2 Kɔlìn 1:17 - Mundani

¹⁷ Bɨ mɨɨtè nê e ndi me taŋke a lèghȩ̀ȩ̀nè waa ale è nka kwaꞋtè ntsɔ̧̀? Maa kà tàŋke mènəè mɔ̧ mbɨ̀Ꞌɨ̀ bòt sitsǎꞋ, e shu laꞋnê maa ghɨ àghɨ e mě tu̧u̧.

2 Kɔlìn 1:17 ပူးပေါင်းရင်းမြစ်များ

Matìù 1:19

Jòsêb wu tà le wua nkɨ eyɔꞋɔ atò la, li ngu wòt tàa nɔ̀ŋà mbɨ̧te Musì la, ka tà kà wua nkɨ ezǐ atò a ntsoꞋ ayɔɔ bòt mbɨ̀Ꞌɨ̀ mbɨ̧te mbɔŋ te kɨa la, ale, tà kwàꞋtè nê yea tu̧ atò a ntsèm.

Matìù 5:37

TsiꞋ èngǎ̧ wòt è kùꞋu ane oò nè àwɔꞋ. Àghɨa ko tsa kà wu ayaa a dzəa abua wòt kàbɔ̀ŋ.

Jɔ̌n 8:15

Bɨa nɨa èyì bɔbȩ ka nɨ̀a sàꞋa bòt. È me wu am ko maa kà lem saꞋa wòt.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 11:18

Ndɨ̀ wu bòt nyaŋ àa ngàꞋtà wɔb ane èlɨ bòt ngɔ̀ŋ àa ngɨ̀à la, maa me ghɨ̀ àyaã a èlɨ mbɔŋ mɨ̧̂.

Gàlashìà 1:16

nyɨ̀Ꞌte waã vi abua am mbɨ̀Ꞌɨ̀ maa tsɔ̀te Ntu̧ Ntsɔ̧̀ tò ayɔɔ bòt kà ko a Mbɔ̧ɔ̧mà. ÀfɨꞋa mbɔŋ, è nka gha enɨ nkɨ̀a abua wɔ̀bȩ̂ kǒ,

Gàlashìà 2:2

Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

1 Tèsàlonikà 2:18

Ba li ngua nkɨ ekua akwèn ekɨꞋɨ àpfəè ayɨ̧. Mmɔ̌ Pɔ̂l e ndi nyɔꞋte a ngo̧ a ngò̧ nê bà mě nkɨ̀Ꞌɨ̂, ka Satàn kèlè awa.

Jimsì 5:12

Bɔnyɨ bɔ̧, ànəa ko a tɨ̧ɨ̧ a mbì la wu nê, wòt me kàꞋà wòt ànəê, tà ka ndzì nkà̧ ka wuê ane ègwet, kò ane sitsǎꞋ leꞋ, tà ka ndzì nkà̧ ka wu ane àghɨa ko tsa. Wòt bɨ̧̀ɨ̧̀ne ànəê, tà ko yê bɨ̧ɨ̧nè, wòt tu̧ ànəê, tà ko nê ye tu̧, mbɨ̀Ꞌɨ̀ ka Mbɔ̧ɔ̧mà sàꞋà wɨ̧ nê bɨ fâ̧.