1 Tèsàlonikà 4:13 - Mundani

¹³ Bɔnyɨ ba, baa kà kɨ laꞋ nê bɨ̀ tseke ane lèmàkè, ane ànəa bòt bu bɔ pfəꞋte la. Ba kɨ eshu awɨ̧ ale, mbɨ̀Ꞌɨ̀ ka bɨ me dɨ̌ a èlɨ̀ wu bòt bu kà bɔ ntɨ̀ ane Yesò àa ndɨ̀à la.

1 Tèsàlonikà 4:13 ပူးပေါင်းရင်းမြစ်များ

1 Tèsàlonikà 5:10

Tà li mpfə ane ànəa ya mbɨ̀Ꞌɨ̀ tà li tà kɨꞋɨ, è maa è wu nê ba bele èbe yu̧ kò ba pfəꞋtè leꞋ, ba tò ba e wu nɔ̂.

1 Tèsàlonikà 4:15

Ba wua shua wɨ̧ mbɨ̀Ꞌɨ̀ Lefɨ̀Ꞌ li nyɨ̀Ꞌte awa la nê, naa li ngu ane àli yu tàa kɨꞋɨ la, bàa wu bà bele ka pfəèꞋte la, è ka tse a mbì bòt bu bɔ pfəꞋte la.

Efesɔ̀s 2:12

È li ngu àfɨ̀Ꞌ yaa bɨ̀a ntsèka anè la, bɨ̀ ka ko a Yesò Klistò. Bɨ li bɨ̀ ka wu ayɔɔ bòt Izəèlȩê. Bɨ li ngu bègɨ̧̀, bɨ̀ ka bɔ èghab ane mènkàꞋa kèkweelè Mbɔ̧ɔ̧mà mu tà li ngɨ̀ bɔ̂ bòt Izəèlȩê nê wu bòt bi la. Bɨ li ngua ntsèka a sitsǎꞋ ŋàa kà bɔ ntɨ̀ laꞋ nê bɨa li eye a ntsɔ̧̀ àfɨ̀Ꞌ àko, bɨ̀ ka mê nko a Mbɔ̧ɔ̧mà.

2 Pità 3:4

Bɔɔ li nkɨ̀Ꞌɨ̂ me shu nê, “Yesò Klistò wu tà li nkàꞋ nê yea li emèe kɨꞋɨ la naa wa à? Tea àfɨꞋa bètǎt ba e li mpfəèꞋte la, ekɨꞋɨ dzəè àfɨ̀Ꞌ yaa, mènəè bèla ntsèà wuê mbɨ̀Ꞌɨ̀ ngɔ̀ŋ li me bùꞋù è wu la.”

1 Kɔlìn 15:6

Tà li mè mpuula a mbì bɔnyɨ ba bɔ tsě ènkɨ̀ yetà̧â̧ la, àdzìꞋ yeamɔꞋ. Èbeko ane yɔb e batè mpfəèꞋtê, ka àbəèꞋ àyɔb nyaŋ a bele èbe yu̧.

ÀfaꞋa 7:60

Tà ntèm tènjûŋ ti a si ŋȩ̂ ane àtɔŋ nɨ̧ nê, “Lefɨ̀Ꞌ, ko mbɨ̀Ꞌɨ̀ à bèà ànəa kàbɔ̀ŋ yaa bɔ ghɨ̀ la a èntɨ̧ɨ̧ wê.” Tà shu ale, mbɔ̂ mpfə.

2 Kɔlìn 1:8

Bɔnyɨ ba, baa nkɨà bɨa ko ndɨ ba li ndzě ngoꞋ àbâ àlaꞋ a Esìà la. Ba li ndzě ngoꞋ è ghɔ̀ɔ̀ àwa tè ba tsiꞋa mɨ̀ɨ̀tà nê ba lem.

1 Kɔlìn 10:1

Bɔnyɨ bɔ̧, maà nkɨà bɨa ku̧u̧te nê, è li ngu àfɨ̀Ꞌ yu bètǎt nyaꞋ ba àa nkuŋa Musì àbâ àlaꞋ àyuube la, mbàꞋ me nyɨꞋte awɔb alu̧, bɔ mè ntsè a èbem *Èdzî Mèmbaŋ wu kà àghɨ a ghɨ̀ àwɔb.

Lûm 1:13

Bɔnyɨ bɔ̧, bɨ̀ ko nê mâ taŋke ngò̧ nyaŋ nê e nkɨ kɨꞋɨ e ye awɨ̧ (ka àghɨa ko a kele am e kɨꞋɨ e dzə àfɨ̀Ꞌ yaa). E nkɨ kɨꞋɨ mbɨ̀Ꞌɨ̀ ghɨ̌ bòt ko aa zì mèntɨ̧ɨ̧ mɔb ane Yesò, mbɨ̀Ꞌɨ̀ mâ ghɨ̌ ayɔɔ bòt kà wu Bèjuê a èdzìꞋ èko la.

ÀfaꞋa 13:36

“Dàbid li ngɨ̀ àfàꞋa Mbɔ̧ɔ̧mà li shu nê tà ghɨa la azi nè àfɨ̀Ꞌ, ndi mpfə bɔ tu atò a ngèt bètǎt nyaꞋ tò, tà fì.

Jɔ̌n 11:24

Màta shu abua tò nê, “Mâ koê nê taa li mèe lɔ̀Ꞌɔ a si ane àli yu bèmpfəà bèa yu̧u̧me la.”

2 Pità 3:8

Bèshu̧ bɔ̧, bɨ̀ ka ndèènè ànəê yaa yeamɔꞋ la nê, aa abua Mbɔ̧ɔ̧mà àliabȩ yeamɔꞋ à ka kubte ane èngùꞋebȩ tɔsì. Àliabȩ ngaa yeamɔꞋ la, nè èngùꞋebȩ ngaa tɔsì la abua tò bê ngu wuê àghɨ yeamɔꞋ.

ÀfaꞋa 8:2

Stifèn pfə ale, bòt Mbɔ̧ɔ̧mà ko e tu atò mbɔ̂ ndɨ̀ atò kwàꞋ ànyaꞋne.

Matìù 27:52

Ètsəsì e li ngaꞋte mɨ̧̂, bòt Mbɔ̧ɔ̧mà nyaŋ bɔ li pfəèꞋte la e yu̧u̧mè,

1 Kɔlìn 12:1

Bɔnyɨ bɔ̧, maà nkɨà bɨa ko nkûŋ ane ànəa mèghàb mu Fo Mbɔ̧ɔ̧mà nàa ŋǎ la.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

1 Tèsàlonikà 4:14

Ba ko nê Yesò li mpfə mè njù̧ù̧mê. Ale, ba ko mɨ̧̂ nê Mbɔ̧ɔ̧mà naa li ghɨ̌ Yesò naa nɨ bòt bu bɔ li ndzì mèntɨ̧ɨ̧ mɔb ane Yesò wu ka mpfəèꞋte la bɔ̂ tò ba aa ghà nɔ̂.

1 Tèsàlonikà 5:6

È wu ale, bà ka me li mbɨꞋɨ̀ bòt bu kà zi mèntɨ̧ɨ̧ mɔb ane Yesò àa ndìa la. Bà tseka àtatsi me chɨ̀Ꞌɨ.