2 Kɔlìn 11:6 - Mundani

⁶ È màà ngu wuê nê maa kà ko ndàꞋ, ko àghɨa ko bɔ ko tê ntsè am la a ntsě. Mâ ghɨ̂ bɨ ko àyaa a ngo̧ a ngò̧ ane àghɨ àgème mâ ghɨ̀ la.

2 Kɔlìn 11:6 ပူးပေါင်းရင်းမြစ်များ

1 Kɔlìn 1:17

Yesò Klistò li tà kà wua ntsàà am nê è me zǐ bòt a èdzî, tà li ngua ntsàà am nê è nkɨꞋɨ me tsɔ̀te Ntu̧ Ntsɔ̧̀. È nka me làꞋa ane ndɨ bòt àa nɨa èyě bɔbȩ ndàꞋà la à, mbɨ̀Ꞌɨ̀ ka bɔ̀ ka tsi ndzè mètàŋ mu ane èvə Yesò Klistò a mbɨ̧̀ mbasa la.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Kɔlìn 12:8

Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

1 Kɔlìn 2:13

Ale, bà ka wua ndàꞋà ane èyǐ bòt ngɔ̀ŋ. Baa ndàꞋà mbɨ̀Ꞌɨ̀ Fo Kèfə nàa nyɨ̀Ꞌta wa la, ndzààtà mènəè Fo Kèfə ndàꞋà abua bòt bu bɔ bɔ Fo mbɔŋ la.

2 Kɔlìn 10:10

Bɔɔ shua nê, màa ngɨ̀ è me shɨ letà am, e me tsoote a èbèm mè ngɨ̀ a bɔ nkȩ, ka è ngu ba nɨ̧̀ ba e me yu, mèngǎ̧ mɔ̧ ka wua nkwèèla.

2 Kɔlìn 12:12

E ndi ngua mbɔ̀ɔ̀la am faꞋa a kètsìà wɨ̧, Mbɔ̧ɔ̧mà mè nɨ èlȩê, nè mènəè ngɨŋa, nè tèwuute ènəê kà ye fɨ̀Ꞌ, nɨŋ nyɨ̀Ꞌte nê e ndâ ngu wantu̧ vi.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

2 Kɔlìn 5:11

Ba ko àghɨa màmbɔ kèbɔɔ Mbɔ̧ɔ̧mà wu yùà la, ale baa ŋwète bòt nê bɔ̀ zì mèntɨ̧ɨ̧ mɔb ane Yesò Klistò. Mbɔ̧ɔ̧mà ko àghɨa bà wu yùà la, e mè me mɨ̀ɨ̀te nê bɨ̀a mbɔŋ e ko bòt bà wu bùà la mɨ̧̂.

2 Kɔlìn 6:6

Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

2 Kɔlìn 7:2

Bɨ̀ ghaꞋa mèntɨ̧ɨ̧ mɨ̧ nɨ̀ awa. Wòt kǒ ba fâ̧ ànəê abua tò la ntsè, ba ka tsokè wòt, bà kà me fìble wòt.

Efesɔ̀s 3:4

Bɨ tɔ àghɨa mâ shɨ la ko bɨa ye ndɨ mâ ko ànəa ndò̧ a Mbɔ̧ɔ̧mà yaa ane Yesò Klistò la.