2 Kɔlìn 8:10 - Mundani

¹⁰ Maà nkɨà bɨa ko ànəa màa nkwàꞋtà ane ànəa màfeta èkab wàa la. A bɔ̂ŋ nê bɨ̀ paa àghɨa bɨ li mbùꞋ èŋubȩ̂ la. Bɨ li ngu bòt mbì bɔ̀ɔ nkɨ eŋa la, mè ngu bòt mbì a màŋa.

2 Kɔlìn 8:10 ပူးပေါင်းရင်းမြစ်များ

Matìù 10:42

Wòt tà ŋa ka wuê ndɔŋ mèleb kèfi abua wekǒ ane ebe tèchɨɨle baa, ndɨ̀ wu ŋut wu wakatè am la, kwàꞋ ane nkûŋ, tsiꞋ è shu awɨ̧ nè, betsiꞋa àbȩ̀ atò à ka nyɔ̂.”

Jɔ̌n 11:50

Bɨ bakà ko nê, a bɔ̂ŋ nê wòt wemɔ̀Ꞌ pfə àtsəa bòt tè ntsè ndɨ àlaꞋ àgème àa leme la?”

Jɔ̌n 16:7

E ngua shua wɨ̧ nkûŋ nê, è ngà, ko naa wu ànəa ntsɔ̧̀ abua yɨ̧, nkàà nê e mbakà ghà, wòt wu tàa tɨŋe awɨ̧ la ka kɨꞋɨ, ka e ngà ko maa tsǎ atò abua yɨ̧.

Jɔ̌n 18:14

Eyaa wu Kefàs wu tà li shu abua bɔɔjuŋ Bèjuê nê, a bɔ̂ŋ nê wòt wemɔ̀Ꞌ pfə bòt è pem la.

1 Kɔlìn 10:23

Bòt aa shua nê “Mbɨ̧ kǒ nàa kele awa a màngɨa àghɨ la ntsě.” Ale, è ntsě àghɨ àgème àa ntɨ̀ŋa wòt la. Mbɨ̧ kǒ nàa kele awa a màngɨa àghɨ la ntsě, mbɔ̂ è kà wu àghɨ àgème àa ntɨ̀ŋa bòt la.

1 Kɔlìn 16:2

Waa waa ane yɨ̧ ye nê ye fete èkab ye bɔ la ane àlia mbì ane nkàb ègème nɔ̀ŋè me chɨ̀Ꞌɨ, mbɨ̀Ꞌɨ̀ è nkɨꞋɨ, bɨ̀ ka tsi fete èghɨ.

1 Kɔlìn 6:12

“Mbɨ̧ ko nàa kele am a màngɨa ghɨ la è ntsě.” A batè ngu ale ka è kà wuê àghɨ ègème àa ntɨ̀ŋa wòt la. “Mbɨ̧ ko nàa kele am a màngɨa àghɨ la è ntsě”, ka è nka wu bɨ̧ɨ̧ne àbùꞋ abua àghɨa ko.

1 Kɔlìn 7:25

È me wu ane ànəa bòt kà yɔꞋ, ko ànəa ko Tè Yesò shu am nê è ndaꞋa la a ntsě, ka maa shu ndɨ màa ndzea la, mbɨ̀Ꞌɨ̀ wòt Tè Yesò nɨ tèsȩ ti ngɨ̀ tà kùꞋù è we bòt àa lɨ̀Ꞌɨ̀ àwɔb ane tò la.

1 Kɔlìn 7:40

A batè ngu ale ka ndɨ màa ndzea la wu nê, naa wu ànəa ntsɔ̧̀ abua tò taa tseke ka yɔꞋ, mbɔ̂ mâ mɨɨtè nê, Fo Mbɔ̧ɔ̧mà naa ane yaã.

2 Kɔlìn 12:1

Maa me ghàꞋtè wu am. Àbȩ̀ àko wòt nàa jɨ la a batè ntsě adù̧, kà e mbɔ̂ ngu me ghàꞋtè wuê ghàꞋte shua ànəa ètsə Yesò Klistò è nyɨꞋte am la, nè èghɨ tà li ngàꞋte àghɨ am e ndze la.

2 Kɔlìn 8:6

Ndɨ̀ wu bòt Màsèdonìà è le wua ŋǎ nyaŋ la a ghɨ̂ ba me shu abua Tȩtɔ̀s nê, ndɨ̀ wu tà li ndzaŋe ebuꞋu àfàꞋ yaa la, tà kɨꞋɨ nkwene ane yɨ̧ mpàa àfaꞋa ntsɔ̧̀ a màfeta èghɨ bu bòt Mbɔ̧ɔ̧mà àa ŋǎ ambo èkɔŋ tò la.

2 Kɔlìn 8:8

E ntsea ŋwèèlà wɨ̧ nê bɨ̀ ghɨa. Ka e ngua nkɨ enɨ àghɨa bòt ko àa ngɨa la enyɔ̀Ꞌtè àwɨ̧ eye nê ko ane nkûŋ bɨa nkɔ̀ŋkà bòt ko mɨ̧̂ leꞋ.

2 Kɔlìn 9:2

Mâ ko nê bɨ yaŋe wua nkɨ eŋa, tè e me ghàꞋtà am ane ànəa yɨ̧ abua bòt Màsèdonìà. E ndi shu abua yɔb nê, “Bɔnyɨ ba bòt Mbɔ̧ɔ̧mà a Akayà e li ndzaŋe taŋke a màŋa tè èŋubȩ̂.” Èntɨ̧ɨ̧ waa bɨ bɔ a màŋa la e lɔ̀ktè mèntɨ̧ɨ̧ bòt nyaŋ ane yɔb.

Filìpȩ 4:17

È ntsě wuê èghɨ bu bɨ li ntsaa abua am la ka èntɨ̧ɨ̧ am àa adù̧ la. Àghɨa àa ngɨ̀à èntɨ̧ɨ̧ am e bɔ̀ kwàꞋ ànyaꞋne la wu èghɨ bu bɨ̀a ngɨ̀à, àa ghɨ̌ Mbɔ̧ɔ̧mà naa kwèꞋne àbȩ̀ a yɨ̧ la.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.