2 Kɔlìn 2:12 - Mundani

¹² E ndi nkɨ̀Ꞌɨ̂ a Tloas etsɔ̀te Ntu̧ Ntsɔ̧̀ Yesò Klistò. E me kɨꞋɨ ale, Tè Yesò Klistò ghaꞋa èlu̧ abua am.

2 Kɔlìn 2:12 ပူးပေါင်းရင်းမြစ်များ

ÀfaꞋa 14:27

ÀfɨꞋa bɔ nyi a Antìɔ̀k la, bɔ fetè bòt chɔsì bàgème adzìꞋ yeamɔꞋ. Mbɔ̂ shu awɔb ndɨ Mbɔ̧ɔ̧mà li ngɨ̀ nè nɔ̀b a lèghȩ̀ȩ̀nè wu la, mè shu awɔb ndɨ Mbɔ̧ɔ̧mà ghaꞋa alu̧ tè bòt kà wu Bèjuê e zì mèntɨ̧ɨ̧ mɔb ane Yesò la.

ÀfaꞋa 16:11

Ba li nyi a èbem taꞋà ànkànuꞋ ndɔ̀Ꞌ a Tloas mbê ngà ndɨŋndɨ̀ŋ nè àlaꞋ a Sàmotìlà. ÈtsəꞋ e tsi, ba gha àpfəèà nɨ̧ yu è wu Nìàpolìs la.

ÀfaꞋa 16:8

Ale, bɔ ghȩ̀ȩ̀nè tè ngà ngu a Misìà, ntsè nchu nga àpfəè yu è wu Tloas la.

ÀfaꞋa 20:8

MèkaꞋà li ntàꞋa wu àtsəalob nè ègwet yu ba li ngu a èbèm la.

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

1 Kɔlìn 16:9

nkàà nê, èlu̧ e lâ ngàꞋa abua am maa ghɨ àfaꞋa ntsɔ̧̀, ka bɔmbù̧ e bɔ̂ me yaãaã.

1 Kɔlìn 9:12

Tè bòt ko e wu me shu nê wu àdziꞋa yɨ̧ a màŋa wɔb èghɨ, è me wu awa bɨ̀ ka ŋa abua ya tê ntsè? Ka ba bakà ghɨ mbɨꞋɨ̀ ba wuê ghɨ̀ la, baa nɨa àghɨ àgème mbɨ̀Ꞌɨ̀ àa la, mbɨ̀Ꞌɨ̀ ka baa ghɨ̀ àghɨa àa kele bòt nê bɔ̀ ka mbɨ̧̀ɨ̧̀ne Ntu̧ Ntsɔ̧̀ Yesò Klistò la.

1 Kɔlìn 9:14

Wu wuê ndɨ Mbɔ̧ɔ̧mà laꞋnê bòt bu bɔ̀ɔ ntsɔ̀tà Ntu̧ Ntsɔ̧̀ la e bɔ ndɨ bɔ̀ɔ me bɔ ètsəèjɨ wɔb ane ntu̧ mbɔŋ la.

1 Kɔlìn 9:16

Lə kǒ ntsě màa me wùꞋtè am ambo na màa ntsɔ̀tà ntu̧ tsɔ̧̀ la. Wu àghɨa mâ bɔ ndɨ màa ghɨ̀ la. Aa li bɨɨ abà am na e mbakà tsɔte Ntu̧ Ntsɔ̧̀ la.

2 Kɔlìn 10:14

Bɨ wu ayɔɔ bòt Mbɔ̧ɔ̧mà lè ŋa abua am nè e nkɨꞋɨ ntsɔ̀tè Ntu̧ Ntsɔ̧̀ Yesò Klistò abua yɔb la. Ale, e ndi me kɨꞋɨ abua yɨ̧ ale è nka wua mɨ̀à àdziꞋa tà li nê è nga la. Bɨ li ngu bòt mbì ba le kɨꞋɨ̀ abua yɨ̧ ntsɔ̀tè Ntu̧ Ntsɔ̧̀ Yesò Klistò la.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

2 Kɔlìn 11:7

Tè e ndi ngɨ a kàbɔ̀ŋ ndɨ̀ wu e ndi nkɨ̀Ꞌɨ̂ nɨ am a si, màa nkɨ mbɨ̀Ꞌɨ̀ eŋeꞋe awɨ̧ a ègwet, ndàꞋà Ntu̧ Ntsɔ̧̀ abua yɨ̧ kà lo̧o̧ àghɨ la à?

2 Kɔlìn 4:3

È wu nê Ntu̧ Ntsɔ̧̀ yaa ba làꞋà la wu mbɨ̀Ꞌɨ̀ ànəa bɔ kaba la abua bòt ko, ko wu ànəa bɔ kaba la abua bòt bu nga eleme la.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

2 Kɔlìn 8:18

Tà gha ekɨꞋɨ bɔ̂ wòt kǒ ba tsàà la. Wu wanyɨ wa wu bèchɔsì bàgème bèa ngùꞋta tò ane àfaꞋa to a màntsɔta Ntu̧ Ntsɔ̧̀ Yesò Klistò la.

2 Kɔlìn 9:13

ÀfàꞋ yaa bɨ̀a ghɨ̀ la aa ghɨ̌ bòt aa me wùꞋte a Mbɔ̧ɔ̧mà, nkàà nê bɔ ye nê bɨa ngɨ̀à àghɨa Ntu̧ Ntsɔ̧̀ Yesò Klistò yu bɨ̀a shua nê bɨ bɨ̧ɨ̧ne la, è laꞋ nê bɨ̀ me ghɨ̀ la. Bɔɔ mě me wùꞋte a Mbɔ̧ɔ̧mà nê, bɨ ŋa abua yɔb mè ŋǎ abua bòt ko tsa bàgème kà kuꞋte àbu.

Kɔ̀losìà 4:3

Bɨ̀ me tsàꞋte a Mbɔ̧ɔ̧mà ane ya mɨ̧̂, mbɨ̀Ꞌɨ̀ tà wu ghaꞋa wa èlu̧ baa me làꞋa èngǎ̧ tò wu è wû ànəa ndò̧ ane ànəa Yesò Klistò la abua bòt. Wu ànəa èngǎ̧ mbɔŋ ka a ghɨ̂ e ngu a tèfȩ anè la.

1 Tèsàlonikà 3:2

bà tsàa wanyɨ wa Tɔ̀màtià, wɔ̀fàꞋ Mbɔ̧ɔ̧mà abua yɨ̧. Ba tò ba aà fàꞋà nɔ̂, a màntsɔta Ntu̧ Ntsɔ̧̀ Yesò Klistò. Ba li ntsà atò nê tà kɨꞋɨ ndɔ̀ktè mèntɨ̧ɨ̧ mɨ̧, ngɨ̀ bɨ̀ me kweele ane èntɨ̧ɨ̧ wɨ̧ wu bɨ zi ane Yesò Klistò la.