2 Kɔlìn 10:18 - Mundani

¹⁸ Wòt me shu zìambɔŋ nê ye wu àghɨa ko, ko tà ntsě àghɨ. Wu wòt Mbɔ̧ɔ̧mà shu nê tà wu àghɨ la, ka tà lâ ngu àghɨ la.

2 Kɔlìn 10:18 ပူးပေါင်းရင်းမြစ်များ

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Jɔ̌n 12:43

Bɔ me ghɨ ale ngu ndɨ bɔ̀ɔ nkɨà mèngùꞋte è dzə abua wɔ̀bȩ̂ la tè ntsè è me è dzə abua Mbɔ̧ɔ̧mà la.

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

Lûm 14:18

Wòt tàa fàꞋà abua Yesò Klistò a èlɨ̀ waa la, wu wòt èntɨ̧ɨ̧ Mbɔ̧ɔ̧mà àa mbɔ̀ ane tò la, bɔbȩ e mè ngu me làꞋa a ntsɔ̧̀ adù̧ tò.

Lûm 16:10

Bɨ̀ tsàꞋte Apelès wu tà lâ nyɨ̀Ꞌte nê yeà ndzəèa Yesò Klistò la. Bɨ̀ tsàꞋte bòt lob Alistobulùs.

Lûm 2:29

Wòt tà wu ngule wòt Juê la wu wu tàa ale ane èntɨ̧ɨ̧ vi la. E lâ naŋe wòt mbɨ̀Ꞌɨ̀ tàa tsiꞋi wòt Mbɔ̧ɔ̧mà, mě ngu ànəa èntɨ̧ɨ̧. Wu Fo Mbɔ̧ɔ̧mà ka tàa nàŋa wòt a èlɨ̀ waa la, è ntsě a màngɨa mbɨ̀Ꞌɨ̀ mbɨ̧ nàa shua la. Wɔ̀bȩ̂ màà mbakà wuꞋte èwuu wòt waa, ko Mbɔ̧ɔ̧mà naa wùꞋtè atò.

1 Kɔlìn 11:19

Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

2 Kɔlìn 10:12

BetsiꞋa bà ka me kɨ efɨ̀Ꞌnè àwa nè bòt bu ayɔɔ yɨ̧ bɔ̀ɔ shua nê bɔ ghe la. Bɔɔ̀ fɨ̀Ꞌnà wɔb nè bɔnyɨ bɔb nkɨ eye bòt bɔ tsè beko la. Àyaa a wua nyɨ̀Ꞌta nê bɔ bakà bɔ èyì.

2 Kɔlìn 13:7

Baa shù̧ù̧ta Mbɔ̧ɔ̧mà nê tà ghɨa bɨ̀ ka tsi ngɨ a kàbɔ̀ŋ. Ba shua àyaa nkàà nê ba ntsea nkɨà bɔɔ ko nê Mbɔ̧ɔ̧mà ka tà tsàà wa la. È màà ngu wuê nê bɨa kà ye awa mbɨ̀Ꞌɨ̀ bòt Mbɔ̧ɔ̧mà tsàà la, ko àghɨa ba kɨa la wu nê bɨ̀ me ghɨ̀ mènəè è kùꞋù la.

2 Kɔlìn 3:1

Tè aa a si anè ngu nê, ba mè ngua shua wɨ̧ àghɨa bà wu yùà la à? Ba bakà bɔ ndɨ bàa me shɨ mèkatè mbɨ̀Ꞌɨ̀ bòt ko, kò nkɨà me è dzə abua yɨ̧ la nàa me shu àghɨa bà wu yùà la.

2 Kɔlìn 5:12

Ba ntsea mè shua wɨ̧ bòt bà wu bùà la, ka ba wua ŋǎ awɨ̧ èlu̧ bɨ̀a me ghàꞋtè àwɨ̧ ambo ya la. Ba ghɨ̀ anè mbɨ̀Ꞌɨ̀ bɨa ko ànəa bɨ̀a shu abua bòt bu bɔ̀ɔ ŋèꞋa tèkwȩ tɔb ane èghɨ nàbȩ̂ kà wu a èbem èntɨ̧ɨ̧ la.

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

2 Tɔ̀màtià 2:15

È wu awê, à nyɔ̀Ꞌtè fàꞋà ndɨ Mbɔ̧ɔ̧mà nàa bɨ̧ɨ̧ne la. FàꞋà mbɨ̀Ꞌɨ̀ wɔ̀fàꞋ kà wu li elɔ̀Ꞌɔ ebɔ àtsəa kɔꞋɔ ane àfàꞋ àzi, mè fàꞋà mbɨ̀Ꞌɨ̀ wòt tàa nèètà nyɨ̀Ꞌta bòt èngǎ̧ nkûŋ wu e dzəâ abua Mbɔ̧ɔ̧mà la.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.