2 Kɔlìn 12:9 - Mundani

⁹ Ka tà shu abua am nê, “Maa tɨŋe awê. Ntsɔ̧̀ am è kùꞋù abua yê ngu nê bɔɔ mpàa ndzea mètàŋ mɔ̧ ane èghɨ bu àa nyɨ̀Ꞌta nê à bakà bɔ mètàŋ la.” Ale, maa me ghàꞋtè am ane èghɨ bu àa nyɨ̀Ꞌta nê e mbakà bɔ mètàŋ la nè mèngùꞋte mbɨ̀Ꞌɨ̀ mètàŋ Yesò Klistò naa wu adù̧ yaã.

2 Kɔlìn 12:9 ပူးပေါင်းရင်းမြစ်များ

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Matìù 28:20

mbɔ̂ nyɨ̀Ꞌte awɔb nê bɔ̀ me ghɨ̌ àghɨ àgème e ndi shu awɨ̧ la, nko nê maa wu nè nɨ̧̀ tê ghǎ dzəâ àfɨꞋa ngɔ̀ŋ nàa li lìà la.”

Lûk 21:15

maa li zǐ mèngǎ̧ a mètsəê mɨ̧, e mě zì mèyì a ètsə bɨ̧, ndɨ betsiꞋa wòt ane bɔmbù̧ bɨ̧ è ka tu̧ ànəa bɨ shua la.

1 Kɔlìn 10:13

Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

1 Kɔlìn 2:3

E ndi ngu ba nɨ̧̀ ba me yu mè ntaꞋa wua mbènta mbɔ̀a.

1 Kɔlìn 2:5

E ndi ngɨ̀ àyea mbɨ̀Ꞌɨ̀ bɨ̀ me zǐ èntɨ̧ɨ̧ wɨ̧ ane Mbɔ̧ɔ̧mà è kà wu èyǐ bɔbȩ, è wu mètàŋ Mbɔ̧ɔ̧mà è ghɨ̀ la.

2 Kɔlìn 11:30

A ghà tè ntsìꞋi àyea màa ŋeꞋe tèkwȩ taã a ègwet la, ko e nga me ŋeꞋe tèkwȩ taã adù̧ èghɨ bu àa nyɨ̀Ꞌta nê e mbakà bɔ mètàŋ la.

2 Kɔlìn 12:1

Maa me ghàꞋtè wu am. Àbȩ̀ àko wòt nàa jɨ la a batè ntsě adù̧, kà e mbɔ̂ ngu me ghàꞋtè wuê ghàꞋte shua ànəa ètsə Yesò Klistò è nyɨꞋte am la, nè èghɨ tà li ngàꞋte àghɨ am e ndze la.

2 Kɔlìn 12:10

Maà ngùꞋtè am àfɨꞋa è mbaka bɔ mètàŋ la, nè àfɨꞋa bòt àa ntsò̧ò̧tà am la, nè àfɨꞋa màà ndzea ngoꞋ la, nè àfɨꞋa bòt àa nkɨà àtsə am enɨ la, nkàà ànəa Yesò Klistò. Aà ale nkàà nê nàa ngɨ̀ è wu àfɨꞋa è mbaka bɔ mètàŋ la ka Yesò ŋà mètàŋ abua am.

2 Kɔlìn 12:15

Aa me bɔ̀ am eŋa àghɨ àgème fɔɔle àtsə am ane ànəa yɨ̧. Tè e ngu ekɔ̀ŋkè àwɨ̧ te tsě àdziꞋ anè, ko bɨa nkɔ̀ŋkè am mpîꞋ?

2 Kɔlìn 12:5

Maa me ghàꞋtè am ane ànəa wòt waa, ka betsiꞋa è nka ghaꞋte am ane àghɨa ko tsa ane yaã mmɔ̌ mbɔŋ, kà wu ane èghɨ bu àa nyɨ̀Ꞌta nê e mbakà bɔ mètàŋ la.

Efesɔ̀s 3:16

Maà ntsàꞋta Mbɔ̧ɔ̧mà nê tà ghǎ ane èghɨ bi bu a ègwet e ghe la, nɨ Fo zi ngɨ̀ èŋa awɨ̧ mètàŋ mbɨ̀Ꞌɨ̀ mèntɨ̧ɨ̧ mɨ̧ naa me kweele.

Filìpȩ 4:13

BetsiꞋa e nko ngɨ̀ àghɨ àgème, nkàà mètàŋ mu Yesò Klistò nàa ŋǎ abua am la.

Kɔ̀losìà 1:11

Maà ntsàꞋtà nê Mbɔ̧ɔ̧mà nɨ mètàŋ mi mu è ghe la ngɨ̀ mèntɨ̧ɨ̧ mɨ̧ neeta nkwèèlê, mbɨ̀Ꞌɨ̀ bɨa me kuule mèntɨ̧ɨ̧ mɨ̧ nkìà mènəè ègème nè mèngùꞋte,

1 Tɔ̀màtià 1:14

Yesò Klistò Lefɨ̀Ꞌ wa li nèètè ndɔ̀ɔ̀lè am, ngɨ̀ e ndzì èntɨ̧ɨ̧ am ane tò, mè me kɔ̀ŋkè atò, è wù àghɨa tàa ngɨa ane bòt bu bɔ̂ tò ba e tsiꞋi mbɨ̀Ꞌɨ̀ àghɨ yeamɔꞋ la.

Ebùlù 11:34

ndììme mèwet kèkweelè, ndɔ̀Ꞌ ndùùlà bòt nkɨ ebùŋè àwɔb nè nyitsə la. Bòt baa e li mbàte ngua njùa ka mbɔ̂ ntsìꞋi bòt kekweelè a mànua èbet tè ndènè bèshujà èlaꞋ tsa ngɨ̀ bɔ lùùlà.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.