2 Kɔlìn 6:8 - Mundani

⁸ Bòt ko aa nkùkta wa, èbeko e ghɨ̀à ba bɔ àtsəa kɔꞋɔ, èbeko elaꞋa kàbɔ̀ŋ ane èlen la. Bòt ko aa nɨa wa nê ba wu bòt mèfà̧. Mbɔ̂ ba me làꞋà nkûŋ àfɨ̀Ꞌ àgème,

2 Kɔlìn 6:8 ပူးပေါင်းရင်းမြစ်များ

Matìù 10:25

Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.

Matìù 22:16

Ale, bɔ tsà bɔkatè bɔb nè bòt bu bɔ̀ɔ nkuŋa Elɔ̀d la abua Yesò, bɔ kɨꞋɨ̀ mbììte atò nê, “NyɨꞋtà, baa ko nê àà ndàꞋà wuê nkûŋ, mè nyɨ̀Ꞌta mènəè Mbɔ̧ɔ̧mà wuê mbɨ̀Ꞌɨ̀ nàa la, kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko.

Matìù 27:63

nê “Tê, ba ku̧u̧te ndɨ wòt mèfà̧ waa li mbèle yû̧ nê, yea li mpfə è me wu ane èlibȩ betat ye yu̧u̧mè la.

Ntu̧ Ntsɔ̧̀ MAK 12:14

Bɔ kɨꞋɨ mbììte atò nê, “NyɨꞋtà, baa ko nê àà ndàꞋà wuê nkûŋ, à kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko. Àà ndâ nyɨ̀Ꞌta ndɨ Mbɔ̧ɔ̧mà nàa nkɨà nê bòt e wu me kùŋè àvi la. Tè mbɨ̧ ta tê bɨ̧ɨ̧nè nê bà me ŋa èkab taksì abua Sisà kò wu nê bà ka ŋa à? Àa mɨ̀ɨ̀tà nàà?”

Jɔ̌n 7:12

Ènɔ̧̂ bòt bu abot la e ghɨ̀ ale ntaꞋa làꞋa adù̧ èlen tò. Bòt ko e ghɨ̀ ale me shu nê tà wu wòt ntsɔ̧̀. Ka èbeko e me shu nê, “ChaꞋ, tàà ntsòkà ètsə bòt.”

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 16:39

Bɔ ghà shù̧ù̧te awɔb, ntsì awɔb a lob tèfȩ yu mbɔ̂ shu awɔb nê, bɔ̀ sa àpfəèà nɨ̧ yu me ghǎ.

ÀfaꞋa 22:12

“Wòt kǒ li ngu abàꞋ və èlen tò wu Ànàniàs la, mbɔ̂ ngu wòt Mbɔ̧ɔ̧mà, me kùŋe mbɨ̧ ta. Bèjuê bàgème bèa ntsèka a Dàmaskɔ̀s la e mè ntàꞋa wua nguꞋta atò.

ÀfaꞋa 24:5

“Ba ye nê mbê waa wu kwàꞋ anyà̧kàbɔ̀ŋ a kètsìà bɔbȩ. Tàa ngɨ̀ tà tsě adzìꞋ àgème a ngɔ̀ŋ ŋaa, tà lɔ̀kè ngoꞋ a kètsìà Bèjuê. Tàa anè ngu ndâ wòt tà wu àtsəa ènɔ̧̂ bòt bu bɔ̀ɔ ntɔ awɔb nê bòt Nazàlet la.

ÀfaꞋa 28:22

Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”

ÀfaꞋa 4:21

Bòt èsaꞋa bu e shu awɔb nê, bɔ mè ndàꞋ ànəê ane ànəa Yesò, ko aa bɨɨ abà yɔb. Mbɨ̀Ꞌɨ̀ bɔ ŋȩte awɔb ale la, bɔ bɔ̂ sà àwɔb bɔ me ghǎ. Bɔ ghɨ̀ ale, bɔ̀ ka ye èlu̧ bɔ̀ɔ ŋa awɔb ngoꞋ la, ngu ndɨ wu waa waa nàa ngùꞋtà a Mbɔ̧ɔ̧mà ane ànəa a ghɨ̀ la.

ÀfaꞋa 5:13

Bòt e li mbatè ngua shua nê bòt Yesò ba wu bòt ntsɔ̧̀ ale, ka bɔ ghɨ̀ bɔ̀ bu̧u̧ta, wòt tsa ka bê nkwèꞋnê ane yɔb.

ÀfaꞋa 6:3

È wu ale, bɔnyɨ ba, bɨ lȩ̀ bòt basà̧à̧mbe a kètsìà wɨ̧ bɨ ko nê bòt aa ndaꞋa ntsɔ̧̀ ane tèlen tɔb, Fo Mbɔ̧ɔ̧mà mè ndù̧u̧ a mèntɨ̧ɨ̧ mɔb, bɔ mè mbɔ èyì la, bà zi ànəa yaa a tèkitebu tɔb.

Lûm 3:8

Tè betsiꞋa wòt me ghɨa kàbɔ̀ŋ mbɨ̀Ꞌɨ̀ me ye a ntsɔ̧̀? Eyaa wu àghɨa bòt ko àa ntsɔ̧̀ɔ̧̀tà àwa, shua nê wu àghɨa bàa ndàꞋà la. Bɔ̀ɔ ye ngoꞋ ane àghɨa bɔ̀ɔ ngɨ̀à la.

2 Kɔlìn 1:18

Mbɔ̧ɔ̧mà zìambɔŋ è ko nê màa ngɨ̀ e ndàꞋa ànəê tè è nka tsi nkùbtê.

2 Kɔlìn 11:21

Eyaa wu ndɨ bɨ̀a ndzèa la, bɨ nɨŋ nê ma fâ̧ nkàà nê ba li bà ka bɔ mèntɨ̧ɨ̧ kèkweele e ghɨ̀ èwuu èghɨ mbɔŋ. Ka àghɨ a wuê betsiꞋa wòt me ghàꞋtè àvi adù̧ la ko maa ghàꞋtà am adù̧ mɨ̧̂. E ngua ndàꞋà anè mbɨ̀Ꞌɨ̀ àkèghɨ̧̀.

2 Kɔlìn 12:16

Bɨa bɨ̧ɨ̧ne àfɨ̀Ꞌ yaa nê e ndi è nka wua ndɨ̀ŋkà wɨ̧ a ebàꞋa àghɨa ko. Ka wòt kǒ ane yɨ̧ nàà shua nê e ndi ngu wòt èyì kèŋɔꞋte fɨ̀ta wɨ̧ nɨa èghɨ bɨ̧.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

1 Tèsàlonikà 2:3

Ba li me nyɔ̀Ꞌta nkɨà bòt aa bɨ̧ɨ̧ne ànəa Ntu̧ Ntsɔ̧̀ Mbɔ̧ɔ̧mà ale, mèfà̧ kà wu adù̧, bà ka bɔ mèmɨ̀ɨ̀te kàbɔ̀ŋ, bà ka mê ngua fìbla wòt kǒ.

1 Tɔ̀màtià 3:7

Wòt àtsəa bòt Yesò è bɔ̂ ndɨ tàa wu wòt bòt nàbȩ̂ àa ka laꞋa kàbɔ̀ŋ adù̧ tò la, mbɨ̀Ꞌɨ̀ ka tà lòo èku vi, nkwene a èbem àtaã Satàn.

1 Tɔ̀màtià 4:10

Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.

Ebùlù 13:13

Ale, bɨ̀ ghɨa bà dzə a èbem àpfəè nga àbȩ nkwene ane tò, mbɔ̀ àtsəa kɔꞋɔ, mbɨ̀Ꞌɨ̀ tà li mbɔŋ la.

1 Pità 4:14

Bɔ tsɔ̧̀ɔ̧̀tè àwɨ̧ nkàà nê bɨ wu bòt Yesò Klistò, ko ntsɔ̧̀ wu bɨ̀a nkàà nê Fo Mbɔ̧ɔ̧mà yu è ghe la, wu nè nɨ̧̀.

3 Jɔ̌n 1:12

È wu a Dèmetulùs, ko waa waa nàà ndàꞋà ntsɔ̧̀ adù̧ tò. Mènəè tò mè me nyɨꞋte nê wu nkûŋ. Bàa mbɔŋ e ye mɨ̧̂ mè me shu nê tàà ngɨa ntsɔ̧̀, à mè nko nê baa kà laꞋa mèfà̧.

Ètsə 3:9

È me wu bòt ènɔ̧̂ Satàn, bòt mèfà̧ bu bɔ̀ɔ shua nê bɔ wu Bèjuê kà wu bùà la, ko maa ghɨ̌ bɔɔ kɨꞋɨ eŋɔꞋne a si a mbì lɨ̧ ekukte awɨ̧. Bɔɔ ko bàgème nê maà nkɔ̀ŋkà àwɨ̧.