2 Kɔlìn 7:9 - Mundani

⁹ Mbɨ̀Ꞌɨ̀ àa la, maà ngùꞋtà am àfɨ̀Ꞌ yaa, ka è nka wua ngùꞋtà nê e ndi sɔ̀ɔ̀bè mèntɨ̧ɨ̧ mɨ̧. E ngùꞋtà nê mèntɨ̧ɨ̧ mɨ̧ mbɔŋ li mbɨ ale ngɨ̀ bɨ kubte mènəè mɨ̧. Àbu a Mbɔ̧ɔ̧mà a li ngu ane mèntɨ̧ɨ̧ mɨ̧ mu è bɨɨ la, mbɨ̀Ꞌɨ̀ àa ale la, baa li bà ka zi fɨŋ a èntɨ̧ɨ̧ wòt kǒ.

2 Kɔlìn 7:9 ပူးပေါင်းရင်းမြစ်များ

Matìù 3:8

Bɨ̀ ghɨ̌ èghɨ bu àa nyɨ̀Ꞌta nê bɨ waꞋa mènəè kàbɔ̀ŋ mɨ̧ la.

Lûk 15:10

Yesò ghɨ̀ ale, mè nê, “E ngu a si è shu awɨ̧ nê, ndɨ àvi wàa le lɔ̂Ꞌ ngùꞋtè àvi la, wu wuê èlɨ mbɔŋ bɔntu̧ Mbɔ̧ɔ̧mà àa ngùꞋtà àwɔb ane wòt kàbɔ̀ŋ wemɔ̀Ꞌ tà kubtè èntɨ̧ɨ̧ vi èsà mènəè kàbɔ̀ŋ mi la.”

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

Lûk 15:7

Ale, kwàꞋ ane nkûŋ tsiꞋ è shu awɨ̧ nê wu wuê èlɨ mèngùꞋte nàa wu a ègwet ane wòt kàbɔ̀ŋ wemɔ̀Ꞌ tà kubte èntɨ̧ɨ̧ vi, ngwàꞋà mènəè kàbɔ̀ŋ mi la, tè ntsè me nàa ane bòt èghem yebəèꞋa ntsɔ̀b babəèꞋa bɔ̀ wu bòt ntsɔ̧̀ kà tsi mbɔ̌ ndɨ bɔ̀ɔ kubte mèntɨ̧ɨ̧ mɔb la.”

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 2:16

Abua bòt mpfəèꞋta la, àghaa yaa wu àghaa èvə àa bùŋè àwɔb la, è me wu abua bòt bu mpèma la, àghaa mbɔŋ wu àghaa àa ghɨ̌ bɔɔ peme la. Wòt wu tà kùꞋu ane àfàꞋ yaa la wu wàà?

2 Kɔlìn 7:8

È màà ngu wuê nê, letà wu e ndi shɨ abua yɨ̧ la è li sɔ̀ɔ̀bè mèntɨ̧ɨ̧ mɨ̧, ko aa kà saa am nè e ndi shɨ letà mbɔŋ. Èntɨ̧ɨ̧ am e li è kà nɔ̀ŋke a èbèm ntsɔ̧̀ àfɨꞋa e ndi shɨŋ la, ka aà kà tsi sàa am àfɨ̀Ꞌ yaa, nkàà nê, mâ ye nê letà mbɔŋ è li sɔ̀ɔ̀bè mèntɨ̧ɨ̧ mɨ̧ ale ka mbɔ̂ ngu wuê ane kètem àfɨ̀Ꞌ.