2 Kɔlìn 8:19 - Mundani

¹⁹ Àyea ko nè ànəê ane tò wu nê bèchɔsì e làa atò nê tà ghȩ̀ȩ̀nè ba tò ba a màngɨa àfaꞋa ntsɔ̧̀ yaa. ÀfaꞋa mbɔŋ aa ghɨ Tè Yesò naa bɔ mèngùꞋte, e mě nyɨꞋte nê baa nkɨ etɨŋe bòt.

2 Kɔlìn 8:19 ပူးပေါင်းရင်းမြစ်များ

ÀfaꞋa 14:23

AdzìꞋ àgème bɔ ghà la, bɔ yɔꞋɔ bɔɔjuŋ àtsəa bòt chɔsì bu. Bɔ ghɨ̀ ale, bɔ tsaꞋte a Mbɔ̧ɔ̧mà kà jɨ èghɨjɨ mbɔ̂ ndzì bòt mbɔŋ a tèkitebu Yesò wu bɔ zì mèntɨ̧ɨ̧ mɔb ane tò la.

ÀfaꞋa 15:22

AfɨꞋa mbɔŋ, bɔntu̧ bu nè bòt chɔsì bàgème, fɔ̀ɔ̀lè ne bɔɔjuŋ ayɔɔ ayɔb, e làŋkè nê, bɔ̀ tsi bòt ko ayɔɔ ayɔb ntù̧ àwɔb a Antìɔ̀k bɔ̂ Pɔ̂l ba nè Bànabasì. Bɔ li ndȩ a Judàs wu bɔ̀ le wua ntɔ nê Bàsabàs la, nè Sȩlàs è wu bòt bɔnyɨ ba e li ngua ntsènà nkùkta wɔb la.

ÀfaꞋa 15:25

Ale, baa tsèke a si, ndàŋkè bàgème nê, bà lȩ̀ bòt babe è ntsà bɔ̀ kɨꞋɨ nkwène ane yɨ̧. Bòt ngaa e ghȩ̀ȩ̀nè ne ngule bɔnyɨ ba Bànabasì bɔ̂ Pɔ̂l,

ÀfaꞋa 19:22

Ale, tà tsaa Èlastùs bɔ̂ Tɔ̀màtià, è wû bòt bɔ̀ɔ ntɨ̀ŋa atò la a Màsèdonìà, mbɔ̂ mè ntèꞋà zìambɔŋ ane àfɨ̀Ꞌ àko àbâ àlaꞋ a Esìà.

ÀfaꞋa 19:29

Bɔ ghɨ̀ ale, ŋȩ̀ tê bòt nyaŋ àpfəèà nɨ̧ yu e tsiꞋa ŋȩ̀a ŋȩ mɨ̧̂. Ènɔ̧̂ bòt bu e baãaã a Gayɔ̀s bɔ̂ Àlistakùs è wû bòt Màsèdonìà babe, bɔ̀ le wua ngȩ̀ȩ̀nà bɔ̂ Pɔ̂l ba la, nɨ̀ àwɔb ndùùlà nga adzìꞋa waa waa àpfəèà nɨ̧ və nàa mbù̧ù̧tà la.

Lûm 5:11

E ntsě wuê ndàꞋà àyùà, baa ngùꞋtà àwa mɨ̧̂ ndɨ̀ wu bàà tsiꞋi ne Mbɔ̧ɔ̧mà la, nkàà ndɨ Yesò Klistò Lefɨ̀Ꞌ wa ghɨ baa tsiꞋi ane àlàŋkè nè Mbɔ̧ɔ̧mà la.

Lûm 5:3

Baa mè ngùꞋtà àwa a èbem ngoꞋ ta nkàà nê ngoꞋte mbɔŋ tea ngɨ̀à baa kuula mèntɨ̧ɨ̧ ma;

2 Kɔlìn 4:15

Ba yea ngoꞋ anè mbɨ̀Ꞌɨ̀ bɨa jɨ àbȩ̀, mbɨ̀Ꞌɨ̀ bòt è me kwèꞋna ndzəa ntsɔ̧̀ Mbɔ̧ɔ̧mà ngà nè mbì, bòt bɔ̀ɔ me ŋǎ mèngùꞋte abua Mbɔ̧ɔ̧mà nɨa ndɔ̀kà èlen tò ntsaa a ègwet la e me yaã.

2 Kɔlìn 8:11

Bɨ̀ ŋa mbɨ̀Ꞌɨ̀ àbu ayɨ̧ a nyɨꞋte la, nɨŋ mpàa àghɨa bɨ li mɨɨtè e ghɨ la.

2 Kɔlìn 8:12

Bɨ ŋa nè èntɨ̧ɨ̧ wemɔꞋ ko Mbɔ̧ɔ̧mà naa nɨ nkàà nê, tàà nɨa àghɨ abua wòt ndɨ àbu ŋut a nyɨꞋte la. Mbɔ̧ɔ̧mà nàà ka shu laꞋ nê wòt ŋa àghɨ kà bɔŋ.

2 Kɔlìn 8:20

Baà mbà̧à̧ta èkab bɨ̀a ŋa ane èntɨ̧ɨ̧ wemɔꞋ la ane ndɨ wòt ka fèèlè àwa ane ànəa wùà la.

2 Kɔlìn 9:2

Mâ ko nê bɨ yaŋe wua nkɨ eŋa, tè e me ghàꞋtà am ane ànəa yɨ̧ abua bòt Màsèdonìà. E ndi shu abua yɔb nê, “Bɔnyɨ ba bòt Mbɔ̧ɔ̧mà a Akayà e li ndzaŋe taŋke a màŋa tè èŋubȩ̂.” Èntɨ̧ɨ̧ waa bɨ bɔ a màŋa la e lɔ̀ktè mèntɨ̧ɨ̧ bòt nyaŋ ane yɔb.

2 Kɔlìn 9:8

Mbɔ̧ɔ̧mà bɔ mètàŋ eŋa awɨ̧ àghɨ àgème bɨ̀a nkɨ̀ŋkà la, mbɨ̀Ꞌɨ̀ bɨa me bɔ nyaŋ nɨa bùà nɨa ngɨ̀à àfàꞋa ntsɔ̧̀ àgème.