2 Kɔlìn 8:1 - Mundani

¹ Bɔnyɨ ba, ba wua nkɨ e shu awɨ̧ àghɨa bèchɔsì bu a Màsèdonìà la e ghɨ̂ nɨŋ nyɨ̀Ꞌte a ntsɔ̧̀ Mbɔ̧ɔ̧mà la.

2 Kɔlìn 8:1 ပူးပေါင်းရင်းမြစ်များ

Matìù 25:22

“È wu bɔ yaã ŋǎ atò bètɔsì babe la kɨꞋɨ nê ‘Tê, à li ŋà bètɔsì babe abua am, mâ ta èwen tè beko babe be nyi a ègwet.’

ÀfaꞋa 11:23

Tà ghà abàꞋ və ndze ndɨ Mbɔ̧ɔ̧mà è nyɨꞋte a ntsɔ̧̀ vi ane bòt ngaa la, ànəa mbɔŋ a bɔ̀ atò, tà kààtè àwɔb nê bɔ̀ zì àtsə me kùŋè wuê a Yesò nkûŋ nkûŋ ngà nè mbì kà lɨŋke kwèn.

ÀfaꞋa 16:9

Pɔ̂l lɔꞋ a nyèmtèsi ndzě ndzò̧ me ko, wòt àlaꞋ a Màsèdonìà kǒ tɨ̧̂ me tɔ atò, shua nê, “Tu̧ nkɨ̀Ꞌɨ̂ a Màsèdonìà ntɨ̀ŋe awa.”

ÀfaꞋa 24:17

“E ndi ntsèke ane mèngùꞋ nyaŋ kà gha a Jèlusalèm. Ndɔ̀Ꞌ ale, ka nê e kɨ eghǎ abàꞋ və enɨ èkab ko eghǎ eŋa abua Bèjuê ba ko. E ndi ngua ngà mɨ̧̂ ekɨ̧ɨ̧me nyà̧ enɨ ŋa mènkɔ̀ŋke abua Mbɔ̧ɔ̧mà.

Lûm 15:26

Bòt Mbɔ̧ɔ̧mà bu a Màsèdonìà la, nè è bu a Akayà la e li ŋa èghɨ abua bòt ntseb bu ayɔɔ bòt Mbɔ̧ɔ̧mà bu a Jèlusalèm la nè mèngùꞋte.

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

2 Kɔlìn 11:9

E ndi nguê màa ngɨ̀ è me kɨ̀ŋke àghɨ, è nka lɨŋkè wòt kǒ ane yɨ̧ nkàà nê, bɔnyɨ ba bu bɔ dzə a Màsèdonìà la e li ngua ŋǎ èghɨ màa nkɨ̀ŋkà la. Maa me ghɨ̀ wuê a èlɨ̀ waa ngà nè mbì. E nka me lɨ̀ŋke wòt kǒ ane yɨ̧ a ebàꞋa àghɨa ko a.

2 Kɔlìn 9:12

Bɨ ŋa èghɨ bàa bɨ kɨ eŋa la ko aa tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la. Àyea mbɔŋ a wuê ghɨ̌ bòt aa mě taꞋa ekɔ̀ŋke a Mbɔ̧ɔ̧mà.

2 Kɔlìn 9:2

Mâ ko nê bɨ yaŋe wua nkɨ eŋa, tè e me ghàꞋtà am ane ànəa yɨ̧ abua bòt Màsèdonìà. E ndi shu abua yɔb nê, “Bɔnyɨ ba bòt Mbɔ̧ɔ̧mà a Akayà e li ndzaŋe taŋke a màŋa tè èŋubȩ̂.” Èntɨ̧ɨ̧ waa bɨ bɔ a màŋa la e lɔ̀ktè mèntɨ̧ɨ̧ bòt nyaŋ ane yɔb.

2 Kɔlìn 9:4

Bɨ bakà ghɨ anè e me kɨꞋɨ bòt Màsèdonìà ko e kɨꞋɨ ba tò ba me ye bɨ bakà taŋke tê e lɔ̀Ꞌɔ ko bɨa ghɨ̌ baa bɔ àtsəa kɔꞋɔ, nkàà nê ba li ndzaŋe shu nê bɨa ghɨ̌. Mâ mɨ̀ɨ̀tè nê àyea mbɔŋ aa ghɨ̌ bɨa bɔ àtsəa kɔꞋɔ mɨ̧̂.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

1 Tèsàlonikà 4:10

Bɨa ngɨa a èlɨ waa adù̧ bòt Yesò bàgème a Màsèdonìà ale à bɔnyɨ ba, baa shù̧ù̧ta awɨ̧ nê bɨ̀ me paa ngɨ̀à ale nɨa ngà nè mbì.