2 Kɔlìn 1:20 - Mundani

²⁰ Ale, wu tòà ka tàa ngɨ̀à àghɨ àgème Mbɔ̧ɔ̧mà kàꞋà la a wua wuê mbɨ̀Ꞌɨ̀ tà kàꞋà la. Eyaa wu lə bàa ngɨ̀ bà me ŋa kènuke abua Mbɔ̧ɔ̧mà bà laꞋnê “Àmèn” ba shu ane èlen Yesò Klistò la.

2 Kɔlìn 1:20 ပူးပေါင်းရင်းမြစ်များ

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 3:5

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà mè mbǐ wòt ane mèleb, Fo Mbɔ̧ɔ̧mà naa mě bi atò, tà kà nyi a kèfɔ̧̀ Mbɔ̧ɔ̧mà.

Lûm 11:36

Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

1 Kɔlìn 14:16

À me tsàꞋta Mbɔ̧ɔ̧mà nkɔ̀ŋkà tò wuê ane fo yùà yùà, ko wòt kànəè tà kɨꞋɨ a èbem àbù̧ù̧tà yɨ̧ la nàa ghɨ̀ na te ko shu nê “Àmèn” adù̧ kà lem nko ànəa à shua la à?

2 Kɔlìn 4:15

Ba yea ngoꞋ anè mbɨ̀Ꞌɨ̀ bɨa jɨ àbȩ̀, mbɨ̀Ꞌɨ̀ bòt è me kwèꞋna ndzəa ntsɔ̧̀ Mbɔ̧ɔ̧mà ngà nè mbì, bòt bɔ̀ɔ me ŋǎ mèngùꞋte abua Mbɔ̧ɔ̧mà nɨa ndɔ̀kà èlen tò ntsaa a ègwet la e me yaã.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Gàlashìà 3:22

Ka Àkata Mbɔ̧ɔ̧mà a laꞋnê bòt sitsǎꞋ bàgème e wu mbɨ̀Ꞌɨ̀ èbùꞋ abua mènəè kàbɔ̀ŋ. A wu ale mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Yesò Klistò la aa bɔŋ àghɨa Mbɔ̧ɔ̧mà li nkàꞋ nê bɔ bɨ̧ɨ̧ne a Yesò ko bɔɔ bɔ la.

Efesɔ̀s 1:6

Bà wùꞋte a Mbɔ̧ɔ̧mà ane taꞋà ntsɔ̧̀ tò waa tà tsě ane waã èkɔŋ vi nyɨ̀Ꞌte abua ya àku la.

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

2 Tèsàlonikà 1:10

Taa li nkɨ̀Ꞌɨ̂ ane àlia mbɔŋ bòt Mbɔ̧ɔ̧mà bu è wu èbe tò la bàgème aa lɔ̀kè èlen tò etsàa ègwet, bòt bu bɔ bɨ̧ɨ̧ne ane tò la aa ŋa kènuke abua tò. Bɨ wu ayɔɔ bòt baa nkàà nê bɨ bɨ̧ɨ̧ne ànəa ba li shu awɨ̧ la.

Ebùlù 11:13

Bòt baa bàgème bɔ tɨ̧ɨ̧ tèlen tɔb la e li me pfəꞋte mèntɨ̧ɨ̧ mɔb bele wuê ane Mbɔ̧ɔ̧mà, mbɔ̂ me pfəꞋte ale èghɨ bu Mbɔ̧ɔ̧mà li nkàꞋ la e bele kà ko àfɨꞋa àa li lɔ̀Ꞌɔ̀ ewu la. Ka bɔ li ndzaŋe eye bùà tea a endɨ̌ sèè. Mbɨ̀Ꞌɨ̀ bɔ ye ale la, bɔ bɨ̧ɨ̧nè nê bɔ wu bègɨ̧̀, mè ngu bòt ntsèa tsě a sitsǎꞋ ŋàa la.

Ebùlù 13:8

Yesò Klistò nàà kà kùbtê. Tà bele wuê àghɨa tà li ndɔ̀Ꞌ ngu la àfɨ̀Ꞌ yaa, mè ngu ewu yùà ane àlia nè àlia.

Ebùlù 7:6

Ka mbê waa tà li tà kà wu wòt àndǎ̧ Levì mbɔŋ la, li nɨ àdziꞋ yeamɔꞋ ane èghɨ bu Abàlàghâm li ngàbtè ane èdzìꞋ èghem la. Tà nɨ ale mbɔ̂ fà̧à̧te Abàlàghâm wu Mbɔ̧ɔ̧mà li nkàꞋ nê yea lɔ̀ɔ̀le atò la.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

1 Jɔ̌n 5:11

Ànəê yaa Mbɔ̧ɔ̧mà shu la wu nê, tà ŋa awa mèmpème kàlìà. Wòt bɨ̧̀ɨ̧̀nâ ane Waã tò, ka tà bɔ̀ mèmpème mbɔŋ.

Ètsə 3:14

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Làoêdisìà la nê: ‘Eyaa wu mèngǎ̧ wòt wu bɔ̀ɔ ntɔ atò nê Àmèn, mè ngu wòt nkûŋ, mèngǎ̧ tò è kùꞋu me bòt àa bɨ̧ɨ̧ne la. Mbɔ̧ɔ̧mà li ngɨ̀ àghɨ àgème a bùꞋ ane tò.

Ètsə 7:12

Bɔ bɔ̀tè ale, me shu nê, “Àmèn! MèngùꞋte wu abua Tǎt wa Mbɔ̧ɔ̧mà, nè ènɨ̧, nè èyì, nè mènkɔ̀ŋke, nè kènùke nè mètàŋ ane àlia nè àlia! Àmèn.”