Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Kɔlìn 13:5 - Mundani

5 Bɨ̀ neeta ndȩ̀ àwɨ̧ bɨ̀ambɔŋ ndze nê kò bɨa ntsèka mbɨ̀Ꞌɨ̀ bòt bɔ zì mèntɨ̧ɨ̧ mɔb ane Yesò Klistò la, e bɔ ndɨ bɔ̀ɔ me tseke la leꞋ. Kò bɨ bakà ko nê Yesò Klistò wu a mèntɨ̧ɨ̧ mɨ̧ leè? È wu nê bɨ lâ ndzì mèntɨ̧ɨ̧ mɨ̧ ane tò ko tà wu nè nɨ̧̀.

အခန်းကိုကြည့်ပါ။ ကော်ပီ




2 Kɔlìn 13:5
50 ပူးပေါင်းရင်းမြစ်များ  

Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.


Bɨ̀ wu àghɨ yeamɔꞋ nè nà̧, è mě ngu àghɨ yeamɔꞋ nè nɨ̧̀ mɨ̧̂. Ndɨ̀ wu betsiꞋa èntaãaã àyɨt è ka koê nkɔ̀ɔ̀le tètaãaãtsə zia ndziꞋne kà wu a mbɨ̧̀ àyɨt la, wu ndɨ betsiꞋa bɨ̀ambɔŋ è ka ko ngɨ̀ àghɨ kà wu àghɨ yeamɔꞋ nè nà̧ la.


Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.


Mâ ghɨ̌ bɔ ko wòt à wu wùà la, mè ngu ghɨ̌ bɔɔ me koa nɨa ngà nè mbì, mbɨ̀Ꞌɨ̀ bɔɔ me kɔ̀ŋkà am wuê a èlɨ̀ wu àa nkɔ̀ŋkà am la, e mě ghɨ̌ maa tsiꞋi àghɨ yeamɔꞋ nè nɔ̀b.”


Wòt tà kwele nyà̧ ènyit yaã ndɔ̀Ꞌ nù àlo̧ am la wua ndzìà vi ane yaã, e mè ngua ndzì am ane tò mɨ̧̂.


Tàà mbììte a Filìb ale, ngua nkɨ enyɔ̀Ꞌte atò eye, nkàà nê tà li nko ndɨ yèa ghɨ̀ la.


Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.


Ka Yesò Klistò wu a èntɨ̧ɨ̧ wòt, ko tàa wu yû̧, nkàà nê Mbɔ̧ɔ̧mà nɨa to mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Àghɨa àa pfə la wu wuê mbɨ̧̀ ènyit tò, nkàà kàbɔ̀ŋ wu tàà ngɨ̀à la.


Wòt bàŋè àvi ntsɔ̧̀, ka njɨ a bled waa kò nu ndɔŋ yaa leꞋ.


Baa bàŋà wa ntsɔ̧̀ nkùbta mènəè ma ko Mbɔ̧ɔ̧mà ka tsi saꞋa wa a.


Bɨ bakà ko nê bɨ wu lob Mbɔ̧ɔ̧mà, Fo tò nàa ntsèka ane yɨ̧ la à?


Bɨ bakà ko laꞋ nê mbɨ̧te ènyit tɨ̧ wu èdziꞋi ènyit Yesò Klistò? Tè aa nè ngu nê maa nɨ àdziꞋa ènyit a Yesò e ghɨ̌ naa tsiꞋi àdziꞋa ènyit a ghȩ̀ȩ̀nè ghȩȩne? ChaꞋ, à ka mbê ngu ale.


Bɨ bakà ko nê mbɨ̧̀ ènyit yɨ̧ wu lob Fo Kèfə yu è dzə abua Mbɔ̧ɔ̧mà la à? Bɨ ntsě àtsəa yɨ̧.


Kò bɨ bakà ko laꞋ nê bòt Mbɔ̧ɔ̧mà aa li saꞋa bòt ngɔ̀ŋ yaa le è? Tè bɨ wu li saꞋa bòt ngɔ̀ŋ, ko bɨ bakà kuꞋu èbe bɨ̀a saꞋa mènəè tèchɨɨle la à?


Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.


Ka màa ngɨ̀ e me kuule mbɨ̧̀ ènyit yaã, ŋwèèlà èghɨ èntɨ̧ɨ̧ am e kɨa la ndzia a si, màa ngɨa ale mbɨ̀Ꞌɨ̀ ka e ndàꞋà èngǎ̧ Mbɔ̧ɔ̧mà abua bòt ko, a ghà me lìa Mbɔ̧ɔ̧mà nê e mbakà kùꞋ la.


Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”


Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.


Bɔ̧ bɔ̧, ànəa yɨ̧ aà saa am mbɨ̀Ꞌɨ̀ àvi nàa ngɨ̀ tà me lu̧u̧te nkɨ ebi la te eghǎ e wu àfɨꞋa bɔ̀ɔ ye nê Yesò Klistò naa ane mèntsèke mɨ̧ la.


Ka waa waa saꞋa vi ndze nê kò mènəè mi kùꞋu e me yèa me ŋeꞋe tèkwȩ ti a ègwet la leꞋ. Tà ka me fɨ̀Ꞌnè àvi ane wòt kǒ tsa.


E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,


Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.


Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.


Ŋut nàà kà tsi ndzəèa Yesò wu tà wu àtsəa ènyit yu è wu bòt Mbɔ̧ɔ̧mà la. Wu Yesò Klistò ka tàa ngɨ̀à ènyit mbɔŋ e bɔ èghɨjɨ, mè ngɨ̀à èdziꞋ ènyit ègème e tsəꞋnà ngua mbɨ̧̀ yemɔ̀Ꞌ, ale ngɨ̀à è tsəa ndɨ Mbɔ̧ɔ̧mà nàa nkɨà nê è me tsə la.


Bɨ̀ neeta ndzì àwɨ̧ ane tò me kweele, mè ngɨ̀ mèntsèke mɨ̧ wu mbɨꞋɨ̀ tàa nkɨà la. Bɨ̀ mèe me zì mèntɨ̧ɨ̧ mɨ̧ ane tò nɨa ngà nè mbì. Eyaa wu èghɨ bɔ li nyɨ̀Ꞌte awɨ̧ la. Bɨ̀ me ghɨ̀ ale, bɨ me ŋa mènkɔ̀ŋke abua Mbɔ̧ɔ̧mà.


A batè ngu anè, ka Mbɔ̧ɔ̧mà bɔ̂ ngu e ghɨ̌ bèzi aa ghǎ a èlɨ̀ wu bɔ̀ɔ mbia la e peme. Bɔɔ peme na bɔ zì mèntɨ̧ɨ̧ mɔb ane tò, me kɔ̀ŋkè bòt, mènəè mɔb mè ntɨ̧ɨ̧ ndɨŋndɨ̀ŋ a mbì tò, bɔ mè me ghɨ̀ mènəè mbɨ̀Ꞌɨ̀ bòt tò la.


Bòt mbɔŋ bɔ̀ɔ ngèèba ale la aa ntù̧a mènəè nkûŋ wuê mbɨ̀Ꞌɨ̀ Janèsìs bɔ̂ Jamblès è le tu̧u̧ mènəè mu Musì li ngua ndàꞋà la. Eyaa wu bòt bɔ̀ɔ ka tsi nko nkwàꞋtè mènəè ntsɔ̧̀, mèntɨ̧ɨ̧ mɔb ka meè ndâ ngu ane Yesò la.


Ànəê yaa tà li shu la a bɔ̂ ngu nkûŋ. Mbɨ̀Ꞌɨ̀ aa anè la, à bɔ ndɨ àa taꞋa ŋȩte awɔb mbɨ̀Ꞌɨ̀ bɔɔ me nèèta nkùŋà alu̧ Mbɔ̧ɔ̧mà la.


Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.


Shu abua mbà̧te juŋ nê, bɔ̀ me yu ane mènəè mɔb, nɨ̀a èyì ka ngɨ̀à mènəè, mè mbà̧aã mèntɨ̧ɨ̧ mɔb ka ngɨ̀à mùà. Bɔ̀ mě me nèèta ndzìà mèntɨ̧ɨ̧ mɔb ane Mbɔ̧ɔ̧mà, nèètà nkɔ̀ŋkà bòt, mè nkìà ngoꞋtsə.


Bɨ̀ me ko awɨ̧ mbɨ̀Ꞌɨ̀ ka bɨ tsì èntɨ̧ɨ̧ wɨ̧ ane Mbɔ̧ɔ̧mà wu tàa nyɨ̀Ꞌta èkɔŋ vi ane ya la. Bɨ̀ mèe me ko awɨ̧ mbɨ̀Ꞌɨ̀ ka wòt kǒ ane yɨ̧ liꞋa kàbɔ̀ŋ mbɨ̀Ꞌɨ̀ afəèꞋ nàa ndìà la, è koꞋ ntsòkè bòt ko.


Ndɨ̀ wu Mbɔ̧ɔ̧mà bakà kùbte mènkàꞋa mi nê baa li ekɨꞋɨ àdziꞋa yea ghɨ̌ baa yètè la, bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ bela ngɨ̀à tà kà tsi nkùꞋù è we tàa nyi àdziꞋa mbɔŋ la.


Ka è wu nê, èghɨ ntsəa adù̧ la tsiꞋi njiŋtsə bɔ̂ mèfəèꞋ ko si mbɔŋ tsiꞋi àku, ntsìꞋi è ye betsiꞋa Mbɔ̧ɔ̧mà tsò̧ a me lìa bɔ tò̧ la.


Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.


Bɨ̀ teme kwen tɨ̧ ŋǎ abua tò, ndzì mèntɨ̧ɨ̧ mɨ̧ wuê ane Mbɔ̧ɔ̧mà me kweele, ngu nê bɔnyɨ bɨ̧ a èdzìꞋ ègème a ngɔ̀ŋ ŋaa aà ndzea èwuu ngoꞋ mbɔŋ mɨ̧̂.


È wu ale, bɨ̀ ku̧u̧te àdziꞋa èkɔŋ wɨ̧ è le wu ane yaã la, nkùbte mèntɨ̧ɨ̧ mɨ̧, mè me ghɨ mbɨ̀Ꞌɨ̀ bɨ li ndzaãaã ngùa ngɨ̀à la. Bɨ̀ baka kubte, ko ma kɨꞋɨ e tsì àyɨ̧ ne àghɨ yu bɔɔ ntsia èkaꞋà adù̧ la adzìꞋa zi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ