2 Kɔlìn 4:8 - Mundani

⁸ Baa ntsèka ndzea ngoꞋ ane balu̧ bàgème, ka bà ka pfəꞋtè. Nàa ngɨ̀ è maa è wu àfɨꞋa kà ba ko ndɨ bàa ghɨ̀ la, bà ka luula àfàꞋ àya.

2 Kɔlìn 4:8 ပူးပေါင်းရင်းမြစ်များ

Jɔ̌n 14:18

BetsiꞋa è nka sa wɨ̧ bɨ me chɨ̀ŋke, maa mèe kɨꞋɨ ekwene ane yɨ̧.

1 Kɔlìn 10:13

Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.

2 Kɔlìn 12:10

Maà ngùꞋtè am àfɨꞋa è mbaka bɔ mètàŋ la, nè àfɨꞋa bòt àa ntsò̧ò̧tà am la, nè àfɨꞋa màà ndzea ngoꞋ la, nè àfɨꞋa bòt àa nkɨà àtsə am enɨ la, nkàà ànəa Yesò Klistò. Aà ale nkàà nê nàa ngɨ̀ è wu àfɨꞋa è mbaka bɔ mètàŋ la ka Yesò ŋà mètàŋ abua am.

2 Kɔlìn 6:12

Èkɔŋ wu ba bɔ ane yɨ̧ la e bakà fi a mèntɨ̧ɨ̧ ma, wu bɨ̀a ka bɨ ghɨ̂ èkɔŋ wu bɨ bɔ ane ya la e fi a mèntɨ̧ɨ̧ mɨ̧ la.

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

2 Kɔlìn 7:5

È li ngu àfɨꞋa bà wu a Màsèdonìà la, wòt kǒ ane ya ka bê ndzètè. Ba li ndzě ngoꞋ ane èbâ ègème, me ntàktè nè bòt, kèbɔɔ ke mè ngu a mèntɨ̧ɨ̧ ma.

Gàlashìà 4:20

Mâ ghɨ̀ ale nchɨɨme ngu ba nɨ̧̀ ba àfɨ̀Ꞌ yaa ko mâ tsiꞋi laꞋa abua yɨ̧ ane èlɨ tsa nkàà nê ànəa yɨ̧ a taꞋa saa am.