1 Tèsàlonikà 3:3 - Mundani

³ Ba li ngua ngɨ̀à ale mbɨ̀Ꞌɨ̀ ngoꞋ tu bòt e ghɨ̂ bɨ ye la te ghɨ̀ wòt kǒ ane yɨ̧ tsì èntɨ̧ɨ̧ vi ane Yesò. Bɨ̀a mbɔŋ bɨ ko nê èwuu ngoꞋ tàa wu àbəꞋa èghɨ e bɔ ndɨ àa ye awa bàa bòt Mbɔ̧ɔ̧mà la.

1 Tèsàlonikà 3:3 ပူးပေါင်းရင်းမြစ်များ

Lûk 21:12

“Ka èghɨ ngaa aa li me laꞋ nê aa ngɨ̀à, bɔ baãaã awɨ̧, ngɨ̧̀ɨ̧̀nè àwɨ̧, ntsàà àwɨ̧ a lobte Mbɔ̧ɔ̧mà Bèjuê bɔ saꞋa awɨ̧, màꞋà àwɨ̧ a tèfȩ. Bɔɔ li esəèŋnè àwɨ̧ enɨ kɨꞋɨ a mbì bèfɔ̧̀ nè bɔɔjuŋ àlaꞋ, ambo yaã.

Jɔ̌n 16:2

Bòt aa kɨ̀ŋè àwɨ̧ a èbem lobte Mbɔ̧ɔ̧mà etsǎ àbȩ. Ane nkûŋ, àfɨ̀Ꞌ àko aa nkɨ̀Ꞌa wòt bùŋà wɨ̧ ko taa mɨ̀ɨ̀te nê ye wua nkùkta Mbɔ̧ɔ̧mà ane àghɨa ye ghɨ̀à la.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

ÀfaꞋa 2:25

Dàbid li shu èngà̧ waa ane Yesò nê, ‘Maà ndzèa Tǎt am àfɨ̀Ꞌ àgème a ngèt yaã. Tà wu àbâ àbualu̧ am, ale è nka wu me bɔɔ àghɨa ko.

ÀfaꞋa 21:11

Tà kɨꞋɨ tà kwene ane ya, tà nɨ nkànda Pɔ̂l, nkùùle èbu bi bɔ̂ èka bi, mbɔ̂ nê, “Fo Kèfə laꞋnê, Bèjuê bu a Jèlusalèm la aà nga ekuule wòt wu tà bɔ nkànda yaa la, ebɔ ŋa atò abua bòt kà wu Bèjuê.”

ÀfaꞋa 21:13

Ka Pɔ̂l shu abua ya nê, “Bɨ ghɨ̀ na ka me dɨ̀a èlɨ̀ waa ndòa èntɨ̧ɨ̧ am à? Maà kà lem nkɨ ghǎ a Jèlusalèm bɔɔ kuule am kuule, maa epfə abàꞋ və nkàà Yesò Lefɨ̀Ꞌ.”

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

Lûm 5:3

Baa mè ngùꞋtà àwa a èbem ngoꞋ ta nkàà nê ngoꞋte mbɔŋ tea ngɨ̀à baa kuula mèntɨ̧ɨ̧ ma;

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

1 Kɔlìn 4:9

Mâ mɨɨtè nê Mbɔ̧ɔ̧mà ŋa wa bàa bɔntu̧ tò kwàꞋ àdziꞋa a lìa akwèn la, mbɨ̀Ꞌɨ̀ bòt bɔ̀ tsiꞋa nga bùŋè àwɔb a kètsìà bòt la. A tsiꞋi mbɨ̀Ꞌɨ̀ ba wu a mbì ngɔ̀ŋ nè bɔntu̧ Mbɔ̧ɔ̧mà bɔ̂ bɔbȩ bɔ ye awa.

Efesɔ̀s 3:13

Mâ shu̧u̧te awɨ̧ nê bɨ̀ ka mbɨ̧̀ɨ̧̀ne ntɨ̀ yɨ̧ yu ane Mbɔ̧ɔ̧mà nkàà nê e ndzea ngoꞋ ya ambo yɨ̧. Àbȩ̀ a ngoꞋ ya gha jɨ bɨ̀a.

Filìpȩ 1:28

Ko mbɨ̀Ꞌɨ̀ bɨ bê mbɔ̀ɔ bɔmbù̧ bɨ̧. Bɨ bakà bɔɔ̀, ko àyaa aa nyɨꞋte awɔb nê, bɔɔ leme, ka bɨ bɔ̂ ngu epeme, nkàà nê wu Mbɔ̧ɔ̧mà ka tàa ŋǎ mèmpème mbɔŋ abua yɨ̧ la.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

1 Tèsàlonikà 5:9

Mbɔ̧ɔ̧mà li tà kà wua ndàà wa nê ntsǒ zi li nɔ̀ŋke àtsəa ya bà ye ngoꞋ. Tà li ngua ndàà wa mbɨ̀Ꞌɨ̀ e ghɨ̌ Yesò Klistò Lefɨ̀Ꞌ wa naa ŋa awa mèmpème kàlìà.

2 Tèsàlonikà 1:4

Eyaa wu lə bàa ngàꞋtà wa ndàꞋà ànəa yɨ̧ ayɔɔ bèchɔsì Mbɔ̧ɔ̧mà la. Ba ghàꞋtà wa ale ngu ndɨ̀ wu bòt àa mbàtâ nkɨà àtsəa yɨ̧ enɨ, ngɨ̧̀ɨ̧̀nà wɨ̧, ka bɨ bɔ̂ me kweela ngà wuê nè mbì ane èntɨ̧ɨ̧ wɨ̧ wu bɨ zi ane Yesò la.

2 Tɔ̀màtià 1:8

Ale, à ka mbɔ̀ àtsə kɔꞋɔ e làꞋa ànəê à ko ane Lefɨ̀Ꞌ wa la. À ka mè ngɨ̀ ngaa mbɨ̀Ꞌɨ̀ à bakà ko am è ngu wòt tèfȩ nkàà ànəa Yesò la. Ka nɨ mètàŋ mu Mbɔ̧ɔ̧mà è ŋa abua yê la, ndzě ye nè ngoꞋ nkàà Ntu̧ Ntsɔ̧̀ Yesò, mbɨ̀Ꞌɨ̀ mmɔ̌.

1 Pità 2:21

Mbɔ̧ɔ̧mà li ntɔ awɨ̧ nê mènəè maa ye awɨ̧, mbɨ̀Ꞌɨ̀ è li ndzea Yesò Klistò la. Tòà zìambɔŋ li ndzě ngoꞋ ane yɨ̧ nɨŋ nyɨ̀Ꞌte nê bɨ̀ me ghɨ̀ mbɨꞋɨ̀ ye li ngɨ̀ la.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.

Ètsə 2:13

Mâ ko àdziꞋa bɨ̀a ntsèka la, wu àdziꞋa àtɨ̧a kèfɔ̧̀ Satàn à wu abot la. Mâ koê nê bɨ bakà li mè tu̧ nê bɨ wu bòt bɔ̧. Bɨ li bɨ̀ ka tsi mèntɨ̧ɨ̧ mɨ̧ ane yaã ka wuê àfɨꞋa bɔ li mbùŋa Antipà wu tà li ngua nkuŋe am nè èntɨ̧ɨ̧ vi wemɔꞋ la. Bɔ li mbùŋe atò a kètsìà wɨ̧, àdziꞋa Satàn nàa ntsèka la, nkàà ndɨ tà li ngua ndàꞋa èngǎ̧ am la.