2 Kɔlìn 1:12 - Mundani

¹² Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 1:12 ပူးပေါင်းရင်းမြစ်များ

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

ÀfaꞋa 24:16

È wu ale, màa ngɨ̀ e me nyɔ̀Ꞌte àfɨ̀Ꞌ àgème ebɔ èntɨ̧ɨ̧ kà wua fèèlè am a mbì Mbɔ̧ɔ̧mà bɔ̂ wɔ̀bȩ̂.

Lûm 9:1

Ànəa e shua la wu nkûŋ, ndɨ̀ wu è ntsiꞋi àghɨ yeamɔꞋ nè Yesò Klistò la. È nka laꞋà mèfà̧. Mèmɨ̀ɨ̀te mɔ̧ ane ndɨ Fo Kèfə nàa nyɨ̀Ꞌta la, è shu am nê è nka fɨta fɨte.

1 Kɔlìn 1:17

Yesò Klistò li tà kà wua ntsàà am nê è me zǐ bòt a èdzî, tà li ngua ntsàà am nê è nkɨꞋɨ me tsɔ̀te Ntu̧ Ntsɔ̧̀. È nka me làꞋa ane ndɨ bòt àa nɨa èyě bɔbȩ ndàꞋà la à, mbɨ̀Ꞌɨ̀ ka bɔ̀ ka tsi ndzè mètàŋ mu ane èvə Yesò Klistò a mbɨ̧̀ mbasa la.

1 Kɔlìn 12:8

Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

1 Kɔlìn 2:13

Ale, bà ka wua ndàꞋà ane èyǐ bòt ngɔ̀ŋ. Baa ndàꞋà mbɨ̀Ꞌɨ̀ Fo Kèfə nàa nyɨ̀Ꞌta wa la, ndzààtà mènəè Fo Kèfə ndàꞋà abua bòt bu bɔ bɔ Fo mbɔŋ la.

1 Kɔlìn 4:4

E mbakà ko ànəa ko mâ fà̧à̧ la, ka è nka wua shua nê mâ kuꞋu e mbì Mbɔ̧ɔ̧mà. Wu Yesò Klistò ka tàa bàŋe am la.

1 Kɔlìn 5:8

Bɨ̀ ghɨa bà jɨ èpǎ̧ wu, ka bà ka njɨ̀ ne bled wu è bɔ a yis nyǎꞋ, yis mbɔŋ wu mèmɨ̀ɨ̀te kàbɔ̀ŋ nè èbɨꞋte ènəê la. Bà jɨ wuê nè bled kà ye a yis adù̧, è wu èntɨ̧ɨ̧ kèfə nè màndaꞋa nkûŋ la.

2 Kɔlìn 1:17

Bɨ mɨɨtè nê e ndi me taŋke a lèghȩ̀ȩ̀nè waa ale è nka kwaꞋtè ntsɔ̧̀? Maa kà tàŋke mènəè mɔ̧ mbɨ̀Ꞌɨ̀ bòt sitsǎꞋ, e shu laꞋnê maa ghɨ àghɨ e mě tu̧u̧.

2 Kɔlìn 11:3

Maà mbɔ̀ɔ nê bòt ko aa fɨte awɨ̧ mbɨ̀Ꞌɨ̀ Satàn nyà̧kàbɔ̀ŋ li nɨ̀ àŋɔꞋte fɨ̀te a Ive la, etsòkè ètsə bɨ̧, bɨa baka tsi ŋà wɨ̧ nè èntɨ̧ɨ̧ wemɔꞋ abua Yesò Klistò.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

2 Kɔlìn 8:8

E ntsea ŋwèèlà wɨ̧ nê bɨ̀ ghɨa. Ka e ngua nkɨ enɨ àghɨa bòt ko àa ngɨa la enyɔ̀Ꞌtè àwɨ̧ eye nê ko ane nkûŋ bɨa nkɔ̀ŋkà bòt ko mɨ̧̂ leꞋ.

Gàlashìà 6:4

Ka waa waa saꞋa vi ndze nê kò mènəè mi kùꞋu e me yèa me ŋeꞋe tèkwȩ ti a ègwet la leꞋ. Tà ka me fɨ̀Ꞌnè àvi ane wòt kǒ tsa.

Efesɔ̀s 6:14

Ale, bɨ̀ tɨ̧ɨ̧ ntsɔ̧̀, ngɨ̀ mènəè nkûŋ mɨ̧̂ wuê mbɨ̀Ꞌɨ̀ àleb bɨ kuule a èloŋ lɨ̧ la, mè nɨ̀ mènəè è kùꞋù la mbɨ̀Ꞌɨ̀ àbǎ àtɨ̧ɨ̧na a kaba ghàmnà wɨ̧ la.

Filìpȩ 1:10

A wu ale, ko bɨa me ntsèka nkoa àghɨa è wù àyea ntsɔ̧̀ la. Ko bɨa tsiꞋi bòt mèntɨ̧ɨ̧ kèfə, kà wòt wuê ko eshu nê bɨ ghɨa kàbɔ̀ŋ te eghǎ edzə ane àli yu Yesò Klistò nàa li e mě ekɨꞋɨ la.

1 Tèsàlonikà 2:10

Bɨ ye mè nkoê, Mbɔ̧ɔ̧mà mè nkoê nê, mènəè ma a kètsìà wɨ̧ bɨ̀a bòt Yesò li ngua mbɔ̀. Ba li mbê ngua ngɨ̀à mbɨ̀Ꞌɨ̀ ba wuê ghɨ̀ la. Àghɨa ko wòt nàa fèèlè awa adù̧ la à ka wuê.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Ebùlù 13:18

Bɨ̀ me tsàꞋte a Mbɔ̧ɔ̧mà àtsəa ya. Mèntɨ̧ɨ̧ ma nàà kà feele awa nê ba fâ̧ ànəê. Ba nkɨa e ghɨ̀ àghɨa a kùꞋù la àfɨ̀Ꞌ àgème.

Jimsì 4:6

Mbɔ̧ɔ̧mà bê nge tàa ngɨa a ntsɔ̧̀ la. Ale, Àkata tò a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb a ègwet la a si, mbɔ̂ me nyɨꞋte a ntsɔ̧̀ vi abua bòt bu bɔ̀ɔ nɨ̀a wɔb a si la.”

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.