2 Kɔlìn 12:11 - Mundani

¹¹ Maà ndàꞋà mbɨ̀Ꞌɨ̀ àkèghɨ̧̀, ka am ale è ghɨ̀à bɨ̀a. Wu bɨ̀a ka bɨ wuê me shu bòt wòt è ngu wùà la. Mâ batè è nka wu àghɨa ko, ka bòt bɨ̧ bu bɔ li ngua ŋèꞋa wɔb a ègwet shua nê awɔb tsàà Mbɔ̧ɔ̧mà la e li bɔ̀ ka tsè am ane àghɨa ko.

2 Kɔlìn 12:11 ပူးပေါင်းရင်းမြစ်များ

Lûk 17:10

Eyaa ndɨ àa ane yɨ̧ la mɨ̧̂. Bɨ paatè àghɨa bɔ shu nê bɨ̀ ghɨa la, bɨ bɔ̂ ndɨ bɨ̀a shu nê, ‘Ba bê ngu wuê bɔfàꞋ. Ba ghɨ wuê àghɨa ba wu ghɨ̀ la.’ ”

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

1 Kɔlìn 3:22

Kò wu Pɔ̂l, kò wu Àpolòs, kò wu Pità, kò wu ngɔ̀ŋ yaa, kò à wu yû̧, kò à pfə leꞋ, kò wu èghɨ è wu àfɨ̀Ꞌ yaa la, kò èbe nga kɨꞋɨ la leꞋ, ko ègème wu èbɨ̧,

2 Kɔlìn 1:6

Ba me ye ngoꞋ ko naa me zì mèntɨ̧ɨ̧ mɨ̧, mèntsèke mɨ̧ nè Mbɔ̧ɔ̧mà mè ngu ntsɔ̧̀. Bɔ mè ndzìà mèntɨ̧ɨ̧ ma ko aa wu nê bɔ zi mɨ̧ mɨ̧̂, mbɨ̀Ꞌɨ̀ aa tɨŋe awɨ̧ bɨa kuule mèntɨ̧ɨ̧ ekìi ngoꞋtsə mbɨ̀Ꞌɨ̀ bàa nkìa la.

2 Kɔlìn 11:1

Mâ shu̧u̧te awɨ̧ nê bɨ̀ nyaꞋa njùte èngǎ̧ am, ka e màà ndzì àdziꞋa àkèghɨ̧̀ adù̧. Bɨ̀ kuule mèntɨ̧ɨ̧ mɨ̧ njùte!

2 Kɔlìn 11:5

Bɨa ŋèꞋa bòt bɨ̧ bu a ègwet shua nê bɔ ghe ka bɔ̀ ka tse am ane àghɨa ko.

2 Kɔlìn 12:12

E ndi ngua mbɔ̀ɔ̀la am faꞋa a kètsìà wɨ̧, Mbɔ̧ɔ̧mà mè nɨ èlȩê, nè mènəè ngɨŋa, nè tèwuute ènəê kà ye fɨ̀Ꞌ, nɨŋ nyɨ̀Ꞌte nê e ndâ ngu wantu̧ vi.

2 Kɔlìn 12:6

E me kɨ me ghàꞋtè am ko e ntsea ngɨ̀à mbɨ̀Ꞌɨ̀ àkèghɨ̧̀ nkàà nê e nga me làꞋà wuê ànəa è wu nkûŋ la. Ka è nka wuê me ghàꞋtè am mbɨ̀Ꞌɨ̀ bòt e me kuke am tè ntsè àghɨa è ngu yùà la, nè àyea bɔ̀ɔ ndzəa e ndàꞋà la.

2 Kɔlìn 3:1

Tè aa a si anè ngu nê, ba mè ngua shua wɨ̧ àghɨa bà wu yùà la à? Ba bakà bɔ ndɨ bàa me shɨ mèkatè mbɨ̀Ꞌɨ̀ bòt ko, kò nkɨà me è dzə abua yɨ̧ la nàa me shu àghɨa bà wu yùà la.

2 Kɔlìn 5:13

Ba wu anè ntsìꞋi bòt àtsəa bɨɨ ko ba wu nkɨà nê bòt eŋa mèngùꞋte abua Mbɔ̧ɔ̧mà, mbə è wu nê mèmɨ̀ɨ̀te ma bele ntsɔ̧̀, ko ba kɨ etɨŋe awɨ̧.

Gàlashìà 6:3

Wòt me mɨ̀ɨ̀te nê ye wu àghɨa ko, kà lem ngu àghɨ, tà wua fɨ̀ta avi zìambɔŋ.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.