2 Kɔlìn 2:3 - Mundani

³ E ndi ngua shɨa àkata ngaa a èlɨ mbɔŋ mbɨ̀Ꞌɨ̀ è ngɨa è nkɨ̀Ꞌɨ̂, bɨ̀a wu bɨ wuê è ghɨ̌ èntɨ̧ɨ̧ am aa me bɔ̀ la è ka ghɨ̂ èntɨ̧ɨ̧ am aa me ghò̧ò̧ne. Mâ lâ nko nê èntɨ̧ɨ̧ am e me bɔ̌ ko èntɨ̧ɨ̧ wɨ̧ bɨ̀agème aa me bɔ̌ mɨ̧̂.

2 Kɔlìn 2:3 ပူးပေါင်းရင်းမြစ်များ

1 Kɔlìn 4:21

Bɨà nkɨà nê è ngɨ̀ na à? Bɨ kɨa nê maa me kɨꞋɨ e mbèà ngot, kò bɨà nkɨà nê maa kɨꞋɨ e nyɨꞋtè èkɔŋ, mè me yu ane ndɨ màa mbà̧à̧ta wɨ̧ la à?

2 Kɔlìn 1:15

Mâ ko nê bɨ bele nèète eko am. Eyaa wu lə e ndi ngua nkɨ bɨ̌ kɨꞋɨ eye awɨ̧ la, mbɨ̀Ꞌɨ̀ bɨ̀ ye am a paà mbê bɔ̀ŋ awɨ̧.

2 Kɔlìn 1:23

E ndi me tu̧u̧ e kɨꞋɨ a Kɔlìn ale ngua mbɔ̀ɔ̀ mbɨ̀Ꞌɨ̀ mèntɨ̧ɨ̧ mɨ̧ paà me ghò̧ò̧ne. Tè e me làꞋa anè ngua fɨ̀ta fɨte Mbɔ̧ɔ̧mà ghɨ̀ e ndze ngoꞋ.

2 Kɔlìn 12:11

Maà ndàꞋà mbɨ̀Ꞌɨ̀ àkèghɨ̧̀, ka am ale è ghɨ̀à bɨ̀a. Wu bɨ̀a ka bɨ wuê me shu bòt wòt è ngu wùà la. Mâ batè è nka wu àghɨa ko, ka bòt bɨ̧ bu bɔ li ngua ŋèꞋa wɔb a ègwet shua nê awɔb tsàà Mbɔ̧ɔ̧mà la e li bɔ̀ ka tsè am ane àghɨa ko.

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

2 Kɔlìn 13:10

E ngua shɨa letà waa àfɨ̀Ꞌ yaa mbɨ̀Ꞌɨ̀ è nkɨ̀Ꞌɨ̂ è kwene ane yɨ̧, è nka tsi nɨ̀ àtɔŋ yu Yesò Klistò ŋa abua am la enɨ ŋȩ awɨ̧. Tà li ŋà àtɔŋ yàà nê è nɨŋ ngɨ̀ mèntɨ̧ɨ̧ mɨ̧ me kweele ane mènəè mi. Tà li tà kà ŋa nê è nɨŋ ntsòkè àwɨ̧.

2 Kɔlìn 2:9

E ndi me shɨ awɨ̧ ale ngua nkɨ enyɔ̀Ꞌtè àwɨ̧ eye nê kò bɨ bela ndzə am leꞋ.

2 Kɔlìn 7:12

E ndi mbàte shɨ̀ letà abua yɨ̧, ka e ndi è nka wua shɨa ambo wòt wu tà ghɨ a kàbɔ̀ŋ la, è nka wua shɨa abua wòt wu bɔ ghɨ a kàbɔ̀ŋ ane tò la. E ndi ngua shɨa mbɨ̀Ꞌɨ̀ bɨa ye ndɨ bɨ̀a ndâ nkɔ̀ŋkà wa a mbì Mbɔ̧ɔ̧mà la.

2 Kɔlìn 7:16

Maà ngùꞋtà am nkàà nê betsiꞋa e ndɨ̀Ꞌa am ane yɨ̧ nènkèm.

2 Kɔlìn 7:6

Bà bela ndzea ngoꞋ ale, Mbɔ̧ɔ̧mà wòt tàa ndzìà mèntɨ̧ɨ̧ bòt mèntɨ̧ɨ̧ mɔb ntsě ntsɔ̧̀ la, nɨa Tȩtɔ̀s nɨŋ nkɨ̀Ꞌɨ̂ ndzì mèntɨ̧ɨ̧ ma.

2 Kɔlìn 7:8

È màà ngu wuê nê, letà wu e ndi shɨ abua yɨ̧ la è li sɔ̀ɔ̀bè mèntɨ̧ɨ̧ mɨ̧, ko aa kà saa am nè e ndi shɨ letà mbɔŋ. Èntɨ̧ɨ̧ am e li è kà nɔ̀ŋke a èbèm ntsɔ̧̀ àfɨꞋa e ndi shɨŋ la, ka aà kà tsi sàa am àfɨ̀Ꞌ yaa, nkàà nê, mâ ye nê letà mbɔŋ è li sɔ̀ɔ̀bè mèntɨ̧ɨ̧ mɨ̧ ale ka mbɔ̂ ngu wuê ane kètem àfɨ̀Ꞌ.

2 Kɔlìn 8:22

Ba wua mè ntsàà wanyɨ wa wòt Mbɔ̧ɔ̧mà ko bɔ̂ tò ba aa kɨꞋɨ nɔ̂. Ba ye ngò̧ nyaŋ nyaŋ nê tà lâ ŋà àvi ane àfaꞋa Mbɔ̧ɔ̧mà. Tàà nkɨ eŋa avi àfɨ̀Ꞌ yaa te tsè ale, nkàà nê tà lâ nko nê, bɨa ghɨ̀ àghɨa bɔ̀ kɨꞋɨ adù̧ la.

Gàlashìà 5:10

Mâ bê ndâ nko nê, ndɨ̀ wu ba nɨ̧̀ ba è tsìꞋi àghɨ yeamɔꞋ ane Yesò la, betsiꞋa bɨ̀ ka tsi mɨ̀ɨ̀te a èlɨ̀ ko tsa. Wòt wu ntsòkà àtsəa yɨ̧ la nàà bɔ àbȩ̀ àzi abua Mbɔ̧ɔ̧mà ka tà màa ngu wuê wà leꞋ.

2 Tèsàlonikà 3:4

Yesò ghɨ̂ ba lâ nko nê, bɨa me ghɨ èghɨ bu ègème bàa shua wɨ̧ la, nɨa ngà nè mbì.

Fȩlemùn 1:21

Maà shɨa letà waa anè mbê ndâ nko nê aa ghɨ mbɨ̀Ꞌɨ̀ e nkɨà la, ateko ebɔ ghɨ̀ te tsě ale.