2 Kɔlìn 3:7 - Mundani

⁷ Mbɔ̧ɔ̧mà li me nɨ mènəè mbɨ̧ nɨa nkɨ̀Ꞌa shɨ a ègwet àti, ŋǎ abua Musì. ÀfɨꞋa Musì nɨŋ me kɨꞋɨ a mbì bòt Izəèlȩê la èkaꞋà Mbɔ̧ɔ̧mà e me kàꞋa èsi tò. Mbɨ̀Ꞌɨ̀ tàa nkɨ̀Ꞌa la èkaꞋà wu e me lema ngà kwèn kwèn, ka wòt kà koê ndɨ̀ŋkè èsi tò. È wu nê mbɨ̧ tu bɔ shɨ a ègwet àti la te wu ko enyɨꞋte mètàŋ Mbɔ̧ɔ̧mà,

2 Kɔlìn 3:7 ပူးပေါင်းရင်းမြစ်များ

ÀfaꞋa 6:15

AfɨꞋa mbɔŋ, bòt bu a lob èsaꞋa yu la, e tsitè àghɨ a yɔb ane Stifèn me ko, èsi tò e kubtè ntsìꞋi mbɨ̀Ꞌɨ̀ èsi wantu̧ Mbɔ̧ɔ̧mà.

Lûm 10:4

Yesò Klistò li nkɨ̀Ꞌɨ̂ ale, àfaꞋa mbɨ̧ à ka tsi nguê, mbɨ̀Ꞌɨ̀ naa tsiꞋi wòt ègème tà zi èntɨ̧ɨ̧ vi ane Yesò Klistò la, ka Mbɔ̧ɔ̧mà nàa nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.

Lûm 4:15

Wòt nàa ngɨ̀ tà ba ka ghɨ àghɨa mbɨ̧ kɨa la, ntsǒ Mbɔ̧ɔ̧mà nɔ̀ŋkè adù̧ tò, ka wòt kà wua mpààtà mbɨ̧ adzìꞋa kà mbɨ̧ wuê.

Lûm 5:20

Mbɔ̧ɔ̧mà li ntsèke tè ŋǎ mbɨ̧ mbɨ̀Ꞌɨ̀ kàbɔ̀ŋ naa kwèꞋne, ka mbɨ̀Ꞌɨ̀ kàbɔ̀ŋ è kwèꞋnè la, ntsɔ̧̀ Mbɔ̧ɔ̧mà paa nkwèꞋne.

Lûm 7:10

Ndâ mbɨ̧ yu Mbɔ̧ɔ̧mà li ŋa mbɨ̀Ꞌɨ̀ maa bɔ mèmpème la, è tsiꞋi nɨ èvə nɨŋ nkɨ̀Ꞌɨ̂ adù̧ yaã.

Lûm 7:22

Maà ndâ nkɔ̀ŋkà mbɨ̧ Mbɔ̧ɔ̧mà a èbem èntɨ̧ɨ̧ am.

Lûm 7:5

È li ngu afɨꞋa bàa ntsèka mbɨ̀Ꞌɨ̀ mbɨ̧te ènyit ta tèa nkɨà la, mbɨ̧ lɔ̀kte a kàbɔ̀ŋ wu a mbɨ̧̀ ènyit ya la, tè èghɨ bàa ngɨ̀à la e nɨ èvə nɨŋ nkɨ̀Ꞌɨ̂ adù̧ ya.

1 Kɔlìn 13:10

À yu à wu nènkèm la aa me ghɨ̀ tê nkɨ̀Ꞌɨ̂, à yu è wù àtem la, à ka tsi nguê.

2 Kɔlìn 3:3

Bɨ lâ ngu àkata Yesò Klistò shɨŋ ndzi a tèkitebu ta ba nɨŋ nkɨ̀Ꞌɨ̂ ŋa la. Tà li tà kà nɨ mbȩ̀ àkatè ka shɨ letà waa mbɨ̀Ꞌɨ̀ bɔ̀ɔ shɨa la, tà li nɨ Fo Mbɔ̧ɔ̧mà yû̧ ka shɨŋ. Tà li tà kà shɨ a ègwet àti, tà li shɨ a mèntɨ̧ɨ̧ bɔbȩ.

2 Kɔlìn 3:6

Tà ghɨ̀ àwa ba kùꞋù èbe bàa me làꞋà ànəa mènkàꞋa kèkweelè fi tò la. Ànəa mènkàꞋa mbɔŋ ntsě a màndzəa mènəè mbɨ̧ bɔ shɨ a si la, wu màndzəa mènəè Fo Mbɔ̧ɔ̧mà nàa shua la. Mènəè mbɨ̧ bɔ shɨ a si la nàà ngɨ̀à bòt e pfəꞋtà, ka mènəè Fo Mbɔ̧ɔ̧mà me ŋa mèmpème.

2 Kɔlìn 3:8

ko àghɨa Fo Mbɔ̧ɔ̧mà nàa ngɨ̀à la à ka nyɨꞋte mètàŋ Mbɔ̧ɔ̧mà te tsè a?

Gàlashìà 3:10

Ndɔ̀ wu àtsəa bòt bu àtsəa ànəa yɔb wu màngɨa wuê mbɨ̀Ꞌɨ̀ mbɨ̧te kà ekùꞋu abua Mbɔ̧ɔ̧mà te kɨà la, nkàà nê, bɔ shɨŋ a èbem Àkata Mbɔ̧ɔ̧mà nê, “Ndɔ̀ wu àtsəa waa waa tàa ka ghɨ èghɨ bu ègème bɔ shɨŋ a èbem àkatè mbɨ̧tsə la.”

Gàlashìà 3:21

Tè àyaa a nyɨꞋtè nê mbɨ̧tsə te tsòke ànəa Mbɔ̧ɔ̧mà li nkàꞋ la à? ChaꞋ, a ntsě ale. Mbɨ̧tsə te ghɨ̀ ale ngua nkɨ̀Ꞌa mbɨ̀Ꞌɨ̀ eŋa mèmpème abua bɔbȩ, ko bòt aà ntɨ̧a ndɨŋndɨ̀ŋ e mbì Mbɔ̧ɔ̧mà nkàà na bɔ̀ɔ ngɨ̀à àghɨa mbɨ̧tsə te kɨa la.

Ebùlù 12:18

Bɨ bakà kɨꞋɨ te dzəâ a mbɨ̧̀ àghɨ ako betsiꞋa bɨ baãaãtè mbɨ̀Ꞌɨ̀ èbȩ Sinȩ̀ lu bòt Izəèlȩê e li nkɨ̀Ꞌɨ̂ a mbɨ̧̀ e me koole la. Ndzěm nè kèbìꞋà li ngu abot, àfeme àkekweelè a me tsě,

Ebùlù 3:3

Yesò kùꞋu wòt bɔ̀ɔ me ŋa kènuke abua tò nyaŋ tè ntsè a Musì la wuê mbɨ̀Ꞌɨ̀ bɔ̀ɔ nkùkta wòt tà bɔ̧ lob la, tè ntsè lob mbɔŋ la.

Ebùlù 9:4

Bɔ li mbɔ̧̂ àdziꞋ a èbèm ndɔ̀ɔ̀be ane goêl me tò̧ èghɨ ko àa nəèꞋa mbɔ̀ la ŋa abua Mbɔ̧ɔ̧mà. Èkɔb mènkàꞋa kèkweelè Mbɔ̧ɔ̧mà mu bɔ lɔɔbe èbâ ègème ane goêl la e li ngu a èbèm mɨ̧̂. Bɔ li ndzì kětsəè bɔ ghɨ ane goêl la a èbèm. Èghɨjɨ bu bɔ̀ɔ ntɔ nê manà la e li ngu a èbem kětsəè fa. Ambàŋ Alɔ̀n wu tèfəꞋtsə te li ntùùte adù̧ la, nè tèbaate àti tu bɔ li shɨ̀ mènkàꞋa kèkweelè Mbɔ̧ɔ̧mà mu adù̧ la e li ngu a èbèm èkɔb mbɔŋ mɨ̧̂.