2 Kɔlìn 12:2 - Mundani

² Mâ ko wòt kǒ tà wu wòt Yesò Klistò la. Bɔ li nɨ atò àfɨ̀Ꞌ àko ngà tè ntsè ègwet nga a ègwet àdziꞋa Mbɔ̧ɔ̧mà wù la. Kò ŋut li ngà nè nkèm zi, kò wu wuê àlɨ̀ŋka tò ka a li ngà la leꞋ, ko e mbakà koê, wu Mbɔ̧ɔ̧mà ka tà ko la. Àfɨ̀Ꞌ ya wu èngùꞋebȩ ntsɔ̀b yekwì mbɨ̀Ꞌɨ̀ àyaa a tsè la.

2 Kɔlìn 12:2 ပူးပေါင်းရင်းမြစ်များ

Lûk 24:51

Mbɨ̀Ꞌɨ̀ tàa fà̧à̧te awɔb la, tà bê ŋèꞋe avi a si me kɔꞋɔ nga ègwet.

Jɔ̌n 6:56

Wòt tà kwele nyà̧ ènyit yaã ndɔ̀Ꞌ nù àlo̧ am la wua ndzìà vi ane yaã, e mè ngua ndzì am ane tò mɨ̧̂.

ÀfaꞋa 14:6

Bɔntu̧ bu e me ghɨ̀ tê ndzə ànəa ngaa ndùùlà ngà àwɔb àlaꞋ a Lȩ̀konià a èbem èpfəè bu è wu Lislà nè Debì là, fɔ̀ɔ̀le a èdzìꞋ bu a ngèt èpfəè nɨ̧ ngaa la.

ÀfaꞋa 22:17

“Mâ ghɨ̀ ale, nkua akwèn nga a Jèlusalèm me tsàꞋte a Mbɔ̧ɔ̧mà a èbem lob nɨ̧ tò, ndzè àtsə,

Lûm 16:10

Bɨ̀ tsàꞋte Apelès wu tà lâ nyɨ̀Ꞌte nê yeà ndzəèa Yesò Klistò la. Bɨ̀ tsàꞋte bòt lob Alistobulùs.

Lûm 16:3

Bɨ̀ tsàꞋta Plìsilà bɔ̂ Àkwilà, è wu bòt baa tò ba àa fàꞋà nɔ̂ abua Yesò Klistò la.

Lûm 16:7

Bɨ̀ tsàꞋte Àndòlonikùs bɔ̂ Junìàs, è wu bòt àlaꞋ bɔ̧, bàà tò ba e li ngua tèfȩ nɔ̂ la. Bòt e ko awɔb ntsɔ̧̀ ayɔɔ bɔntu̧ Yesò Klistò, bɔ mè ngu bòt bɔ li mbɨ̀ ndzì mèntɨ̧ɨ̧ mɔb ane Yesò ka maa zì èwɔ̧ la.

Lûm 16:9

Bɨ̀ tsàꞋtè Yubanùs, è wu wòt bàa tò ba àa fàꞋà abua Yesò Klistò nɔ̂ la, mè ntsàꞋtè ngule shu̧ yaã Stachis.

Lûm 8:1

Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

2 Kɔlìn 11:11

Tè e ntsèka kà wua nɨa àghɨ abua yɨ̧ anè ngu shua nê maà kà kɔ̀ŋkè àwɨ̧? ChaꞋ a ntsě ale! Mbɔ̧ɔ̧mà ko nê maà nkɔ̀ŋkà àwɨ̧.

2 Kɔlìn 13:5

Bɨ̀ neeta ndȩ̀ àwɨ̧ bɨ̀ambɔŋ ndze nê kò bɨa ntsèka mbɨ̀Ꞌɨ̀ bòt bɔ zì mèntɨ̧ɨ̧ mɔb ane Yesò Klistò la, e bɔ ndɨ bɔ̀ɔ me tseke la leꞋ. Kò bɨ bakà ko nê Yesò Klistò wu a mèntɨ̧ɨ̧ mɨ̧ leè? È wu nê bɨ lâ ndzì mèntɨ̧ɨ̧ mɨ̧ ane tò ko tà wu nè nɨ̧̀.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Gàlashìà 1:22

È me wu àfɨꞋa mbɔŋ ale, bòt bèchɔsì Yesò bu a Jùdià la è ka lem nko am ane èsi.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Efesɔ̀s 4:10

Wòt wu tà li nchu a sitsǎꞋ la è bèle wu tòà tà li nkɔꞋ ngà tè ntsè ègwet la, mbɨ̀Ꞌɨ̀ ewu àdzìꞋ àgème.

1 Tèsàlonikà 4:17

AfɨꞋa mbɔŋ Mbɔ̧ɔ̧mà ŋèꞋe awa wu bà bele ka pfəèꞋte la, ba bòt ngaa e bu̧u̧te a kètsìà mbàꞋ è ngu nè Tè Yesò a ègwet. Ba tò ba aa me tseke nɔ̂ àfɨ̀Ꞌ àgème.

Ebùlù 4:14

Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

Ètsə 1:10

Mbɨ̀Ꞌɨ̀ è ngu abot ane Àliapfəèa Mbɔ̧ɔ̧mà ako la, Fo Mbɔ̧ɔ̧mà e kɨꞋɨ ane yaã, e ndzə àtɔŋ ko akwèn yaã ndàꞋà mbɨ̀Ꞌɨ̀ èsɔndɨk.

Ètsə 12:5

Tà ghɨ̀ ale, mbi wambâ̧, è wu wòt tàa me nɨ ambàŋ àtɨ̧ɨ̧na mbà̧aã èlaꞋ ègème kà ku tèsȩ la. Tà bi waã wu ale bɔ bê nɨa tò ndùùlà ngà abua Mbɔ̧ɔ̧mà nè àdziꞋa àtɨ̧a kèfɔ̧̀ atò à wu la.

Ètsə 4:2

KwàꞋ àfɨꞋa mbɔŋ Fo Mbɔ̧ɔ̧mà kɨꞋɨ adù̧ yaã ngɨ̀ e ndze àtɨ̧a kèfɔ̧̀ a ègwet wòt kǒ tseke adù̧ la.