1 Tèsàlonikà 5:4 - Mundani

⁴ Ka bɨ̀a bɔnyɨ bɔ̧ aa kà tseke mbɨꞋɨ̀ bòt bu bɔ̀ wu a èbem ndzěm la. È wu ale, àlia mbɔŋ à kâ kɨ̀Ꞌɨ̂ kà bɨ koê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ bəèꞋəè lob wòt kà tà koê la a.

1 Tèsàlonikà 5:4 ပူးပေါင်းရင်းမြစ်များ

Matìù 10:15

Ane nkûŋ, e shua wɨ̧ nê, naa li ngu ane àlia saꞋa Mbɔ̧ɔ̧mà, tà kù tèsȩte bòt Sodòm nè Gòmolà tè ntsè ndɨ tàa ku e te bòt èpfəè mbɔŋ la.

Lûk 21:34

Yesò paa èngà̧ waa ale mè shu abua yɔb nê, “Bɨ̀ me ko awɨ̧, mbɨ̀Ꞌɨ̀ bɨ sà àwɨ̧ èghɨjɨ nyaŋ nè mèlùꞋ kèkweelè e tsòke ètsə bɨ̧. Bɨ̀ ka me mɨ̀ɨ̀tè mènəè sitsǎꞋ nyaŋ mbɨ̀Ꞌɨ̀ àli yu a kɨꞋɨ̀ mbà̧à̧ àwɨ̧ kà bɨ koê, mbɨ̀Ꞌɨ̀ àtaã àa ngɨ̀ a baãaã nyà̧ la

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

1 Tèsàlonikà 5:2

Bɨ̀a mbɔŋ e neetè nko nê, Tǎt wa Yesò naa li kɨꞋɨ ka bòt e koê, mbɨ̀Ꞌɨ̀ tsɔŋ nàa ngɨ̀ tà kɨꞋɨ ètsəꞋ kà bòt e koê la.

2 Pità 3:10

Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.

1 Jɔ̌n 2:8

A batè ngu ale ka mbɨ̧ yàa e shɨ̀a abua yɨ̧ la mè ntsìꞋi ye fi. Yesò Klistò è nyɨꞋtè nê, mbɨ̧ mbɔŋ wu nkûŋ, bɨ̀a mbɔŋ e mè nyɨ̀Ꞌte nê wu nkûŋ mɨ̧̂. Aa ale nkàà nê ndzěm tsiꞋa mìà mǐ, ngule èkaꞋà e mè mbùꞋ tè me bàŋe èdziꞋ.

Ètsə 16:15

“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.