2 Kɔlìn 11:23 - Mundani

²³ Bɔ me shu nê bɔ wu bɔfàꞋ Yesò Klistò, ko maa tsiꞋi làꞋà mbɨ̀Ꞌɨ̀ wòt àbààla nê e ngu wɔ̀fàꞋ Yesò tè ntsè àwɔb. Mâ faꞋa àfàꞋa nyaŋ tè ntsè àwɔb, bɔ zì am a tèfȩ ngò̧tsə nyaŋ tè ntsè àwɔb, shu̧u̧ am tè ntsè àwɔb, èvə e mè nəꞋə a tèdzi taã ngò̧ nyaŋ.

2 Kɔlìn 11:23 ပူးပေါင်းရင်းမြစ်များ

ÀfaꞋa 14:19

Bèjuê ko e li ndɔ̀Ꞌ a Antìɔ̀k wu a Pìsidìà la, nè Èkonìòm nkɨ̀Ꞌɨ̂ ntsòkè àtsəa bòt bu, bɔ temte a Pɔ̂l ane àti, səŋne atò nɨŋ ndzə àpfəèà nɨ̧ yu ntanda nê tà pfə tê ndɔ̀Ꞌ.

ÀfaꞋa 20:23

Mâ ko wuê nê, Fo Kèfə nàà shu am a èbem àpfəèà nɨ̧ àgème mâ tsè la nê è nko na lob tèfȩ nè ngoꞋtsə tèa nchɨ̀Ꞌà am la.

ÀfaꞋa 21:11

Tà kɨꞋɨ tà kwene ane ya, tà nɨ nkànda Pɔ̂l, nkùùle èbu bi bɔ̂ èka bi, mbɔ̂ nê, “Fo Kèfə laꞋnê, Bèjuê bu a Jèlusalèm la aà nga ekuule wòt wu tà bɔ nkànda yaa la, ebɔ ŋa atò abua bòt kà wu Bèjuê.”

ÀfaꞋa 25:14

Bɔ̀ tseke abàꞋ və ane èli ko, Festɔ̀s è tsɔ̀Ꞌte ànəa Pɔ̂l èshu abua fɔ̧̀ wu nê, “Wòt kǒ naa a si ŋàa Felìk li me dzəâ atɨ̧ ale tà wu a tèfȩ la.

ÀfaꞋa 27:1

È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.

ÀfaꞋa 28:16

Mbɨ̀Ꞌɨ̀ ba nyi a Luêm la, bɔ sa a Pɔ̂l nê, tà me tseke zìa zìa, mbɔ̂ ntsìꞋi eŋa wuê shujà wemɔ̀Ꞌ nê tà me ghȩ̀ȩ̀na mbààbe atò.

ÀfaꞋa 28:30

Pɔ̂l li ngɨ̀ ale me tseke wuê a èbem lob tà lè wua ntsèka ŋǎ èkab adù̧ la tè ngà ngu ane èngùꞋ yebe, sèè bòt bàgème bɔ li nkɨ̀Ꞌɨ̂ e ye atò la.

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

Lûm 8:36

A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Baa nùka èvə àli àgème ambo yè, bɔ nɨa awa wuê mbɨ̀Ꞌɨ̀ njɨ̀te bɔ̀ɔ bùŋè la.”

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

1 Kɔlìn 3:5

Àpolòs nàa nè ngu wàà? Pɔ̂l mè ngu wàà? Ba wu wuê bɔfàꞋ Mbɔ̧ɔ̧mà tà li ntsè ane ya ngɨ̀ bɨ zì mèntɨ̧ɨ̧ mɨ̧ ane Yesò Klistò la. Waa waa ane ya nàà ngɨ̀à wuê àfaꞋa Mbɔ̧ɔ̧mà ŋa nê tà ghɨa la.

1 Kɔlìn 4:1

Bɨ̀ me nɨ awa mbɨ̀Ꞌɨ̀ bòt Yesò Klistò zì mènəè mi mu è li ngu mènəè ndò̧ la a tèkitebu tɔb nê bɔ̀ me nyɨꞋte la.

1 Kɔlìn 4:11

E kɨꞋɨ dzəâ àfɨ̀Ꞌ yaa bàa ntsèka kà jɨ àghɨ àtɔŋ ya a mè me yu̧; Baa kwaãaã wuê è ntɔ̀Ꞌte ndǐ; bòt e lene awa, baa me ghaãaã ntsèka ntsèà tsě,

1 Kɔlìn 4:9

Mâ mɨɨtè nê Mbɔ̧ɔ̧mà ŋa wa bàa bɔntu̧ tò kwàꞋ àdziꞋa a lìa akwèn la, mbɨ̀Ꞌɨ̀ bòt bɔ̀ tsiꞋa nga bùŋè àwɔb a kètsìà bòt la. A tsiꞋi mbɨ̀Ꞌɨ̀ ba wu a mbì ngɔ̀ŋ nè bɔntu̧ Mbɔ̧ɔ̧mà bɔ̂ bɔbȩ bɔ ye awa.

2 Kɔlìn 10:7

Bɨ̀ lɨ̀ŋkè èghɨ àa a mbì lɨ̧ la. Wòt me ye avi zìambɔŋ mɨ̀ɨ̀tà nê ye wu wòt Yesò Klistò, ta mè nkwàꞋtè, ko taa ye nê bàambɔŋ ba wu bòt Yesò Klistò mɨ̧̂ mbɨ̀Ꞌɨ̀ tòà.

2 Kɔlìn 11:5

Bɨa ŋèꞋa bòt bɨ̧ bu a ègwet shua nê bɔ ghe ka bɔ̀ ka tse am ane àghɨa ko.

2 Kɔlìn 3:6

Tà ghɨ̀ àwa ba kùꞋù èbe bàa me làꞋà ànəa mènkàꞋa kèkweelè fi tò la. Ànəa mènkàꞋa mbɔŋ ntsě a màndzəa mènəè mbɨ̧ bɔ shɨ a si la, wu màndzəa mènəè Fo Mbɔ̧ɔ̧mà nàa shua la. Mènəè mbɨ̧ bɔ shɨ a si la nàà ngɨ̀à bòt e pfəꞋtà, ka mènəè Fo Mbɔ̧ɔ̧mà me ŋa mèmpème.

2 Kɔlìn 4:11

Èvə aa ntsèka àfɨ̀Ꞌ àgème nəèꞋa a tèdzi ta mbɨ̀Ꞌɨ̀ bà bela a ngɔ̀ŋ la nkàà ànəa Yesò, mbɨ̀Ꞌɨ̀ bòt aa ye Yesò è faꞋa ane mbɨ̧te ènyit ta bàa bɔbȩ.

2 Kɔlìn 6:9

Aa ane àbâ ko, bòt è ka ko awa, nga ane ayea ko bòt Mbɔ̧ɔ̧mà e ko bòt bà wu bùà la ntsɔ̧̀. Bòt aa ndzea wa nê ba tsiꞋa mpfəa pfə, ka bɨ̀ ye, ba bele bòt yu̧, mè ndzea ngoꞋ ka bà ka pfə.

Gàlashìà 6:17

Enɨ lìa, tsiꞋ è shu awɨ̧ nê, e bùꞋu àfɨ̀Ꞌ yaa me ghà ne mbì, wòt ka tsi ŋǎ am ngoꞋ, nkàà nê mâ bɔŋ èlȩê Yesò a mbɨ̧̀ yaã.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Efesɔ̀s 6:20

Mâ tɨ̧ɨ̧ ane èlen Yesò, mbɔ̂ ngu a tèfȩ nkàà ànəa Ntu̧ Ntsɔ̧̀ yaa. Bɨ̀ tsàꞋta Mbɔ̧ɔ̧mà nê tà tsì kèbɔɔ ane yaã mbɨ̀Ꞌɨ̀ maa tsɔ̀te Ntu̧ Ntsɔ̧̀ yaa ane ndɨ mâ bɔ ndɨ màa tsɔ̀tè la.

Filìpȩ 1:13

Àghɨa a ghɨ̀ la wu nê, mbɨ̀Ꞌɨ̀ è ngu a tèfȩ a èbem ntɔꞋ anè la, a ghɨ̂ bèshujà bu mbààba ntɔꞋ mbɔŋ la, nè wòt ègème a si ŋàa e ko nê bɔ kȩ̀ am nkàà ànəa Yesò Klistò.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

1 Tèsàlonikà 3:2

bà tsàa wanyɨ wa Tɔ̀màtià, wɔ̀fàꞋ Mbɔ̧ɔ̧mà abua yɨ̧. Ba tò ba aà fàꞋà nɔ̂, a màntsɔta Ntu̧ Ntsɔ̧̀ Yesò Klistò. Ba li ntsà atò nê tà kɨꞋɨ ndɔ̀ktè mèntɨ̧ɨ̧ mɨ̧, ngɨ̀ bɨ̀ me kweele ane èntɨ̧ɨ̧ wɨ̧ wu bɨ zi ane Yesò Klistò la.

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.

2 Tɔ̀màtià 1:16

È wua Ònesìfolùs, ko maà ntsàꞋtà nê Mbɔ̧ɔ̧mà ku tèsȩte bòt tò. Tà taꞋa wua nkɨ̀Ꞌâ ndàꞋà nè nà̧. Mâ batè ngu a tèfȩ ale, ka tà kà wua mbɔ̌ àtsəa kɔꞋɔ nkàà am.

2 Tɔ̀màtià 1:8

Ale, à ka mbɔ̀ àtsə kɔꞋɔ e làꞋa ànəê à ko ane Lefɨ̀Ꞌ wa la. À ka mè ngɨ̀ ngaa mbɨ̀Ꞌɨ̀ à bakà ko am è ngu wòt tèfȩ nkàà ànəa Yesò la. Ka nɨ mètàŋ mu Mbɔ̧ɔ̧mà è ŋa abua yê la, ndzě ye nè ngoꞋ nkàà Ntu̧ Ntsɔ̧̀ Yesò, mbɨ̀Ꞌɨ̀ mmɔ̌.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

2 Tɔ̀màtià 3:11

À ko ndɨ bɔ li ngua nkɨà àtsə am enɨ ane ànəa Yesò la, nè ngoꞋ e ndi ndzě a Antìɔ̀k, nè Ikoniòm, bɔ̂ Lislà la. Bɔ li ntaꞋa nyɔ̀Ꞌte a mànɨa àtsəa am, ka Tǎt wa ghɨ̀ e mpeme èvə ane mènəè ngaa ègème.

Fȩlemùn 1:9

ka e ngu anè ntsìꞋa shù̧ù̧te awê shù̧ù̧te nè èkɔŋ. Mmɔ̌ Pɔ̂l, maà ngɨ̀à àyaa anè mbɨ̀Ꞌɨ̀ wòt tà tɨ̧ɨ̧ ane èlen Yesò mbɔ̂ ngu àfɨ̀Ꞌ yaa fȩ ane ànəa tò la.

Ebùlù 10:34

Bɨ li ndzě ngoꞋ nè bòt bu bɔ zì àwɔb a tèfȩ la, bɔ mè fà èghɨ bɨ̧ ègème, ka àyea ngaa à ka ye awɨ̧, bɨ me wùꞋtè wuê awɨ̧ nkàà nê, bɨ li nko nê bɨ bela mbɔ̌ ngule èghɨ ntsɔ̧̀ bu Mbɔ̧ɔ̧mà li nkàꞋ la, è wù èghɨ àa tèꞋa ane àlia nè àlia la.