1 Tèsàlonikà 5:5 - Mundani

⁵ Bɨ̀agème wu bòt bɔ̀ɔ ntsèka a èbem èkaꞋà, ngȩ̀ȩ̀nà a èbem àbȩ nèngû̧ la. Baa kà tseke mbɨꞋɨ̀ bòt bɔ̀ɔ ngɨ̀à mènəè mɔb ètsəꞋ a èbem ndzěm la.

1 Tèsàlonikà 5:5 ပူးပေါင်းရင်းမြစ်များ

Lûk 16:8

“Tǎt àfàꞋ wu bɨ̧ɨ̧ne ànəa waã àtsəa àfàꞋ bèyuŋ wu è ghɨ̀ la nê tà lâ mbɔ̂ èyì. Nkàà nê, bòt ngɔ̀ŋ yaa aa ngɨ̀à mènəè mɔb ane bèyuŋ tè ntsè bòt Mbɔ̧ɔ̧mà.

Jɔ̌n 12:36

Bɨ̀ zǐ èntɨ̧ɨ̧ wɨ̧ ane wòt wu tàa ngɨ̀à èkaꞋà e wua la, àfɨ̀Ꞌ yaa bɨ̀ wu ne tò la, mbɨ̀Ꞌɨ̀ etsiꞋi bòt bɔ̀ɔ ntsèka a èbem èkaꞋà la.” Yesò laꞋà èngà̧ waa abua bòt ale, ndɔ̀Ꞌ abot ngà ndò̧ò̧tè àwɔb.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

1 Tèsàlonikà 5:8

Ka è me wu awa wu bàa ngȩ̀ȩ̀nà nèngû̧ la, bà me kuule ènyit ya, ndzì mèntɨ̧ɨ̧ ma ane Yesò mè mbɔ èkɔŋ. Màngɨa ale naa wu mbɨ̀Ꞌɨ̀ ba kwaãaã ndǐ àtɨ̧ɨ̧na yu bèshujà àa nkwà̧aã nɨa nkàbta bèghèmnà bɔb ka nga èbet la. Mèe nɔ̀ŋè ntɨ̀ ya me chɨ̀Ꞌɨ̀ àli yu Yesò Klistò nàa li kɨꞋɨ e ghɨ̌ baa peme la, è wu mbɨ̀Ꞌɨ̀ ntà̧ bɔ ghɨ ane àtɨ̧ɨ̧na baa kwaãaã la.

1 Jɔ̌n 2:8

A batè ngu ale ka mbɨ̧ yàa e shɨ̀a abua yɨ̧ la mè ntsìꞋi ye fi. Yesò Klistò è nyɨꞋtè nê, mbɨ̧ mbɔŋ wu nkûŋ, bɨ̀a mbɔŋ e mè nyɨ̀Ꞌte nê wu nkûŋ mɨ̧̂. Aa ale nkàà nê ndzěm tsiꞋa mìà mǐ, ngule èkaꞋà e mè mbùꞋ tè me bàŋe èdziꞋ.