2 Kɔlìn 4:6 - Mundani

⁶ Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

2 Kɔlìn 4:6 ပူးပေါင်းရင်းမြစ်များ

Lûk 10:22

“Tǎt am è ŋa èghɨ ègème abua am. Wòt kǒ tà lâ ko àghɨa waã wu yùà kà wu tǎt tò la è ntsě; wòt kǒ tà meè ndâ ko a tǎt waã kà wuê waã mbɔŋ la ka wuê, nè bòt waã wu è kɔ̀ŋkè nê bɔ̀ ko atò la.”

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 11:40

Yesò shu abua tò nê, “Mâ yaã è nka shu abua yê nê, à zìà èntɨ̧ɨ̧ wê ane Mbɔ̧ɔ̧mà ko àa ye mètàŋ tò?”

Jɔ̌n 12:41

Àsayà me shu ayaa ale ngu ndɨ tà ye ènɨ̧ Yesò ka ndàꞋ ànəa tò la.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

1 Kɔlìn 12:8

Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

2 Kɔlìn 2:10

Bɨ waꞋa kàbɔ̀ŋ wòt ko maa waꞋa wùà mɨ̧̂. È wu nê mâ lèènè kàbɔ̀ŋ wòt, ko e ngɨ̀à a mbì Yesò Klistò, nkàà àwɨ̧.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Efesɔ̀s 1:17

shua nê Mbɔ̧ɔ̧mà Yesò Klistò Lefɨ̀Ꞌ wa, Tǎt wa wu tà ghe la ŋa awɨ̧ Fo zi, mbɨ̀Ꞌɨ̀ bɨa bɔ èyì a mànkoa mènəè Mbɔ̧ɔ̧mà, e mě nèète ko wòt Mbɔ̧ɔ̧mà wu wùà la.

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

Filìpȩ 2:6

Tà li mbàte ngu àzi Mbɔ̧ɔ̧mà mɨ̧̂, ka tà kà ŋweele laꞋnê yea wu wuê ane akɔ̀Ꞌ wemɔ̀Ꞌ bɔ̂ Mbɔ̧ɔ̧mà.

Kɔ̀losìà 1:15

Yesò Klistò wu bà le wua ndzèa tò la nàà mbɨ̀Ꞌɨ̀ Mbɔ̧ɔ̧mà wu bàa ka ye atò la. Tà lè wuê ka bɔɔ ghɨ̌ èghɨ ègème, tà mè ngu àtsə àghɨ àgème bɔ li ngɨ̀ la.

1 Tèsàlonikà 2:12

Ba li ngua ndɔ̀ktà wɨ̧, ndzìà mèntɨ̧ɨ̧ mɨ̧, mè nkɨ̀ɨ̀ta wɨ̧ nê bɨ̀ me ghɨ̀ mènəè mɨ̧ wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu tòà tà tɔ awɨ̧ nê bɨ̀ kɨꞋɨ bɔ̂ nɨ̧̀ ba è fɔte ngu a èbem kèfɔ̧̀ vi nè ènɨ̧ vi la.

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ebùlù 6:4

Bòt bu bɔ sa èngǎ̧ Mbɔ̧ɔ̧mà la, bɔ̀ɔ ghɨ̀ na ka ekubte e mě kɨꞋɨ abua tò à? Bɔ li ngua ngȩ̀ȩ̀na a èbem èkaꞋà Mbɔ̧ɔ̧mà. Bɔ li njùte èghab wu àa ndzəa a ègwet la, mè mbɔ̌ Fo Kèfə mbɨ̀Ꞌɨ̀ bòt ko.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

2 Pità 1:19

Àyaa a ghɨ̂ ba paa nko nê èngǎ̧ bèndàꞋàtɔŋ Mbɔ̧ɔ̧mà e li ndàꞋ la wu nkûŋ. Bɨ̀ baãaã èngǎ̧ mbɔŋ ntsɔ̧̀. Aà mbɨ̀Ꞌɨ̀ èkaꞋà àa mbàŋà bòt a èbem ndzěm la. Ale, bɨ̀ baãaã wùà ntsɔ̧̀ tè ètsəꞋ è tsi bɨ̀ ye èkaꞋà Yesò Klistò mbèꞋa a mèntɨ̧ɨ̧ mɨ̧̂. Aa wu mbɨꞋɨ̀ sàŋ yu nàa ngɨ̀ è saꞋa ntɔtetsɔ̌Ꞌ ka àbȩ a zìꞋ mpaa ghaꞋte la.