1 Tèsàlonikà 5:10 - Mundani

¹⁰ Tà li mpfə ane ànəa ya mbɨ̀Ꞌɨ̀ tà li tà kɨꞋɨ, è maa è wu nê ba bele èbe yu̧ kò ba pfəꞋtè leꞋ, ba tò ba e wu nɔ̂.

1 Tèsàlonikà 5:10 ပူးပေါင်းရင်းမြစ်များ

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Jɔ̌n 10:11

“E ngu ngule mbaabà njɨ̀. Ngule mbaabà njɨ̀ nàà ŋǎ àtsəa zi ane njɨ̀te mbɔŋ.

Jɔ̌n 10:15

wuê mbɨ̀Ꞌɨ̀ mâ ko a Tǎt am Mbɔ̧ɔ̧mà, tà mè nkǒ am la. Ale, mâ bɨ̧ɨ̧ne eŋa àtsə am ane njɨ̀ taã.

Jɔ̌n 10:17

Ale, Tǎt am Mbɔ̧ɔ̧mà nàà nkɔ̀ŋkè am nkàà nê, mâ bɨ̧ɨ̧ne eŋa àtsə am epfə, ka elɔ̀Ꞌɔ e mě yu̧u̧me.

Jɔ̌n 15:13

BetsiꞋa, wòt kà nyɨꞋte èkɔŋ ane bèshu̧ bi tè ntsè ndɨ tàa ŋǎ àtsəa zi ane yɔb la.

Lûm 8:34

Wòt wu tàa laꞋnê ànəa a li àtsəa wòt Mbɔ̧ɔ̧mà la wu wàà? Yesò Klistò wu tà li mpfə, Mbɔ̧ɔ̧mà yù̧ù̧me atò ngɨ̀ tà tseke àbâ àbualu̧ atò a ègwet la, ka lâ ngu wòt tàa ndɨ̀à mènəè ma abua Mbɔ̧ɔ̧mà la.

1 Kɔlìn 15:3

E ndi shu awɨ̧ ànəa Yesò Klistò li shu am la, mbɨ̀Ꞌɨ̀ ngule àghɨa mbì, nê Yesò Klistò li mpfə ane kàbɔ̀ŋ wa, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.

2 Kɔlìn 5:15

Tà li mpfə ane ànəa bòt bàgème, mbɨ̀Ꞌɨ̀ bòt bu tà ŋa awɔb mèmpème la è ka tsi me ghɨ̀ àghɨa àa mbɔ̀ wɔb la a. Bɔɔ tsiꞋi me ghɨ̀ àghɨa àa mbɔ̀ wòt wu tà li mpfə ambo yɔb Mbɔ̧ɔ̧mà yù̧ù̧me atò la.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

1 Tèsàlonikà 4:13

Bɔnyɨ ba, baa kà kɨ laꞋ nê bɨ̀ tseke ane lèmàkè, ane ànəa bòt bu bɔ pfəꞋte la. Ba kɨ eshu awɨ̧ ale, mbɨ̀Ꞌɨ̀ ka bɨ me dɨ̌ a èlɨ̀ wu bòt bu kà bɔ ntɨ̀ ane Yesò àa ndɨ̀à la.

1 Tèsàlonikà 4:15

Ba wua shua wɨ̧ mbɨ̀Ꞌɨ̀ Lefɨ̀Ꞌ li nyɨ̀Ꞌte awa la nê, naa li ngu ane àli yu tàa kɨꞋɨ la, bàa wu bà bele ka pfəèꞋte la, è ka tse a mbì bòt bu bɔ pfəꞋte la.

1 Tèsàlonikà 4:17

AfɨꞋa mbɔŋ Mbɔ̧ɔ̧mà ŋèꞋe awa wu bà bele ka pfəèꞋte la, ba bòt ngaa e bu̧u̧te a kètsìà mbàꞋ è ngu nè Tè Yesò a ègwet. Ba tò ba aa me tseke nɔ̂ àfɨ̀Ꞌ àgème.

1 Tèsàlonikà 5:6

È wu ale, bà ka me li mbɨꞋɨ̀ bòt bu kà zi mèntɨ̧ɨ̧ mɔb ane Yesò àa ndìa la. Bà tseka àtatsi me chɨ̀Ꞌɨ.

1 Tɔ̀màtià 2:6

Tà li ŋà àtsəa azi nɨŋ ngɨ̀ bòt bàgème e pem. Àyaa a li ngɨ̀ àfɨꞋa ntsɔ̧̀ nɨŋ nyɨ̀Ꞌte nê, Mbɔ̧ɔ̧mà nàà nkɨ etsǐ wòt ègème a èbem mènəè kàbɔ̀ŋ tò.

2 Tɔ̀màtià 2:11

Èngà̧ waa wu èngǎ̧ nkûŋ: “È wu nê ba pfə nè tò, ko ba tò ba aa me tseke nɔ̂ mɨ̧̂.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

1 Pità 2:24

Yesò Klistò zìambɔŋ li ŋèꞋe a kàbɔ̀ŋ wa àtsəa zi nɨŋ nga a mbɨ̧̀ mbasa mbɨ̀Ꞌɨ̀ e ghɨ̌ kàbɔ̀ŋ naa bakà tsi mbɔ̀ mètàŋ a ègwet la, baa me tseke mbɨꞋɨ̀ Mbɔ̧ɔ̧mà nàa nkɨà la. Tèfɨŋ tu tà li mbɔŋ la te ghɨ̂ bɨ pem.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.