2 Kɔlìn 4:12 - Mundani

¹² Ale, èvə aa ntsèka nəèꞋa abà àya àfɨ̀Ꞌ àgème, è me wu ayɨ̧, è wu mèmpème kàlìà.

2 Kɔlìn 4:12 ပူးပေါင်းရင်းမြစ်များ

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

1 Kɔlìn 4:10

Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.

2 Kɔlìn 12:15

Aa me bɔ̀ am eŋa àghɨ àgème fɔɔle àtsə am ane ànəa yɨ̧. Tè e ngu ekɔ̀ŋkè àwɨ̧ te tsě àdziꞋ anè, ko bɨa nkɔ̀ŋkè am mpîꞋ?

2 Kɔlìn 13:9

Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.

2 Kɔlìn 4:11

Èvə aa ntsèka àfɨ̀Ꞌ àgème nəèꞋa a tèdzi ta mbɨ̀Ꞌɨ̀ bà bela a ngɔ̀ŋ la nkàà ànəa Yesò, mbɨ̀Ꞌɨ̀ bòt aa ye Yesò è faꞋa ane mbɨ̧te ènyit ta bàa bɔbȩ.

2 Kɔlìn 4:13

Àkata Mbɔ̧ɔ̧mà a laꞋnê “Mâ zǐ èntɨ̧ɨ̧ am ane Mbɔ̧ɔ̧mà ale ngu elàꞋa ànəa tò.” Bàa mbɔŋ e bɔ èwuu mèmɨ̀ɨ̀te mà, ale ba zǐ èntɨ̧ɨ̧ ane Mbɔ̧ɔ̧mà ngu elàꞋa ànəa tò mɨ̧̂.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

Filìpȩ 2:30

nkàà nê tà li ndaa epfə ane àghɨa tà li ngua ngɨ̀à ane yaã ane èlen Yesò Klistò la. Tà li ngua ngɨ̀à ale mbɨ̀Ꞌɨ̀ eŋa am ètɨŋe wu bɨ̀ambɔŋ e li ngu eŋa ka bɨ̀ ka wu a si ŋaa la.

1 Jɔ̌n 3:16

Baa me ko àghɨa èkɔŋ è wu yùà la ale, ngu ndɨ̀ wu Yesò Klistò li ŋà àtsəa zi ane ànəa ya la. È wu ale, bàambɔŋ e bɔ ndɨ bàa ŋa ètsə ba ane ànəa bɔnyɨ ba mɨ̧̂ la.