2 Kɔlìn 11:10 - Mundani

¹⁰ Mbɨ̀Ꞌɨ̀ mènəè nkûŋ màa ane ànəa Yesò Klistò bele a èntɨ̧ɨ̧ am nkwèèla la, wòt kǒ tàa kele am nê è nka tsi ngàꞋtè am nê maa kà nɨ àghɨ abua yɨ̧ la ntsě. Wòt mbê ntsě ka wuê àbâ èlaꞋ Akayà àgème.

2 Kɔlìn 11:10 ပူးပေါင်းရင်းမြစ်များ

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 18:27

Àpolòs tsèkê tè nê yea ghǎ Akayà, ale bɔnyɨ ba bu a Efesɔ̀s la e tɨŋe atò, è shɨ àkatè ntsaa abua bòt bu a Glɨ̂k və la nê bɔ̀ baãaã atò ntsɔ̧̀. AfɨꞋa tà nyi abàꞋ və la, tà wu taꞋà ètɨŋe abua bòt bu Mbɔ̧ɔ̧mà è kɔ̀ŋkè àwɔb tè ngɨ̀ bɔ tsiꞋi bòt Yesò la.

Lûm 1:9

Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,

Lûm 16:5

Bɨ̀ tsàꞋte bòt chɔsì bu bɔ̀ɔ mbù̧ù̧ta a lob yɔb la mɨ̧̂. Bɨ̀ tsàꞋtè ngule shu̧ yaã Èpanetùs. Wu wòt mbì tà li ndzì èntɨ̧ɨ̧ vi ane Yesò Klistò àlaꞋ a Esìà la.

Lûm 9:1

Ànəa e shua la wu nkûŋ, ndɨ̀ wu è ntsiꞋi àghɨ yeamɔꞋ nè Yesò Klistò la. È nka laꞋà mèfà̧. Mèmɨ̀ɨ̀te mɔ̧ ane ndɨ Fo Kèfə nàa nyɨ̀Ꞌta la, è shu am nê è nka fɨta fɨte.

1 Kɔlìn 16:15

Bɔnyɨ bɔ̧, bɨ ko nê Stefanàs bɔ̂ bòt lob zi wu bòt mbì a èbem Akayà bɔ li ndzì mèntɨ̧ɨ̧ mɔb ane Yesò, mè ŋà wɔb e me faꞋa ntɨ̀ŋa bòt Mbɔ̧ɔ̧mà la.

2 Kɔlìn 1:1

Letà Pɔ̂l wantu̧ Yesò Klistò, Mbɔ̧ɔ̧mà è ghɨ ane mènkɔ̀ŋke mi la, nè wanyɨ waa Tɔ̀màtià, Abua chɔsì Mbɔ̧ɔ̧mà wu a Kɔlìn la, bɔ̂ bòt Mbɔ̧ɔ̧mà ko bu bàgème a Akayà la.

2 Kɔlìn 1:23

E ndi me tu̧u̧ e kɨꞋɨ a Kɔlìn ale ngua mbɔ̀ɔ̀ mbɨ̀Ꞌɨ̀ mèntɨ̧ɨ̧ mɨ̧ paà me ghò̧ò̧ne. Tè e me làꞋa anè ngua fɨ̀ta fɨte Mbɔ̧ɔ̧mà ghɨ̀ e ndze ngoꞋ.

2 Kɔlìn 10:15

Bà ka ghaꞋte awa te gha ewu àdziꞋa kà wu ayea Mbɔ̧ɔ̧mà ŋa abua ya la. Ka àghɨa ba kɨa la wu nê mèntɨ̧ɨ̧ mɨ̧ mu bɨ zi ane Yesò Klistò la me kweela ngà nè mbì, mbɨ̀Ꞌɨ̀ aa wu nê èlu̧ e ghaꞋà abua ya baa kwèꞋne àfàꞋ àya a kètsìà wɨ̧.

2 Kɔlìn 11:12

Maa me ghɨ̀ àghɨa màa ngɨa àfɨ̀Ꞌ yaa la nɨa ngà nè mbì mbɨ̀Ꞌɨ̀ bòt bu bɔ̀ɔ ngà̧aã shua nê awɔb tsàà Mbɔ̧ɔ̧mà la è ka tsi eye èlu̧ bɔ̀ɔ me ghàꞋte àwɔb shua nê bɔɔ fàꞋà wuê mbɨ̀Ꞌɨ̀ mmɔ̌ la a.

2 Kɔlìn 11:31

Mbɔ̧ɔ̧mà Tǎt Yesò Lefɨ̀Ꞌ ko nê ànəa mâ shu la wu nkûŋ. Bà me wùꞋte atò ane àlia nè àlia.

2 Kɔlìn 12:19

Tè bɨa ntsèka mɨ̀ɨ̀tà nê ba wua tàŋà ànəa ya a mbì lɨ̧? ChaꞋ a ntsě ale. Bɔnyɨ ba, ba làꞋà anè a mbì Mbɔ̧ɔ̧mà mbɨ̀Ꞌɨ̀ bòt Yesò Klistò, nê àghɨ àgème ba ghɨa la ba wua nkɨ nɨ etɨŋe awɨ̧.

2 Kɔlìn 9:2

Mâ ko nê bɨ yaŋe wua nkɨ eŋa, tè e me ghàꞋtà am ane ànəa yɨ̧ abua bòt Màsèdonìà. E ndi shu abua yɔb nê, “Bɔnyɨ ba bòt Mbɔ̧ɔ̧mà a Akayà e li ndzaŋe taŋke a màŋa tè èŋubȩ̂.” Èntɨ̧ɨ̧ waa bɨ bɔ a màŋa la e lɔ̀ktè mèntɨ̧ɨ̧ bòt nyaŋ ane yɔb.

Gàlashìà 1:20

Ane nkûŋ, a mbì Mbɔ̧ɔ̧mà, ànəê yaa e shɨa abua yɨ̧ la, ntsě àfɨte.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

1 Tèsàlonikà 2:10

Bɨ ye mè nkoê, Mbɔ̧ɔ̧mà mè nkoê nê, mènəè ma a kètsìà wɨ̧ bɨ̀a bòt Yesò li ngua mbɔ̀. Ba li mbê ngua ngɨ̀à mbɨ̀Ꞌɨ̀ ba wuê ghɨ̀ la. Àghɨa ko wòt nàa fèèlè awa adù̧ la à ka wuê.

1 Tèsàlonikà 2:5

Bɨ ko ntsɔ̧̀ Mbɔ̧ɔ̧mà mè nko mɨ̧̂ nê ba li bà ka làꞋà abua yɨ̧ ne ètsəê nendɨ̧, bà ka làꞋà èngà̧ àfible mbɨ̀Ꞌɨ̀ enɨ àghɨa ko abua wòt.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.