2 Kɔlìn 11:9 - Mundani

⁹ E ndi nguê màa ngɨ̀ è me kɨ̀ŋke àghɨ, è nka lɨŋkè wòt kǒ ane yɨ̧ nkàà nê, bɔnyɨ ba bu bɔ dzə a Màsèdonìà la e li ngua ŋǎ èghɨ màa nkɨ̀ŋkà la. Maa me ghɨ̀ wuê a èlɨ̀ waa ngà nè mbì. E nka me lɨ̀ŋke wòt kǒ ane yɨ̧ a ebàꞋa àghɨa ko a.

2 Kɔlìn 11:9 ပူးပေါင်းရင်းမြစ်များ

ÀfaꞋa 18:3

ngà ntsèke me fàꞋà bɔ̂ tò ba, ndɨ̀ wu tà lè wu wòt tàa nɨa gubtenyà̧ ngɨ̀à bayò mbɨ̀Ꞌɨ̀ bòt ngaa la.

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

ÀfaꞋa 20:33

E mbakà ghòꞋnè àghɨa wòt, ka wuê silbà, kò goêl, kò ndǐ wòt leꞋ.

Lûm 15:26

Bòt Mbɔ̧ɔ̧mà bu a Màsèdonìà la, nè è bu a Akayà la e li ŋa èghɨ abua bòt ntseb bu ayɔɔ bòt Mbɔ̧ɔ̧mà bu a Jèlusalèm la nè mèngùꞋte.

1 Kɔlìn 16:17

A taꞋa bɔ̌ am nê, Stefanàs bɔ̂ Fɔ̀tùnatùs nè Àkekùs e kɨꞋɨ̀ nkàà nê bɔ nɨ àdziꞋa yɨ̧ ndɨ̀ wu bɨ ntsě a si la.

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

2 Kɔlìn 9:12

Bɨ ŋa èghɨ bàa bɨ kɨ eŋa la ko aa tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la. Àyea mbɔŋ a wuê ghɨ̌ bòt aa mě taꞋa ekɔ̀ŋke a Mbɔ̧ɔ̧mà.

Filìpȩ 2:25

Mâ kwaꞋtè nê, a wu ntsɔ̧̀ nê, è mvəèəè wanyɨ wa Èpaflɔ̀ditùs tà kɨꞋɨ ndzè àwɨ̧ mɨ̧̂. Ba tò aa fàꞋà nɔ̂ mè me fɔta nùà ànəa Yesò nɔ̂. Wu tòà wu bɨ li ntsà nê, tà kɨꞋɨ me tɨŋe am la.

1 Tèsàlonikà 2:6

Ba li bà ka wua nyɔ̀Ꞌtà nkɨà bòt aa me kukte awa ka wuê bɨ̀a kò bòt ko tsa leꞋ, è wu àghɨa bàa mbɨ̀Ꞌɨ̀ bɔntu̧ Yesò Klistò e wu ko e ghɨ̀ la.

1 Tèsàlonikà 2:9

Bɔnyɨ ba, ba ko nkûŋ nê bɨ bakà leenè ndɨ ba li ndâ ngua fàꞋà mbɔ̌ tèbəꞋtsə la. Ba li ngua fàꞋà ètsəꞋ bɔ̂ nèngû̧ mbɨ̀Ꞌɨ̀ bà me tsɔ̀te Ntu̧ Ntsɔ̧̀ yu è dzəè abua Mbɔ̧ɔ̧mà la, bà ka ŋa ngoꞋ abua wòt kǒ ane yɨ̧.

Ebùlù 11:37

Bɔ li ntèmte awɔb ane àti, saãaã awɔb èbâ bebe, mè nɨ nyi mbùŋè àwɔb. Bɔ li ngua ngèèba wuê nè ngubte njɨ̀tsə bɔ̂ ngubte dzətsə a mbɨ̧̀ tɔb, ntsèka kà bê ndzè àyɔb, bòt e kɨa àtsəa yɔb enɨ mè ngɨ̧̀ɨ̧̀nà àwɔb.