2 Kɔlìn 12:21 - Mundani

²¹ Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

2 Kɔlìn 12:21 ပူးပေါင်းရင်းမြစ်များ

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Lûm 9:2

Tèsȩ tea ndâ nkua am, èntɨ̧ɨ̧ am e mè ndù̧à àfɨ̀Ꞌ àgème ane ànəa bòt ba bòt Izəèlȩê.

1 Kɔlìn 5:1

Bɔ shu am èwuu ànəa ko nê bòt ko aa mpàꞋta àbɨ̧ a kètsìà wɨ̧, tè ngɨ̀ fɔɔle ane ndɨ bòt kà ko a Mbɔ̧ɔ̧mà àa ka ghɨ̀ la. Bɔ shu am nê wòt kǒ paꞋte vi tǎt vi.

2 Kɔlìn 10:6

Baa me ghɨ̀ tê nko bòt bu bàgème ayɔɔ yɨ̧ bɔ̀ɔ ndzəa Yesò Klistò la, ntàŋke nyɨ̀Ꞌte bòt bu bɔ̀ɔ ka zə atò la àghɨa bɔ kɨà la.

2 Kɔlìn 12:7

Mbɔ̧ɔ̧mà li tà kà wua nkɨà maa me ŋeꞋe tèkwȩ taã ane èghɨ bu e ghe tà ghaꞋte àghɨ am e ndze la. Ale, Mbɔ̧ɔ̧mà zì àghɨa ko ane yaã aa ghɔɔ am, ekele am mbɨ̀Ꞌɨ̀ e me ŋeꞋe tèkwȩ taã a ègwet nyaŋ. Àghɨ yaa a li ngu mbɨ̀Ꞌɨ̀ wantu̧ Satàn.

2 Kɔlìn 13:2

È li ngu àfɨꞋa mâ kɨꞋɨ ndzè àwɨ̧, è wù èka bɔ̧ bebe a mànkɨꞋa adzìꞋ yu la, e səèŋkè ètû̧ bòt bu bɔ̀ɔ ngɨa kàbɔ̀ŋ la, nè èbe waa waa nê e mè me kɨꞋɨ bɔ bela ngɨa kàbɔ̀ŋ, ko è nka sà wɔb a. E ngua mè səèŋkà ètû̧ bɔb àfɨ̀Ꞌ yaa e ntsě a si ŋu la nê, e me kɨꞋɨ bɔ bela ngɨa kàbɔ̀ŋ ko è nka sà wɔb a.

2 Kɔlìn 8:24

Bɨ̀ nyɨꞋte awɔb nê bɨa nkɔ̀ŋkà àwɔb mbɨ̀Ꞌɨ̀ bèchɔsì bàgème aa zə e mě ko nê bàa ngɨ̀ bà me ghàꞋta wa a mbì lɔb ane ànəa yɨ̧ ale è wu ànəa nkûŋ.

Gàlashìà 5:19

Èghɨ mbɨ̧̀ ènyit nàa nkɨà la aà kà lò̧ò̧tè: MàmpaꞋta wòt kà bɨ tò eyɔꞋ, mèmɨ̀ɨ̀te kàbɔ̀ŋ, màngɨa kàbɔ̀ŋ,

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

Jûd 1:23

È me wu e bu ntsìꞋa nga enyi a èwet la, bɨ səè àwɔb ntsì mbɨ̀Ꞌɨ̀ bɔɔ peme. Èbeko nè bòt aa və bɨ bɔ ndɨ bɨ̀a me tɨŋe awɔb la, ka bɨ me ghɨ̌, bɨ me baabe awɨ̧ mbɨ̀Ꞌɨ̀ ka mèntsèke kàbɔ̀ŋ mɔb zì mèkɔb ane yɨ̧.

Jûd 1:7

Bòt Sodòm nè bòt Gòmolà nè èlaꞋ bu a ngèt yɔb la e li ngɨ̀ wuê a èlɨ mbɔŋ. Bɔ li ngua mpàꞋta bòt kà yɔꞋɔ awɔb, njɨ̀a àbȩ, mbâ̧tsə te nɔ̀ŋkà nè è teko, tè Mbɔ̧ɔ̧mà lììme awɔb a èbem èwet nɨŋ nyɨ̀Ꞌte àghɨa tàa li ghɨ̀ ne bòt bu bɔ̀ɔ li eye ngoꞋ a èbem èwet ane àlia nè àlia la.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.

Ètsə 22:20

Wòt wu tà shu nê èghɨ bàa wu nkûŋ la, è laꞋnê, “Ane nkûŋ, e mbele yàŋe kɨꞋɨ.” Àmèn, Yesò Lefɨ̀Ꞌ, kɨꞋɨ.