2 Kɔlìn 12:16 - Mundani

¹⁶ Bɨa bɨ̧ɨ̧ne àfɨ̀Ꞌ yaa nê e ndi è nka wua ndɨ̀ŋkà wɨ̧ a ebàꞋa àghɨa ko. Ka wòt kǒ ane yɨ̧ nàà shua nê e ndi ngu wòt èyì kèŋɔꞋte fɨ̀ta wɨ̧ nɨa èghɨ bɨ̧.

2 Kɔlìn 12:16 ပူးပေါင်းရင်းမြစ်များ

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 11:20

Wòt nàa ngɨ̀ tà kɨꞋɨ bɨ sàŋ tà nɨ̀ àwɨ̧ mbɨ̀Ꞌɨ̀ èbùꞋ, me fible awɨ̧ nɨa èghɨ bɨ̧, ntsèka a ègwet lɨ̧, mè ntsò̧ò̧tà wɨ̧.

2 Kɔlìn 12:13

Àghɨ yu e ndi ngɨ abua bèchɔsì ko kà ghɨ abua yɨ̧ la wu ghàà? Wu wuê ndàꞋ àghɨ yeamɔꞋ e ndi è nka ghɨ abua yɨ̧ la. Àghɨa mbɔŋ wu nê e ndi è nka shu nê bɨ̀ me ŋa èghɨ abua am. Bɨ̀ waꞋa kàbɔ̀ŋ am.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

2 Kɔlìn 6:8

Bòt ko aa nkùkta wa, èbeko e ghɨ̀à ba bɔ àtsəa kɔꞋɔ, èbeko elaꞋa kàbɔ̀ŋ ane èlen la. Bòt ko aa nɨa wa nê ba wu bòt mèfà̧. Mbɔ̂ ba me làꞋà nkûŋ àfɨ̀Ꞌ àgème,

2 Kɔlìn 7:2

Bɨ̀ ghaꞋa mèntɨ̧ɨ̧ mɨ̧ nɨ̀ awa. Wòt kǒ ba fâ̧ ànəê abua tò la ntsè, ba ka tsokè wòt, bà kà me fìble wòt.

1 Tèsàlonikà 2:3

Ba li me nyɔ̀Ꞌta nkɨà bòt aa bɨ̧ɨ̧ne ànəa Ntu̧ Ntsɔ̧̀ Mbɔ̧ɔ̧mà ale, mèfà̧ kà wu adù̧, bà ka bɔ mèmɨ̀ɨ̀te kàbɔ̀ŋ, bà ka mê ngua fìbla wòt kǒ.

1 Tèsàlonikà 2:5

Bɨ ko ntsɔ̧̀ Mbɔ̧ɔ̧mà mè nko mɨ̧̂ nê ba li bà ka làꞋà abua yɨ̧ ne ètsəê nendɨ̧, bà ka làꞋà èngà̧ àfible mbɨ̀Ꞌɨ̀ enɨ àghɨa ko abua wòt.

1 Pità 2:3

Eyaa wu àghɨa bɨ bɔ ndɨ̀ bɨ̀a me kɨ la, ndɨ̀ wu bɨ yute tê ndzě ndɨ Yesò Klistò nàa nkɔ̀ŋkà àwɨ̧ la.