2 Kɔlìn 13:7 - Mundani

⁷ Baa shù̧ù̧ta Mbɔ̧ɔ̧mà nê tà ghɨa bɨ̀ ka tsi ngɨ a kàbɔ̀ŋ. Ba shua àyaa nkàà nê ba ntsea nkɨà bɔɔ ko nê Mbɔ̧ɔ̧mà ka tà tsàà wa la. È màà ngu wuê nê bɨa kà ye awa mbɨ̀Ꞌɨ̀ bòt Mbɔ̧ɔ̧mà tsàà la, ko àghɨa ba kɨa la wu nê bɨ̀ me ghɨ̀ mènəè è kùꞋù la.

2 Kɔlìn 13:7 ပူးပေါင်းရင်းမြစ်များ

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Jɔ̌n 17:15

È nka shu̧u̧ta wê nê, tsì àwɔb a èbem ngɔ̀ŋ yaa, e shu̧u̧tà wuê nê baabe awɔb mbɨ̀Ꞌɨ̀ bɔ kwene a tèkitebu Satàn Wòt Kàbɔ̀ŋ.

Lûm 1:28

Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.

Lûm 12:17

Wòt ka mvəèa kàbɔ̀ŋ ane kàbɔ̀ŋ, ka me ghɨ̌ wuê àghɨa waa waa nàa ye nê aà mbɔ̀ la.

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Lûm 16:10

Bɨ̀ tsàꞋte Apelès wu tà lâ nyɨ̀Ꞌte nê yeà ndzəèa Yesò Klistò la. Bɨ̀ tsàꞋte bòt lob Alistobulùs.

1 Kɔlìn 11:19

Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.

2 Kɔlìn 10:10

Bɔɔ shua nê, màa ngɨ̀ è me shɨ letà am, e me tsoote a èbèm mè ngɨ̀ a bɔ nkȩ, ka è ngu ba nɨ̧̀ ba e me yu, mèngǎ̧ mɔ̧ ka wua nkwèèla.

2 Kɔlìn 10:18

Wòt me shu zìambɔŋ nê ye wu àghɨa ko, ko tà ntsě àghɨ. Wu wòt Mbɔ̧ɔ̧mà shu nê tà wu àghɨ la, ka tà lâ ngu àghɨ la.

2 Kɔlìn 13:6

È me wu awa, ko mâ mɨ̀ɨ̀tè nê bɨa ye nê ba lâ ngu bɔntu̧ Mbɔ̧ɔ̧mà.

2 Kɔlìn 13:8

BetsiꞋa bà ka ghɨ àghɨa àa me shuke nkûŋ a si la. Baa me ghɨ̀ wuê àghɨa àa me lɔ̀ke yùà ntsaa a ègwet la.

2 Kɔlìn 13:9

Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

2 Kɔlìn 8:21

Ba ghɨa anè nkàà nê ba kɨ e ghɨ̀ àghɨa àa mbɔ̀ a mbì Mbɔ̧ɔ̧mà, mè mbɔ̀ a mbì bɔbȩ la mɨ̧̂.

Filìpȩ 4:8

Bɔnyɨ bɔ̧, ànəa e nkɨ elìa eshu awɨ̧ la wu nê, bɨ̀ me mɨ̀ɨ̀tè wuê mènəè è wû nkûŋ la, nè mènəè bòt àa nkùkta la, mè nè mènəè è kùꞋù la. Bɨ̀ me mɨ̀ɨ̀te mènəè kà ye àŋɔꞋte adù̧, nè mènəè nàa mbɔ̀, bòt e mè me kɔ̀ŋke la. Èghɨ bu e taꞋa wua mbɔ̀, bòt e mè me wùꞋte bùà la wu èbe bɨ̀a me mɨ̀ɨ̀tè la.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

1 Tɔ̀màtià 2:2

Bɔ mè tsàꞋte a Mbɔ̧ɔ̧mà àtsəa bèfɔ̧̀, nè waa waa tàa mbà̧aã àlaꞋ la, mbɨ̀Ꞌɨ̀ baa me tseke ane àlàŋkè kà ye ànəa kàbɔ̀ŋ. À wu anè mbɨ̀Ꞌɨ̀ baa me nèèta ndzəèa a Mbɔ̧ɔ̧mà, mènəè ma naa mě me tsě ndɨŋndɨ̀ŋ.

2 Tɔ̀màtià 2:15

È wu awê, à nyɔ̀Ꞌtè fàꞋà ndɨ Mbɔ̧ɔ̧mà nàa bɨ̧ɨ̧ne la. FàꞋà mbɨ̀Ꞌɨ̀ wɔ̀fàꞋ kà wu li elɔ̀Ꞌɔ ebɔ àtsəa kɔꞋɔ ane àfàꞋ àzi, mè fàꞋà mbɨ̀Ꞌɨ̀ wòt tàa nèètà nyɨ̀Ꞌta bòt èngǎ̧ nkûŋ wu e dzəâ abua Mbɔ̧ɔ̧mà la.

2 Tɔ̀màtià 4:18

Mâ ko nê, Mbɔ̧ɔ̧mà wu naa tsì am a èbem èghɨ kàbɔ̀ŋ ègème, e mě mbaabe am tè maa ghǎ enyi a èbem kèfɔ̧̀ tò a ègwet. TsiꞋ mèngùꞋte wu abua tò àfɨ̀Ꞌ àgème! Àmèn.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.