2 Kɔlìn 12:14 - Mundani

¹⁴ Eyaa wu ngò̧ tetat màa nkɨ mě kɨꞋɨ eye awɨ̧ la, ka è nkɨ̀Ꞌa kà wu me lɨ̀ŋke àwɨ̧ a ebàꞋa àghɨa ko, nkàà nê è nka kɨꞋa ebàꞋa èghɨ bɨ̧. E nkɨ̀Ꞌa etɨŋe awɨ̧. È ntsě bɔtechɨɨle bɔ̀ɔ fèta èghɨ nɔŋa abua bètǎt bɔb bɔ̂ bènyɨ̌ bɔb la. Wu bènyɨ̌ bɔ̂ bètǎt ka bɔ̀ɔ fèta èghɨ nɔŋa abua bɔ̧ bɔb la.

2 Kɔlìn 12:14 ပူးပေါင်းရင်းမြစ်များ

ÀfaꞋa 20:33

E mbakà ghòꞋnè àghɨa wòt, ka wuê silbà, kò goêl, kò ndǐ wòt leꞋ.

1 Kɔlìn 10:24

Wòt me ghɨ̀ mènəè tà me mɨ̀ɨ̀tè bòt ko, tà ka me mɨ̀ɨ̀tè wuê avi zìambɔŋ.

1 Kɔlìn 10:33

Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.

1 Kɔlìn 11:34

Ndzìtsə te me ku wòt ane yɨ̧, tà me dzə a lob zi tà jɨ àghɨ, mbɨ̀Ꞌɨ̀ ka tà kɨꞋɨ ayɔɔ bòt nkɨ ngoꞋ zi zìambɔŋ abua Mbɔ̧ɔ̧mà. Maa tsiꞋi shu ndɨ bɨ̀a me ghɨ̌ me kǒ nè mènəè la àfɨꞋa màa kɨꞋɨ la.

1 Kɔlìn 16:5

Maa li ntse a Màsèdonìà nkɨ̀Ꞌɨ̂ ndzè àwɨ̧. E shua ale nkàà nê, maa nkɨ tsě a èlu̧ Màsèdonìà ka kɨꞋɨ.

1 Kɔlìn 4:19

Ka e mbele yàŋe kɨꞋɨ ye awɨ̧ na Tè Yesò bɨ̧̀ɨ̧̀na la. Maa kɨꞋɨ eye àghɨa bòt bu ŋèꞋa tèkwȩ tɔb la e ghɨ̀à la. È nka kɨꞋa ezə wuê ànəa bɔ làꞋà la.

1 Kɔlìn 9:12

Tè bòt ko e wu me shu nê wu àdziꞋa yɨ̧ a màŋa wɔb èghɨ, è me wu awa bɨ̀ ka ŋa abua ya tê ntsè? Ka ba bakà ghɨ mbɨꞋɨ̀ ba wuê ghɨ̀ la, baa nɨa àghɨ àgème mbɨ̀Ꞌɨ̀ àa la, mbɨ̀Ꞌɨ̀ ka baa ghɨ̀ àghɨa àa kele bòt nê bɔ̀ ka mbɨ̧̀ɨ̧̀ne Ntu̧ Ntsɔ̧̀ Yesò Klistò la.

1 Kɔlìn 9:18

Àbȩ̀ am nàa anè ngu ghàà? Àbȩ̀ am wu ndɨ màa ndàꞋà èngǎ̧ Mbɔ̧ɔ̧mà àku, è nka mê ngua nkɨà àghɨa è wù àyaã la ane Ntu̧ Ntsɔ̧̀ yu màa ndàꞋà la.

1 Kɔlìn 9:19

Àghɨa ko a ntsě a kuule èbu bɔ̧ ŋa abua wòt ko la, e mbɔ̂ ngɨ̀ am mmɔ̌ mbɔŋ ane àbùꞋ abua wòt ègème, mbɨ̀Ꞌɨ̀ ghɨ̌ bòt bɔ̀ɔ ndzìà mèntɨ̧ɨ̧ mɔb ane Yesò Klistò la aa paa yaã.

2 Kɔlìn 1:15

Mâ ko nê bɨ bele nèète eko am. Eyaa wu lə e ndi ngua nkɨ bɨ̌ kɨꞋɨ eye awɨ̧ la, mbɨ̀Ꞌɨ̀ bɨ̀ ye am a paà mbê bɔ̀ŋ awɨ̧.

2 Kɔlìn 11:9

E ndi nguê màa ngɨ̀ è me kɨ̀ŋke àghɨ, è nka lɨŋkè wòt kǒ ane yɨ̧ nkàà nê, bɔnyɨ ba bu bɔ dzə a Màsèdonìà la e li ngua ŋǎ èghɨ màa nkɨ̀ŋkà la. Maa me ghɨ̀ wuê a èlɨ̀ waa ngà nè mbì. E nka me lɨ̀ŋke wòt kǒ ane yɨ̧ a ebàꞋa àghɨa ko a.

2 Kɔlìn 12:13

Àghɨ yu e ndi ngɨ abua bèchɔsì ko kà ghɨ abua yɨ̧ la wu ghàà? Wu wuê ndàꞋ àghɨ yeamɔꞋ e ndi è nka ghɨ abua yɨ̧ la. Àghɨa mbɔŋ wu nê e ndi è nka shu nê bɨ̀ me ŋa èghɨ abua am. Bɨ̀ waꞋa kàbɔ̀ŋ am.

Gàlashìà 4:19

Bɔ̧ bɔ̧, ànəa yɨ̧ aà saa am mbɨ̀Ꞌɨ̀ àvi nàa ngɨ̀ tà me lu̧u̧te nkɨ ebi la te eghǎ e wu àfɨꞋa bɔ̀ɔ ye nê Yesò Klistò naa ane mèntsèke mɨ̧ la.

Filìpȩ 4:1

Mbɨ̀Ꞌɨ̀ àa anè la à bɔnyɨ bɔ̧, maà nkɔ̀ŋkà àwɨ̧, mè ndâ me kɨ eye awɨ̧. Bɨà ngɨ̀à èntɨ̧ɨ̧ am e bɔ̀, e mè me wu̧u̧ nkùꞋ yaã nkàà wɨ̧. Ngule bèshu̧ bɔ̧, mbɨ̀Ꞌɨ̀ àa anè la, bɨ̀ baãaã ànəa Tè Yesò me kweele.

Filìpȩ 4:17

È ntsě wuê èghɨ bu bɨ li ntsaa abua am la ka èntɨ̧ɨ̧ am àa adù̧ la. Àghɨa àa ngɨ̀à èntɨ̧ɨ̧ am e bɔ̀ kwàꞋ ànyaꞋne la wu èghɨ bu bɨ̀a ngɨ̀à, àa ghɨ̌ Mbɔ̧ɔ̧mà naa kwèꞋne àbȩ̀ a yɨ̧ la.

1 Tèsàlonikà 2:11

Bɨ ko nê, ba li ngua mbà̧aã waa waa ane yɨ̧ wuê mbɨ̀Ꞌɨ̀ tǎt nàa mbà̧aã bɔ̧ bi la.

1 Tèsàlonikà 2:8

Ba li ngua nkɔ̀ŋkà àwɨ̧ nyaŋ tè bà ka wua nkɨ etsɔ̀tè wuê ndàꞋ Ntu̧ Ntsɔ̧̀ yu è dzəè abua Mbɔ̧ɔ̧mà la abua yɨ̧. Ba li ŋà àwa nènkèm abua yɨ̧, nkàà nê bɨ li ndâ ngu a mèntɨ̧ɨ̧ ma.