1 Tèsàlonikà 5:6 - Mundani

⁶ È wu ale, bà ka me li mbɨꞋɨ̀ bòt bu kà zi mèntɨ̧ɨ̧ mɔb ane Yesò àa ndìa la. Bà tseka àtatsi me chɨ̀Ꞌɨ.

1 Tèsàlonikà 5:6 ပူးပေါင်းရင်းမြစ်များ

Matìù 13:25

ka àfɨꞋa bɔ̀ɔ ndìa la, wɔ̀mbù̧ tò kɨ̀Ꞌɨ̂ sà èsaãaãme afəèꞋ kàbɔ̀ŋ a kètsìà èsaãaãme tò wu.

Matìù 24:42

“È wu ale, bɨ̀ ghaꞋte àghɨ ayɨ̧ ntsɔ̧̀ nkàà nê, bɨ bakà ko àlia tǎt wɨ̧ nàa kɨꞋɨ la.

Matìù 25:13

“Yesò lìà nê, bɨ̀ tseke me lȩ̂ ntsɔ̧̀ nkàà nê bɨ bakà ko àlia, kò àfɨꞋa màa mě kɨꞋɨ la.

Matìù 25:5

Bɔ gha ale lu̧ ndzà yu ka yaŋe nkɨ̀Ꞌɨ̂, ale, kèlɔ ke baãaã wɔb bàgème bɔ nɔ̀ŋkè me li.

Matìù 26:38

Ale, tà shu abua yɔb nê, “Èntɨ̧ɨ̧ am aà ngò̧ò̧nà kwàꞋ ànyaꞋne, tè betsiꞋa e bùŋè am. Bɨ̀ tseke adzìꞋ yaa àtatsi me tsàꞋte a Mbɔ̧ɔ̧mà nè nà̧.”

Ntu̧ Ntsɔ̧̀ MAK 13:37

Maà shuà èngà̧ waa abua yɨ̧ ale, mè ngua shua abua waa waa nê, ‘Bɨ̀ me lȩ̂ èdziꞋ!’ ”

Lûk 12:37

Ntsɔ̧̀ wu bɔfàꞋ bu tǎt wɔb nàa me kua bɔɔ bele àtatsi nchɨ̀Ꞌà atò la. Ane nkûŋ, tsiꞋ è shu awɨ̧ nê tà kɨ̀Ꞌa ko taa kuule àleb azi, ebɔ ghɨ̌ bɔɔ tseke a si, tàa fàꞋa abua yɔb.

Lûk 12:39

Bɨ̀ ko nê tǎt lob ko àfɨꞋa tsɔŋ nàa kɨꞋɨ ètsəꞋ la, kèlɔ kè ka nyia èghɨ tò mbɨ̀Ꞌɨ̀ bɔ gha ghɨ̌ nkɨ̀Ꞌî mbəèꞋəè lob tò.

Lûk 21:36

Bɨ̀ me chɨ̀Ꞌɨ àfɨ̀Ꞌ àgeme mè ntsàꞋta a Mbɔ̧ɔ̧mà mbɨ̀Ꞌɨ̀ taa ŋa awɨ̧ mètàŋ bɨ̀a nɨ enû etsě mènəè maa, e mě ko etɨ̧ɨ̧ ntsɔ̧̀ a mbì Waã Wòt ane àli yu tàa li saꞋa bòt bi la.”

Lûk 22:46

Tà bììte awɔb nê, “Bɨ̀ lia ghà à? Bɨ̀ lɔ̀Ꞌɔ a si me tsàꞋte a Mbɔ̧ɔ̧mà, mbɨ̀Ꞌɨ̀ bɨ kwen a èbem ètaãaãte mènəè.”

ÀfaꞋa 20:31

È wu ale, bɨ̀ me ko awɨ̧ ntsɔ̧̀ mèa nkù̧ù̧ta na e nde laꞋa èngǎ̧ Mbɔ̧ɔ̧mà abua waa waa ane yɨ̧, ètsəꞋ nè nèngû̧ ane èngùꞋ yetat nè mèsi àghɨ am la.

1 Kɔlìn 15:34

Bɨ̀ kubte mènkwàꞋte mɨ̧, bɨ̀ ka tsi ngɨ a kàbɔ̀ŋ. ÀbəèꞋ àyɨ̧ ako a bakà bê nkoê wòt Mbɔ̧ɔ̧mà wû wùà la. E ndàꞋà àyaa mbɨ̀Ꞌɨ̀ bɨa bɔ àtsəa kɔꞋɔ.

1 Kɔlìn 16:13

Bɨ̀ me ko awɨ̧, ntɨ̧̀ɨ̧ ntsɔ̧̀ ane èntɨ̧ɨ̧ wɨ̧ wu bɨ zi ane Yesò la, ntɨ̧ɨ̧ mbɨ̀Ꞌɨ̀ mbâ̧ mè me kweele.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Filìpȩ 4:5

Bɨ̀ me yu ane mènəè mɨ̧ a mbì waa waa mbɨ̀Ꞌɨ̀ nê Tǎt wa bele yàŋe ekɨꞋɨ.

Kɔ̀losìà 4:2

TsiꞋ è shu abua yɨ̧ bàgème àfɨ̀Ꞌ yaa nê bɨ̀ me tsàꞋte Mbɔ̧ɔ̧mà àfɨ̀Ꞌ àgème. Bɨ̀ ghɨ̀ bɨ̀ me tsàꞋte, bɨ me zə wuê ànəa bɨ shua abua tò la, mè me ŋa mènkɔ̀ŋke abua tò.

1 Tèsàlonikà 4:13

Bɔnyɨ ba, baa kà kɨ laꞋ nê bɨ̀ tseke ane lèmàkè, ane ànəa bòt bu bɔ pfəꞋte la. Ba kɨ eshu awɨ̧ ale, mbɨ̀Ꞌɨ̀ ka bɨ me dɨ̌ a èlɨ̀ wu bòt bu kà bɔ ntɨ̀ ane Yesò àa ndɨ̀à la.

1 Tèsàlonikà 5:10

Tà li mpfə ane ànəa ya mbɨ̀Ꞌɨ̀ tà li tà kɨꞋɨ, è maa è wu nê ba bele èbe yu̧ kò ba pfəꞋtè leꞋ, ba tò ba e wu nɔ̂.

1 Tèsàlonikà 5:8

Ka è me wu awa wu bàa ngȩ̀ȩ̀nà nèngû̧ la, bà me kuule ènyit ya, ndzì mèntɨ̧ɨ̧ ma ane Yesò mè mbɔ èkɔŋ. Màngɨa ale naa wu mbɨ̀Ꞌɨ̀ ba kwaãaã ndǐ àtɨ̧ɨ̧na yu bèshujà àa nkwà̧aã nɨa nkàbta bèghèmnà bɔb ka nga èbet la. Mèe nɔ̀ŋè ntɨ̀ ya me chɨ̀Ꞌɨ̀ àli yu Yesò Klistò nàa li kɨꞋɨ e ghɨ̌ baa peme la, è wu mbɨ̀Ꞌɨ̀ ntà̧ bɔ ghɨ ane àtɨ̧ɨ̧na baa kwaãaã la.

1 Tɔ̀màtià 2:15

A batè ngu anè, ka Mbɔ̧ɔ̧mà bɔ̂ ngu e ghɨ̌ bèzi aa ghǎ a èlɨ̀ wu bɔ̀ɔ mbia la e peme. Bɔɔ peme na bɔ zì mèntɨ̧ɨ̧ mɔb ane tò, me kɔ̀ŋkè bòt, mènəè mɔb mè ntɨ̧ɨ̧ ndɨŋndɨ̀ŋ a mbì tò, bɔ mè me ghɨ̀ mènəè mbɨ̀Ꞌɨ̀ bòt tò la.

1 Tɔ̀màtià 2:9

È me wu bèzi e me kɨ nê bɔ̀ me kwaãaã ndǐ tɔb ane èlɨ ntsɔ̧̀. Bɔ ka me kwaãaã ndǐ tɔb mbɨ̀Ꞌɨ̀ bòt bɔ̀ɔ ŋeꞋe awɔb a ègwet la. Bɔ̀ ka me baꞋa ètsə bɔb ane ngwȩ̀tsə. Bɔ̀ ka me kwaãaã mèkù nè ndìte tèa ntsoa èkab la.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

1 Tɔ̀màtià 3:2

Wòt àtsəa bòt Yesò kâ ngu wòt bòt àa ndàꞋà kàbɔ̀ŋ adù̧ tò la. Tà bɔ̂ ndɨ tàa bɔ wuê àvi wemɔ̀Ꞌ, mè me baãaã èntɨ̧ɨ̧ vi ka ngɨ̀à mènəè la. Ŋut me ghɨ̌ mènəè wuê ane èlɨ bòt àa me zə atò la, nko a màsea bègɨ̧̀ ntsɔ̧̀, nko a mànyɨꞋte mènəè ntsɔ̧̀ mɨ̧̂.

2 Tɔ̀màtià 4:5

È wu awê, ko me baabe awê àfɨ̀Ꞌ àgème, nkìà ngoꞋ. Baãaã àfàꞋ ayê mbɨ̀Ꞌɨ̀ wòt màntsɔta Ntu̧ Ntsɔ̧̀ Yesò, mè me nɨ àfàꞋ ayê ngà wuê nè mbì mbɨ̀Ꞌɨ̀ ngule wɔ̀fàꞋ Mbɔ̧ɔ̧mà.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

Tȩtɔ̀s 2:6

Shu abua mbà̧te techɨɨle mɨ̧̂ nê, bɔ̀ me baãaã mèntɨ̧ɨ̧ mɔb ka ngɨ̀à mènəè.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.

Ètsə 16:15

“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”

Ètsə 3:2

Bɨ̀ lɔ̀ka wɨ̧, mbɨ̀Ꞌɨ̀ adziꞋi fo wu a èbem lɨ̧ la paa mì bɨ paà mpfə, nkàà nê mâ ye nê mènəè mɨ̧ bakà kùꞋ a mbì Mbɔ̧ɔ̧mà.