1 Tèsàlonikà 5:11 - Mundani

¹¹ È wu ale, waa waa ane yɨ̧ me zǐ èntɨ̧ɨ̧ wanyɨ vi mè ntɨ̀ŋe atò wuê mbɨ̀Ꞌɨ̀ bɨ̀a ngɨ̀à àfɨ̀Ꞌ yaa la.

1 Tèsàlonikà 5:11 ပူးပေါင်းရင်းမြစ်များ

Lûm 14:19

Ale, bàà me nyɔ̀Ꞌte àfɨ̀Ꞌ àgème ndzèa nê baa ngɨ̀à àghɨa àa me ghɨ̌ baa tseka ane àlàŋkè nè bɔnyɨ ba la, nè àghɨa àa me tɨŋe bɔnyɨ ba bɔ tsəa ane alu̧ Mbɔ̧ɔ̧mà la.

Lûm 15:14

Bɔnyɨ bɔ̧, mmɔ̌ mbɔŋ mâ lâ nko nê bɨ̀ambɔŋ e lu̧u̧ nê ntsɔ̧̀, mè ndâ nko àghɨa bɨ bɔ ndɨ bɨ̀a me ghɨ̀ la, mè ngu eko nyɨꞋte bɔnyɨ bɨ̧.

Lûm 15:2

Waa waa ane ya me ghɨ̀ àghɨa àa me bɔ̀ wanyɨ vi ntɨ̀ŋa tò, ngɨ̀à tà kwèèlâ la.

1 Kɔlìn 10:23

Bòt aa shua nê “Mbɨ̧ kǒ nàa kele awa a màngɨa àghɨ la ntsě.” Ale, è ntsě àghɨ àgème àa ntɨ̀ŋa wòt la. Mbɨ̧ kǒ nàa kele awa a màngɨa àghɨ la ntsě, mbɔ̂ è kà wu àghɨ àgème àa ntɨ̀ŋa bòt la.

1 Kɔlìn 14:12

Ndɨ̀ wu bɨ̀a nùà nkɨ bɔ èghɨ Fo Mbɔ̧ɔ̧mà nàa ŋǎ la, bɨ̀ nyɔ̀Ꞌte a mbì àghɨ àgème ndze nê bɨ ghɨ̀ bu àa me tɨŋa ndɔ̀ktà mèntɨ̧ɨ̧ bòt chɔsì la.

1 Kɔlìn 14:29

BèndàꞋàtɔŋ Mbɔ̧ɔ̧mà babe kò batat leꞋ, è laꞋa, èbeko nè bòt è baŋa ànəa mbɔŋ bɔ làꞋà la ndze.

1 Kɔlìn 14:5

Maà nkɨà nê bɨ̀agème è me làꞋa ndɨ̧tsə tsa tsa, ka e mbɔ̂ me kɨ nê bɨ̀ làꞋà nyaŋ wuê ane àtɔŋ Mbɔ̧ɔ̧mà. Wòt tàa ndàꞋà àtɔŋ Mbɔ̧ɔ̧mà la è tsě wòt tàa ndàꞋà ndɨ̧tsə tsa tsa la, na wòt bakà wuê tàa ghaꞋte mènəè mu tà laꞋa ane ndɨ̧ tsǎ la e shu e tɨŋe bòt chɔsì la.

2 Kɔlìn 12:19

Tè bɨa ntsèka mɨ̀ɨ̀tà nê ba wua tàŋà ànəa ya a mbì lɨ̧? ChaꞋ a ntsě ale. Bɔnyɨ ba, ba làꞋà anè a mbì Mbɔ̧ɔ̧mà mbɨ̀Ꞌɨ̀ bòt Yesò Klistò, nê àghɨ àgème ba ghɨa la ba wua nkɨ nɨ etɨŋe awɨ̧.

Efesɔ̀s 4:12

Tà li ngɨ̀ àyaa mbɨ̀Ꞌɨ̀ e ghɨ̌ bòt Mbɔ̧ɔ̧mà bàgème aa kùꞋu a màngɨa àfaꞋa bɔ bɔ ndɨ bɔ̀ɔ ghɨ̀ la, ngɨ̀à bòt bu bɔ̀ wu mbɨ̧̀ ènyit Yesò Klistò la e kweelà.

Efesɔ̀s 4:16

Wu tòà ka tàa ngɨ̀à èdziꞋi ènyit ègème e tsəꞋnà ntsìꞋa àghɨ yeamɔꞋ la, è mè ngu mbɔ̀ɔ̀la ègème a mbɨ̧̀ ènyit nàa fèta mbɨ̧̀ ènyit mbɔŋ nènkèm mbà̧aã la. Ale, àdziꞋa ènyit àgème a me ghɨ̀ àghɨa a bɔ ndɨ àa ghɨ̀ la, ko bòt aa me kɔ̀ŋkè bɔnyɨ bɔb, mbɨ̧̀ ènyit ègème naa me tsəa nkwèèla.

Efesɔ̀s 4:29

Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

1 Tèsàlonikà 4:10

Bɨa ngɨa a èlɨ waa adù̧ bòt Yesò bàgème a Màsèdonìà ale à bɔnyɨ ba, baa shù̧ù̧ta awɨ̧ nê bɨ̀ me paa ngɨ̀à ale nɨa ngà nè mbì.

1 Tèsàlonikà 4:18

Mbɨ̀Ꞌɨ̀ àa anè la, bɨ̀ nɨ mèngà̧ maa nɨŋ ndzì èntɨ̧ɨ̧ waa waa.

1 Tɔ̀màtià 1:4

Shu abua yɔb nê, bɔ̀ sà tèlète kà ye àtsə, nè ànyaꞋne tèlente bètǎt nyaꞋ ba tu bɔ̀ɔ ndzìa ntɔ̀ la. ÀfaꞋa èghɨ baa a ntsě ane èngǎ̧ Mbɔ̧ɔ̧mà wu ba wu ko, na ba zìà mèntɨ̧ɨ̧ ma ane tò la. Aà ngɨ̀à bòt e kàànà wuê mènəè a kètsìà wɔb.

Ebùlù 10:25

Bà ka me tseke ka wua mbù̧ù̧tà mbɨ̀Ꞌɨ̀ bòt ko àa ngɨ̀à la. Bɨ̀ ghɨa bà me lɔ̀ktè mèntɨ̧ɨ̧ bɔnyɨ ba tè ntsè ndɨ bàa ndzìà ngɨ̀à la, ndɨ̀ wu bàa ndzèa nê, Àlia Mbɔ̧ɔ̧mà aà nkɨ̀Ꞌa la.

Ebùlù 3:13

Ka bɨ̀ me tɨŋe bɔnyɨ bɨ̧ àlia àgème, mbɨ̀Ꞌɨ̀ bɨ̀ bela ndzəa èngà̧ wu nê “Laane” la, mbɨ̀Ꞌɨ̀ ka wòt kǒ ghɨ a kàbɔ̀ŋ è kubte èntɨ̧ɨ̧ tò tà tsiꞋi me kweelè àtsəa abua Mbɔ̧ɔ̧mà.

2 Pità 1:12

Bɨ batè nko èghɨ bàa, tè ndâ me kweele ane nkûŋ yu bɔ li shu awɨ̧ la, ka e mbɔ̂ ngu me tseka nkù̧ù̧ta wɨ̧ ànəa èghɨ mbɔŋ.

Jûd 1:20

Bèshu̧ bɔ̧, è me wu awɨ̧ ko bɨ̀ baãaã mènəè mu bɨ bɨ̧ɨ̧ne la me kweela ngà nè mbì. Mènəè maa dzə abua Mbɔ̧ɔ̧mà zìambɔŋ. Bɨ̀ me tsàꞋte Mbɔ̧ɔ̧mà ane mètàŋ Fo Kèfə.