1 Tèsàlonikà 4:1 - Mundani

¹ Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

1 Tèsàlonikà 4:1 ပူးပေါင်းရင်းမြစ်များ

Jɔ̌n 15:2

Tàa ngɨ̀ tà fààtè mèntaãaã ègème, è wu àdziꞋa ènyit yaã nàa ka kɔɔle tètaãaãtsə la ntsì, mbɔ̂ ntsènè nèètè è me nàa nkɔ̀ɔ̀lâ la, mbɨ̀Ꞌɨ̀ naa tsène ekɔɔle ntsɔ̧̀.

ÀfaꞋa 20:27

Ngu nê ànəa ako Mbɔ̧ɔ̧mà nàa nkwaꞋta eghɨ̀ kâ e shu awɨ̧ la a ntsě.

Lûm 8:8

BetsiꞋa bòt bu bɔ̀ɔ ndzəa wuê ànəa mbɨ̧̀ tɔb te shua la, è ka ko ngɨ̀ àghɨa àa mbɔ̀ a Mbɔ̧ɔ̧mà la.

1 Kɔlìn 11:23

E ndi nyɨ̀Ꞌte awɨ̧ àghɨa Lefɨ̀Ꞌ li nyɨ̀Ꞌte am la nê, è li ngu a nyèmtèsi wu bɔ fɨ̧̀ɨ̧̀na Yesò Lefɨ̀Ꞌ la, tà nɨ̀ a bled,

1 Kɔlìn 15:1

Bɔnyɨ bɔ̧, maà nkɨ ku̧u̧te awɨ̧ àfɨ̀Ꞌ yaa ànəa Ntu̧ Ntsɔ̧̀ yu e ndi ntsɔ̀te abua yɨ̧, bɨ zə mbɨ̧̀ɨ̧̀nê mê mbaã me kweele adù̧ la.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

2 Kɔlìn 5:9

Eyaa wu lə ba màà mbèle a sitsǎꞋ ŋàa, kò ngà tè ntsìꞋi nè tò leꞋ, ko ànəa mbì abua ya wu màngɨa àghɨa àa mbɔ̀ atò la.

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

Gàlashìà 6:1

Bɔnyɨ bɔ̧, bɨ̀a wu bɨa ngȩ̀ȩ̀nà mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ yea wòt ngɨa kàbɔ̀ŋ la, bɨ bɔɔle awɨ̧ nkɨ̀ɨ̀te atò bò̧ bò̧. Ka bɨ̀ me ghɨ̀ ale bɨ me baabe awɨ̧ mbɨ̀Ꞌɨ̀ ka bɨ kwen a èbem kàbɔ̀ŋ mɨ̧̂.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Efesɔ̀s 4:20

Èwuu mèntsèke màà ntsě àghɨa bɔ li nyɨ̀Ꞌte awɨ̧ ane ànəa Yesò Klistò la.

Efesɔ̀s 5:17

È wu ale, bɨ̀ ka me ghɨ̀ mènəè mbɨ̀Ꞌɨ̀ èkèghɨ̧̀, ka bɨ̀ nyɔꞋta nko àghɨa Tè Yesò nàa nkɨà nê bɨ̀ me ghɨ̀ la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Filìpȩ 1:9

Maà ntsàꞋtà Mbɔ̧ɔ̧mà àtsəa yɨ̧ nê, èkɔŋ wɨ̧ è me tsəa ngà wuê nè mbì, a màmbɔ èyì, e mě lâ eko ndɨ bɨ̀a me ghɨ̌ àghɨ àgème la.

Filìpȩ 3:14

Maà ŋwèèlà ngà wuê nè mbì, mbɨ̀Ꞌɨ̀ à gha à me lìa, e mbɔ àghɨ yu, è wù mèmpème mu Mbɔ̧ɔ̧mà tɔ am nê è nkɨꞋɨ a ègwet mbɔŋ ndɨ̀ wu ba Yesò Klistò è tsiꞋi àghɨ yeamɔꞋ la.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

Kɔ̀losìà 2:6

Ndɨ̀ wu bɨ bɨ̧ɨ̧ne nê Yesò Klistò wu Tǎt wɨ̧ la, bɨ̀ tsiꞋi me ghɨ̀ mènəè mɨ̧ mbɨ̀Ꞌɨ̀ bɨ tò ba e tsiꞋi àghɨ yeamɔꞋ.

1 Tèsàlonikà 3:12

Ba mè ntsàꞋtà nê Lefɨ̀Ꞌ ghɨa èkɔŋ wɨ̧ ane bɔnyɨ bɨ̧ è me kweela ngà nè mbì, bɨ̀ mèe me nèèta nkɔ̀ŋkà waa waa wuê mbɨ̀Ꞌɨ̀ bàa nkɔ̀ŋkà àwɨ̧ la.

1 Tèsàlonikà 4:2

Bɨ ko nkɨ̀a tu ba li ŋǎ abua yɨ̧ ane èlen Yesò Lefɨ̀Ꞌ la.

1 Tèsàlonikà 5:12

Bɔnyɨ ba, baa shù̧ù̧ta awɨ̧ nê bɨ̀ me ŋa kènuke abua bòt bu bɔ̀ɔ ndâ faꞋa ayɔɔ yɨ̧ la. Baa shua bòt bu Mbɔ̧ɔ̧mà tsia àtsəa yɨ̧ nê bɔ̀ me kɨɨte awɨ̧ ndɨ bɨ̀a me tseke la.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

2 Tèsàlonikà 2:1

È me wu ane ànəa Yesò Klistò Lefɨ̀Ꞌ wa, ndɨ tàa mèe gheble avi ekɨꞋɨ la, nè ndɨ bàa li ebù̧ù̧te ewu ne tò la, ko e ngua shù̧ù̧ta wɨ̧ à bɔnyɨ nê,

2 Tèsàlonikà 3:1

Bɔnyɨ, enɨ lìa, bɨ̀ me tsàꞋte a Mbɔ̧ɔ̧mà ane ya nê, èngǎ̧ Tǎt wa Yesò è gha àdzìꞋ àgème, bòt è me bɨ̧ɨ̧ne wùà nè mèngùꞋte, mbà̧aã mbɨ̀Ꞌɨ̀ bɔ bɔ ndɨ bɔ̀ɔ baãaã la, mbɨ̀Ꞌɨ̀ e li nkɨ̀Ꞌɨ̂ abua yɨ̧ ngu la.

2 Tèsàlonikà 3:13

Ka è me wu awɨ̧ à bɔnyɨ ba, bɨ̀ ka nkà̧aã a màngɨa ntsɔ̧̀.

1 Tɔ̀màtià 5:21

Mâ chɨɨme shù̧ù̧te awê a mbì Mbɔ̧ɔ̧mà nè Yesò Klistò nè bɔntu̧ bu tà làà la nê, yute nkɨ̀a tàa e ŋa la ntsɔ̧̀. Me ghɨ̌ àghɨ àgème kà wua ndɨ̀ŋkà mèsi, à ka mè ngɨ̀ ànəê nê ye kɨ efɨte etɨŋe wòt kǒ.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.

Ebùlù 13:22

Bɔnyɨ bɔ̧, bɨ̀ yute èngà̧ waa e nɨa nkɨ̀ɨ̀ta wɨ̧ la ntsɔ̧̀. Letà waa mâ shɨ abua yɨ̧ la wu kètem àkatè.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

1 Jɔ̌n 3:22

Bàa ngɨ̀ bà lo̧ àghɨ tè tà ŋa, nkàà nê baa ndzəa tò mè ngɨ̀à àghɨa tàa nkɔ̀ŋkà la.