2 Kɔlìn 12:1 - Mundani

¹ Maa me ghàꞋtè wu am. Àbȩ̀ àko wòt nàa jɨ la a batè ntsě adù̧, kà e mbɔ̂ ngu me ghàꞋtè wuê ghàꞋte shua ànəa ètsə Yesò Klistò è nyɨꞋte am la, nè èghɨ tà li ngàꞋte àghɨ am e ndze la.

2 Kɔlìn 12:1 ပူးပေါင်းရင်းမြစ်များ

Jɔ̌n 16:7

E ngua shua wɨ̧ nkûŋ nê, è ngà, ko naa wu ànəa ntsɔ̧̀ abua yɨ̧, nkàà nê e mbakà ghà, wòt wu tàa tɨŋe awɨ̧ la ka kɨꞋɨ, ka e ngà ko maa tsǎ atò abua yɨ̧.

Jɔ̌n 18:14

Eyaa wu Kefàs wu tà li shu abua bɔɔjuŋ Bèjuê nê, a bɔ̂ŋ nê wòt wemɔ̀Ꞌ pfə bòt è pem la.

ÀfaꞋa 18:9

È wu ètsəꞋ ane àli ako, Pɔ̂l ye àtsə, Mbɔ̧ɔ̧mà shu abua tò nê, “Ko mbɨ̀Ꞌɨ̀ à bɔ̀â, me làꞋa èngà̧ wu ngà wuê nè mbì. Ko mbɨ̀Ꞌɨ̀ à tsèke kà tsi ndàꞋ,

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

1 Kɔlìn 10:23

Bòt aa shua nê “Mbɨ̧ kǒ nàa kele awa a màngɨa àghɨ la ntsě.” Ale, è ntsě àghɨ àgème àa ntɨ̀ŋa wòt la. Mbɨ̧ kǒ nàa kele awa a màngɨa àghɨ la ntsě, mbɔ̂ è kà wu àghɨ àgème àa ntɨ̀ŋa bòt la.

1 Kɔlìn 14:6

Bɔnyɨ bɔ̧, e nkɨ̀Ꞌa abua yɨ̧ me làꞋa ndɨ̧tsə tsa tsa, ko màa tɨŋe awɨ̧ ane ghà à? BetsiꞋa è nka tɨŋe awɨ̧ kà wu nê mâ nɨ ànəa Mbɔ̧ɔ̧mà nyɨꞋte abua am la e kɨꞋɨ shu awɨ̧, ko ghaꞋte èghɨ mâ ko la e shu bòt leꞋ, kò ndaꞋa ane àtɔŋ Mbɔ̧ɔ̧mà leꞋ, kò nyɨ̀Ꞌta wɨ̧ mènəè leꞋ.

1 Kɔlìn 6:12

“Mbɨ̧ ko nàa kele am a màngɨa ghɨ la è ntsě.” A batè ngu ale ka è kà wuê àghɨ ègème àa ntɨ̀ŋa wòt la. “Mbɨ̧ ko nàa kele am a màngɨa àghɨ la è ntsě”, ka è nka wu bɨ̧ɨ̧ne àbùꞋ abua àghɨa ko.

2 Kɔlìn 12:11

Maà ndàꞋà mbɨ̀Ꞌɨ̀ àkèghɨ̧̀, ka am ale è ghɨ̀à bɨ̀a. Wu bɨ̀a ka bɨ wuê me shu bòt wòt è ngu wùà la. Mâ batè è nka wu àghɨa ko, ka bòt bɨ̧ bu bɔ li ngua ŋèꞋa wɔb a ègwet shua nê awɔb tsàà Mbɔ̧ɔ̧mà la e li bɔ̀ ka tsè am ane àghɨa ko.

2 Kɔlìn 12:5

Maa me ghàꞋtè am ane ànəa wòt waa, ka betsiꞋa è nka ghaꞋte am ane àghɨa ko tsa ane yaã mmɔ̌ mbɔŋ, kà wu ane èghɨ bu àa nyɨ̀Ꞌta nê e mbakà bɔ mètàŋ la.

2 Kɔlìn 12:7

Mbɔ̧ɔ̧mà li tà kà wua nkɨà maa me ŋeꞋe tèkwȩ taã ane èghɨ bu e ghe tà ghaꞋte àghɨ am e ndze la. Ale, Mbɔ̧ɔ̧mà zì àghɨa ko ane yaã aa ghɔɔ am, ekele am mbɨ̀Ꞌɨ̀ e me ŋeꞋe tèkwȩ taã a ègwet nyaŋ. Àghɨ yaa a li ngu mbɨ̀Ꞌɨ̀ wantu̧ Satàn.

2 Kɔlìn 12:9

Ka tà shu abua am nê, “Maa tɨŋe awê. Ntsɔ̧̀ am è kùꞋù abua yê ngu nê bɔɔ mpàa ndzea mètàŋ mɔ̧ ane èghɨ bu àa nyɨ̀Ꞌta nê à bakà bɔ mètàŋ la.” Ale, maa me ghàꞋtè am ane èghɨ bu àa nyɨ̀Ꞌta nê e mbakà bɔ mètàŋ la nè mèngùꞋte mbɨ̀Ꞌɨ̀ mètàŋ Yesò Klistò naa wu adù̧ yaã.

2 Kɔlìn 8:10

Maà nkɨà bɨa ko ànəa màa nkwàꞋtà ane ànəa màfeta èkab wàa la. A bɔ̂ŋ nê bɨ̀ paa àghɨa bɨ li mbùꞋ èŋubȩ̂ la. Bɨ li ngu bòt mbì bɔ̀ɔ nkɨ eŋa la, mè ngu bòt mbì a màŋa.

Gàlashìà 1:12

E ndi e ka nɨ èngǎ̧ mbɔŋ abua wɔ̀bȩ̂, è ka mèe ngu wɔ̀bȩ̂ ka tà nyɨꞋte am la. Yesò Klistò zìambɔŋ ka tà li ngàꞋte èngǎ̧ mbɔŋ nyɨ̀Ꞌte am la.

Gàlashìà 2:2

Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

Efesɔ̀s 3:3

Mbɔ̧ɔ̧mà zìambɔŋ li shu am ànəa ndò̧ àzi yu a li à kà tuꞋa àbȩ bòt aa ko la. Mâ nyaꞋà shɨ adzìꞋ ane ànəa mbɔŋ abua yɨ̧.

1 Tèsàlonikà 4:15

Ba wua shua wɨ̧ mbɨ̀Ꞌɨ̀ Lefɨ̀Ꞌ li nyɨ̀Ꞌte awa la nê, naa li ngu ane àli yu tàa kɨꞋɨ la, bàa wu bà bele ka pfəèꞋte la, è ka tse a mbì bòt bu bɔ pfəꞋte la.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.