2 Kɔlìn 6:6 - Mundani

⁶ Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

2 Kɔlìn 6:6 ပူးပေါင်းရင်းမြစ်များ

Lûm 12:9

Bɨ̀ me kɔ̀ŋkè bòt nè nkûŋ, mpààbà àghɨa àa kàbɔ̀ŋ la, mbà̧aã àghɨa àa mbɔ̀ la ntsɔ̧̀.

Lûm 15:19

Mâ ghɨ̂ èlȩê e ghe la, nè mènəè ngɨŋa Fo Kèfə è ŋa mètàŋ e ngɨ̀ la. Ale, ebuꞋu a Jèlusalèm e ghǎ wua Èlikùm, mâ tsɔ̀te Ntu̧ Ntsɔ̧̀ Yesò Klistò a èdziꞋ ègème.

1 Kɔlìn 12:8

Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

1 Kɔlìn 13:4

Èkɔŋ wu mànkuula èntɨ̧ɨ̧ nè màngɨa ntsɔ̧̀. Èkɔŋ e bakà bɔ a ghɔ̀Ꞌnà, è ka wua ngù̧a nkùꞋ zi, è ka wua ŋèꞋa tèkwȩ a ègwet.

1 Kɔlìn 2:16

Mbɨ̀Ꞌɨ̀ Àkata Mbɔ̧ɔ̧mà a shu la “Wàa ko mèmɨ̀ɨ̀te Tè Yesò à? BetsiꞋa wàa kɨɨta tò à?” Bàa bòt Mbɔ̧ɔ̧mà aa mɨ̀ɨ̀tà mènəè ndɨ Yesò Klistò nàa mɨ̀ɨ̀tà la.

1 Kɔlìn 2:4

E ndi è ka wua nyɨ̀Ꞌta mè ndàꞋà èngǎ̧ Mbɔ̧ɔ̧mà ane ètsəê ntsɔ̧̀ wu bɔbȩ àa nɨa èyǐ wɔb ndàꞋà la, ka Mbɔ̧ɔ̧mà li nɨ̌ Fo zi nyɨ̀Ꞌte mètàŋ mi, ngɨ̀ bòt e ko nê ànəa e ndàꞋà la wu nkûŋ.

2 Kɔlìn 1:23

E ndi me tu̧u̧ e kɨꞋɨ a Kɔlìn ale ngua mbɔ̀ɔ̀ mbɨ̀Ꞌɨ̀ mèntɨ̧ɨ̧ mɨ̧ paà me ghò̧ò̧ne. Tè e me làꞋa anè ngua fɨ̀ta fɨte Mbɔ̧ɔ̧mà ghɨ̀ e ndze ngoꞋ.

2 Kɔlìn 11:11

Tè e ntsèka kà wua nɨa àghɨ abua yɨ̧ anè ngu shua nê maà kà kɔ̀ŋkè àwɨ̧? ChaꞋ a ntsě ale! Mbɔ̧ɔ̧mà ko nê maà nkɔ̀ŋkà àwɨ̧.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

2 Kɔlìn 11:6

È màà ngu wuê nê maa kà ko ndàꞋ, ko àghɨa ko bɔ ko tê ntsè am la a ntsě. Mâ ghɨ̂ bɨ ko àyaa a ngo̧ a ngò̧ ane àghɨ àgème mâ ghɨ̀ la.

2 Kɔlìn 12:15

Aa me bɔ̀ am eŋa àghɨ àgème fɔɔle àtsə am ane ànəa yɨ̧. Tè e ngu ekɔ̀ŋkè àwɨ̧ te tsě àdziꞋ anè, ko bɨa nkɔ̀ŋkè am mpîꞋ?

2 Kɔlìn 13:10

E ngua shɨa letà waa àfɨ̀Ꞌ yaa mbɨ̀Ꞌɨ̀ è nkɨ̀Ꞌɨ̂ è kwene ane yɨ̧, è nka tsi nɨ̀ àtɔŋ yu Yesò Klistò ŋa abua am la enɨ ŋȩ awɨ̧. Tà li ŋà àtɔŋ yàà nê è nɨŋ ngɨ̀ mèntɨ̧ɨ̧ mɨ̧ me kweele ane mènəè mi. Tà li tà kà ŋa nê è nɨŋ ntsòkè àwɨ̧.

2 Kɔlìn 2:10

Bɨ waꞋa kàbɔ̀ŋ wòt ko maa waꞋa wùà mɨ̧̂. È wu nê mâ lèènè kàbɔ̀ŋ wòt, ko e ngɨ̀à a mbì Yesò Klistò, nkàà àwɨ̧.

2 Kɔlìn 2:4

E ndi me shɨ àkata ngaa, a taꞋa saa am a èntɨ̧ɨ̧ am tè mèsi chu àghɨ am kwàꞋ ànyaꞋne. E ndi me shɨ è nka wua nkɨà mèntɨ̧ɨ̧ mɨ̧ naa me ghò̧ò̧ne. E ndi ngua nkɨà bɨa ko ndɨ màa ndâ nkɔ̀ŋkà àwɨ̧ la.

2 Kɔlìn 3:3

Bɨ lâ ngu àkata Yesò Klistò shɨŋ ndzi a tèkitebu ta ba nɨŋ nkɨ̀Ꞌɨ̂ ŋa la. Tà li tà kà nɨ mbȩ̀ àkatè ka shɨ letà waa mbɨ̀Ꞌɨ̀ bɔ̀ɔ shɨa la, tà li nɨ Fo Mbɔ̧ɔ̧mà yû̧ ka shɨŋ. Tà li tà kà shɨ a ègwet àti, tà li shɨ a mèntɨ̧ɨ̧ bɔbȩ.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

2 Kɔlìn 7:2

Bɨ̀ ghaꞋa mèntɨ̧ɨ̧ mɨ̧ nɨ̀ awa. Wòt kǒ ba fâ̧ ànəê abua tò la ntsè, ba ka tsokè wòt, bà kà me fìble wòt.

Gàlashìà 3:2

TsiꞋ e mbììte awɨ̧ ànəê yeamɔꞋ. Bɨ li me bɔ Fo Mbɔ̧ɔ̧mà ale ngu ndɨ bɨ̀a ngɨ̀à àghɨa mbɨ̧tsə te shu la kò wuê ndɨ̀ wu bɨ li ndzì mèntɨ̧ɨ̧ mɨ̧ ane Yesò la à?

Gàlashìà 3:5

Tè bɨ ye nê Mbɔ̧ɔ̧mà li me ŋa Fo zi abua yɨ̧, e mèe ghɨ̀ tèwuute ènəê kà ye fɨ̀Ꞌ a kètsìà wɨ̧ ale, è wu ndɨ bɨ̀a ngɨ̀à àghɨa mbɨ̧tsə te kɨa la, kò wu ndɨ bɨ li ndzəâ èngǎ̧ Mbɔ̧ɔ̧mà ane ànəa Yesò mbɨ̧̀ɨ̧̀ne la à?

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Efesɔ̀s 3:4

Bɨ tɔ àghɨa mâ shɨ la ko bɨa ye ndɨ mâ ko ànəa ndò̧ a Mbɔ̧ɔ̧mà yaa ane Yesò Klistò la.

Efesɔ̀s 4:2

Bɨ̀ me nɨ awɨ̧ a si àfɨ̀Ꞌ àgème, njùa ane mènəè mɨ̧, nkùùla mèntɨ̧ɨ̧ mɨ̧, bɨ̀ ka mè yaŋa ntsòa ane wòt. Bɨ̀ me nkɔ̀ŋkà bɔnyɨ bɨ̧ nɨa wɔb mbɨ̀Ꞌɨ̀ bɔ̀ɔ la.

Efesɔ̀s 4:32

Ka bɨ̀ me ghɨa ntsɔ̧̀ ane bɔnyɨ bɨ̧, njùa ane mènəè mɨ̧ mè ngwaꞋà bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò ghɨ̂ Mbɔ̧ɔ̧mà me waꞋa bɨ̧ la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Kɔ̀losìà 2:3

Wu Yesò waa ka tà ghɨ̂ bòt e ko èyǐ Mbɔ̧ɔ̧mà, nè àghɨa àa àtsəa tò la, è wù èghɨ ntsɔ̧̀ bu e li ndò̧ò̧tè la.

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

1 Tèsàlonikà 2:10

Bɨ ye mè nkoê, Mbɔ̧ɔ̧mà mè nkoê nê, mènəè ma a kètsìà wɨ̧ bɨ̀a bòt Yesò li ngua mbɔ̀. Ba li mbê ngua ngɨ̀à mbɨ̀Ꞌɨ̀ ba wuê ghɨ̀ la. Àghɨa ko wòt nàa fèèlè awa adù̧ la à ka wuê.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

1 Tɔ̀màtià 5:2

mbà̧aã bèzi juŋ mbɨ̀Ꞌɨ̀ bènyɨ̌ bê, mbà̧à̧ bɔɔ̀zi techɨɨle mbɨ̀Ꞌɨ̀ bɔnyɨ bè, à kà bɔ mèmɨ̀ɨ̀te ko tsa.

2 Tɔ̀màtià 3:10

È me wu awê, ko à ko àghɨa màa nyɨ̀Ꞌta la ntsɔ̧̀, nko ndɨ màa ntsèka la, mè nko lə àfàꞋ yu e fàꞋà la. À ko ndɨ màa ndzìà èntɨ̧ɨ̧ am ane Yesò la, nko ndɨ màa mbà̧aã èntɨ̧ɨ̧ am la, nko ndɨ màa nkɔ̀ŋkà bòt la, mè nko ndɨ màa nkùùla èntɨ̧ɨ̧ la.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.