŋka Mbɔ̧ɔ̧mà nê tà ghɨ̂ Tȩtɔ̀s me kɨ etɨŋe awɨ̧ wuê mbɨ̀Ꞌɨ̀ màa nkɨ me ghɨ̀ la.

2 Kɔlìn 8:18

Tà gha ekɨꞋɨ bɔ̂ wòt kǒ ba tsàà la. Wu wanyɨ wa wu bèchɔsì bàgème bèa ngùꞋta tò ane àfaꞋa to a màntsɔta Ntu̧ Ntsɔ̧̀ Yesò Klistò la.

2 Kɔlìn 8:19

Àyea ko nè ànəê ane tò wu nê bèchɔsì e làa atò nê tà ghȩ̀ȩ̀nè ba tò ba a màngɨa àfaꞋa ntsɔ̧̀ yaa. ÀfaꞋa mbɔŋ aa ghɨ Tè Yesò naa bɔ mèngùꞋte, e mě nyɨꞋte nê baa nkɨ etɨŋe bòt.

2 Kɔlìn 8:22

Ba wua mè ntsàà wanyɨ wa wòt Mbɔ̧ɔ̧mà ko bɔ̂ tò ba aa kɨꞋɨ nɔ̂. Ba ye ngò̧ nyaŋ nyaŋ nê tà lâ ŋà àvi ane àfaꞋa Mbɔ̧ɔ̧mà. Tàà nkɨ eŋa avi àfɨ̀Ꞌ yaa te tsè ale, nkàà nê tà lâ nko nê, bɨa ghɨ̀ àghɨa bɔ̀ kɨꞋɨ adù̧ la.

2 Kɔlìn 8:6

Ndɨ̀ wu bòt Màsèdonìà è le wua ŋǎ nyaŋ la a ghɨ̂ ba me shu abua Tȩtɔ̀s nê, ndɨ̀ wu tà li ndzaŋe ebuꞋu àfàꞋ yaa la, tà kɨꞋɨ nkwene ane yɨ̧ mpàa àfaꞋa ntsɔ̧̀ a màfeta èghɨ bu bòt Mbɔ̧ɔ̧mà àa ŋǎ ambo èkɔŋ tò la.

Filìpȩ 2:25

Mâ kwaꞋtè nê, a wu ntsɔ̧̀ nê, è mvəèəè wanyɨ wa Èpaflɔ̀ditùs tà kɨꞋɨ ndzè àwɨ̧ mɨ̧̂. Ba tò aa fàꞋà nɔ̂ mè me fɔta nùà ànəa Yesò nɔ̂. Wu tòà wu bɨ li ntsà nê, tà kɨꞋɨ me tɨŋe am la.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Kɔ̀losìà 1:7

Bɨ li mbɨ ndzə ànəa ntsɔ̧̀ Mbɔ̧ɔ̧mà mbɔŋ abua Èpaflàs, shu̧ ya wafàꞋ Yesò Klistò wu tà ŋà avi abua Yesò me tɨŋa awa la.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

2 Tɔ̀màtià 4:10

Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

Fȩlemùn 1:17

À yea nê ba nè e wu bɔfàꞋ Mbɔ̧ɔ̧mà, à nɨ atò mbɨ̀Ꞌɨ̀ ndɨ nàà ngu mmɔ̌ ko à nɨ am la.

Fȩlemùn 1:24

Mak bɔ̂ Àlistakùs nè Demàs, nè Luêk wu ba tò ba àa fàꞋà nɔ̂ la e tsaꞋtè mɨ̧̂.

3 Jɔ̌n 1:8

Ale, bàa bòt Yesò e bɔ̂ ndɨ bàa tɨŋe bòt baa mbɨ̀Ꞌɨ̀ ezì àbu ba tò ba ane àfàꞋ yu bɔ̀ɔ fàꞋà a màndaꞋa èngǎ̧ nkûŋ la.