2 Kɔlìn 6:3 - Mundani

³ Baa kà tɨ̧ɨ̧ alu̧ wòt, mbɨ̀Ꞌɨ̀ wòt kǒ fèèlè awa ane àfàꞋ àya mbɨ̀Ꞌɨ̀ bɔntu̧ Mbɔ̧ɔ̧mà.

2 Kɔlìn 6:3 ပူးပေါင်းရင်းမြစ်များ

Matìù 17:27

Ka la, baa ka kɨ etsòkè mèntɨ̧ɨ̧ bòt bu bɔɔ fèta èkab wàà la. È wu ale, ghǎ *èdzî, màꞋà fȩ, asəâ mbì è kɔꞋɔ la, à ghaꞋa ètsəê tò, ko aa ye àkwȩkab a kùꞋu awa ba nè la, enɨ ghǎ eŋa abua yɔb.”

Matìù 18:6

Ka wòt tà ghɨ̂ watèchɨɨle kǒ ane baa waꞋa ntɨ̀ yu tà bɔ ane yaã la, a bɔ̂ŋ nê bɔ̀ sèlè taꞋà èti àmî atò maꞋa tò tea èbem *èdzî.

ÀfaꞋa 19:27

Ànəa e mbɔà la wu nê, bòt aa tsiꞋi me ye àfàꞋ yaa yàa ane èghɨ kàbɔ̀ŋ. È ndem ntsě wuê ndàꞋ ale. Àyea ko wu nê, lob taꞋà nàmbəa wu èlen tò wu Àtemìs la, naa tsiꞋi àghɨ aku, tè ènɨ̧ tò wu waa waa a Esìà nè ngɔ̀ŋ yaa nàa ngùꞋtà la, aa chu a si.”

Lûm 14:13

Mbɨ̀Ꞌɨ̀ àa anè la à ka ntsì mpəəte wanyɨ wè, ka la nɔ̀ŋe a èntɨ̧ɨ̧ wê nê à ka ghɨ̀ àghɨa àa ghɨ̌ wanyɨ wè nàa sèmne ko e kwene a èbem kàbɔ̀ŋ la a.

1 Kɔlìn 9:12

Tè bòt ko e wu me shu nê wu àdziꞋa yɨ̧ a màŋa wɔb èghɨ, è me wu awa bɨ̀ ka ŋa abua ya tê ntsè? Ka ba bakà ghɨ mbɨꞋɨ̀ ba wuê ghɨ̀ la, baa nɨa àghɨ àgème mbɨ̀Ꞌɨ̀ àa la, mbɨ̀Ꞌɨ̀ ka baa ghɨ̀ àghɨa àa kele bòt nê bɔ̀ ka mbɨ̧̀ɨ̧̀ne Ntu̧ Ntsɔ̧̀ Yesò Klistò la.

1 Kɔlìn 9:22

Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 8:20

Baà mbà̧à̧ta èkab bɨ̀a ŋa ane èntɨ̧ɨ̧ wemɔꞋ la ane ndɨ wòt ka fèèlè àwa ane ànəa wùà la.