1 Tèsàlonikà 3:6 - Mundani

⁶ Ka nè àfɨ̀Ꞌ yaa, Tɔ̀màtià è kua àpfəè ayɨ̧ tè shu awa ànəa ntsɔ̧̀ a ghɨ̀ mèntɨ̧ɨ̧ ma me bɔ̀ la. Tà shu awa nê mèntɨ̧ɨ̧ mɨ̧ bele ane Yesò, bɨ mè mbèla nkɔ̀ŋkà bɔnyɨ bɨ̧ mè shu nê bɨà ntsèka mɨ̀ɨ̀tà àwa ntsɔ̧̀, mè nkɨ eye awa wuê mbɨ̀Ꞌɨ̀ bàa nkɨà àwɨ̧ eye mɨ̧̂ la.

1 Tèsàlonikà 3:6 ပူးပေါင်းရင်းမြစ်များ

ÀfaꞋa 16:1

Pɔ̂l ba e li ngȩ̀ȩ̀nè ntse àpfəèà nɨ̧ a Debì, nga a Lislà. Wakatè Yesò kǒ li ngua ntsèka abot, èlen tò wu Tɔ̀màtià. Nyɨ̌ tò wu wòt Yesò mɨ̧̂, mbɔ̂ ngu wòt Juê, ka tǎt tò wu wòt Glɨ̂k.

ÀfaꞋa 18:1

Mbɨ̀Ꞌɨ̀ àyaa a tsè la, Pɔ̂l è lɔ̀Ꞌɔ Atèns nga Kɔlìn.

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

1 Kɔlìn 11:2

Maà ngùꞋtà wɨ̧ nkàà nê bɨa ntsèka nkù̧ù̧ta am ane àghɨ àgème e ndi ngua ngɨ̀à mè nyɨ̀Ꞌta la, mè me nɔ̀ŋè mènəè mu e ndi ndzi a tèkitebu tɨ̧ la.

1 Kɔlìn 13:13

Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Filìpȩ 1:8

Mbɔ̧ɔ̧mà è ko nkûŋ nkûŋ nê, maa ndâ nkɔ̀ŋkà àwɨ̧ nè èkɔŋ wu e dzəa abua Yesò Klistò zìa mbɔŋ la.

Kɔ̀losìà 1:4

Bàa ngɨ̀ ba wua ngɨ̀à ale nkàà nê ba zə ndɨ bɨ zi èntɨ̧ɨ̧ wɨ̧ ane Yesò Klistò, mè me kɔ̀ŋkè bòt Mbɔ̧ɔ̧mà bàgème la.

Kɔ̀losìà 4:18

E ntsiꞋa shɨa àdziꞋ ya ane àbu am mmɔ̌ mbɔŋ nê: Mmɔ̌ Pɔ̂l maà tsàꞋtà àwɨ̧. Bɨ̀ ka ndèènè nê e ngu a tèfȩ. Maà ntsàꞋtà nê Mbɔ̧ɔ̧mà me nyɨꞋte a ntsɔ̧̀ vi abua yɨ̧.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 2:17

Bɔnyɨ ba, mbɨ̀Ꞌɨ̀ mâ sà àwɨ̧ ane àtem àfɨ̀Ꞌ àko la, mèntɨ̧ɨ̧ ma me tseka nkɨà wuê awɨ̧. Ba li mbàte ngà nè nkem ya ale, ka mèntɨ̧ɨ̧ ma bɔ̂ ntèꞋa akwèn nè nɨ̧̀. Ba li ntaꞋa nyɔ̀Ꞌte nê ba wu kɨꞋɨ e mě ye awɨ̧.

1 Tèsàlonikà 2:9

Bɔnyɨ ba, ba ko nkûŋ nê bɨ bakà leenè ndɨ ba li ndâ ngua fàꞋà mbɔ̌ tèbəꞋtsə la. Ba li ngua fàꞋà ètsəꞋ bɔ̂ nèngû̧ mbɨ̀Ꞌɨ̀ bà me tsɔ̀te Ntu̧ Ntsɔ̧̀ yu è dzəè abua Mbɔ̧ɔ̧mà la, bà ka ŋa ngoꞋ abua wòt kǒ ane yɨ̧.

1 Tèsàlonikà 3:7

Bɔnyɨ ba, mbɨ̀Ꞌɨ̀ ba zə àfɨ̀Ꞌ yaa nê mèntɨ̧ɨ̧ mɨ̧ bela nkwèèla ane Yesò la, a taꞋa zì mèntɨ̧ɨ̧ ma a èbem ngoꞋ ta nè ngɨ̧̀ɨ̧̀nè yaa ba yea àdzìꞋ yaa la.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

2 Tɔ̀màtià 1:3

Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.

Fȩlemùn 1:5

Màa ngɨ̀ e ngua ngɨ ale nkàà nê, mâ zə ndɨ àa nkɔ̀ŋkà bòt Mbɔ̧ɔ̧mà bàgème la, mè ndzə ndɨ à zi èntɨ̧ɨ̧ wê ane Yesò Lefɨ̀Ꞌ la.

Ebùlù 13:3

Bɨ̀ me ku̧u̧te bòt bu bɔ̀ wu a tèfȩ la, mbɨ̀Ꞌɨ̀ bɨ wu a fȩ bɨ tò ba, mè nkù̧ù̧ta bòt bu bɔ̀ɔ ngɨ̧̀ɨ̧̀nà wɔb la nkàà nê wu ànəa betsiꞋa a ye awɨ̧ la mɨ̧̂.

Ebùlù 13:7

Bɨ̀ ku̧u̧te ànəa bòt bu bɔ li ngu àtsəa yɨ̧ la, ye bu bɔ li ndàꞋ èngǎ̧ Mbɔ̧ɔ̧mà abua yɨ̧ la. Bɨ̀ kwàꞋte ndɨ bɔ li ngua ntsèka tè ndɨ pfə la, ndzì èntɨ̧ɨ̧ wɨ̧ ane Mbɔ̧ɔ̧mà mbɨ̀Ꞌɨ̀ bɔ li ndzì è wɔb la.

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.