2 Kɔlìn 1:22 - Mundani

²² Tà zǐ àlȩê a zi ane ya, enɨ nyɨꞋte nê ba wu bòt bi, mè ndzì Fo Kèfə a mèntɨ̧ɨ̧ ma enɨ nyɨꞋte nê baa li ebɔ èghɨ tà nɔ̀ŋe abua ya la.

2 Kɔlìn 1:22 ပူးပေါင်းရင်းမြစ်များ

Jɔ̌n 3:33

Wòt tà bɨ̧ɨ̧ne èngǎ̧ tò la, nɨ àyea mbɔŋ nɨŋ nyɨ̀Ꞌte nê ànəa Mbɔ̧ɔ̧mà shu la wu nkûŋ.

Jɔ̌n 6:27

Bɨ̀ ka ŋà àtsəa yɨ̧ ane èghɨjɨ àa lɔ̀Ꞌɔ elìa la. Ka bɨ̀ ŋa wuê ane èghɨjɨ bu àa ŋǎ mèmpème kàlìà la. Eyaa wu èghɨjɨ bu Waã Wòt nàa ŋa abua yɨ̧ la, nkàà nê wu tòà Tǎt wa Mbɔ̧ɔ̧mà nyɨꞋtè nê tà wu wòt ye laa nê tà me ghɨ àfàꞋ yaa la.”

Lûm 4:11

Bɔ li ntsiꞋi nàŋe atò àfɨ̀Ꞌ à, mbɨ̀Ꞌɨ̀ àlȩê enɨ nyɨꞋte nê Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà nê tà li ndzì èntɨ̧ɨ̧ vi ane Mbɔ̧ɔ̧mà àfɨꞋa bɔ li bɔ̀ ka ziꞋì nàŋe atò la. A li ngu anè mbɨ̀Ꞌɨ̀ Abàlàghâm naa wu tǎt bòt bu bàgème bɔ zi mèntɨ̧ɨ̧ mɔb ane Mbɔ̧ɔ̧mà kà bɔ zìꞋì nàŋa awɔb, Mbɔ̧ɔ̧mà nɨ awɔb mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 8:23

È ntsě wuê ndàꞋà èghɨ bu tà li ngɨ̀ la ka àa ngèꞋà la, bàa wu Mbɔ̧ɔ̧mà ŋa Fo zi abua ya mbɨ̀Ꞌɨ̀ àghɨa mbì ane èghɨ bu tà nɔ̀ŋe abua bòt bi la, aà ngèꞋà a mèntɨ̧ɨ̧ ma mɨ̧̂. Baà ngɨ̀à ale mbɨ̀Ꞌɨ̀ bàa nchɨ̀Ꞌɨ̀ àfɨ̀Ꞌ yu Mbɔ̧ɔ̧mà nàa ghɨ̌ ba tsiꞋi ngule bɔ̧ tò, elùùla ngoꞋ yu àdziꞋ yaa la, e ghɨ̌ mbɨ̧te ènyit ta tea peme la.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

2 Kɔlìn 5:5

Wu Mbɔ̧ɔ̧mà ka tà taŋkè e ghɨ̀ àwa baa kubte anè la. Tà ŋa awa Fo zi enɨ nyɨꞋte nê baa li ebɔ àghɨ àgème ye kàꞋà wa la.

Efesɔ̀s 4:30

Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.

1 Tèsàlonikà 4:8

È wu ale, wòt tù̧a èngà̧ waa ba nyɨꞋtà la, tà ko nê ye tu̧a Mbɔ̧ɔ̧mà wu tà ŋa Fo Kèfə abua yɨ̧ la, tà kà ntu̧a wɔ̀bȩ̂.

2 Tɔ̀màtià 2:19

Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Ètsə 7:3

nê, “Ka ndzìꞋì ntsòkè sitsǎꞋ, kò *èdzî, kò èyɨt leꞋ, tè bàà ghɨà ndzì èlȩê a mèsi bɔfàꞋ a Mbɔ̧ɔ̧mà.”

Ètsə 9:4

È shu abua yɔb nê, bɔ̀ kà ntsòkè mèfəèꞋ, kò èyɨt, kò àghɨa ko tsa àa ntsəa a sitsǎꞋ la leꞋ. Bɔ li mbɔ ndɨ bɔ̀ɔ zi àlɔꞋ wuê ane bòt bu kà bɔ àlȩê a Mbɔ̧ɔ̧mà a mèsi mɔb la.