Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tèsàlonikà 3:2 - Mundani

2 bà tsàa wanyɨ wa Tɔ̀màtià, wɔ̀fàꞋ Mbɔ̧ɔ̧mà abua yɨ̧. Ba tò ba aà fàꞋà nɔ̂, a màntsɔta Ntu̧ Ntsɔ̧̀ Yesò Klistò. Ba li ntsà atò nê tà kɨꞋɨ ndɔ̀ktè mèntɨ̧ɨ̧ mɨ̧, ngɨ̀ bɨ̀ me kweele ane èntɨ̧ɨ̧ wɨ̧ wu bɨ zi ane Yesò Klistò la.

အခန်းကိုကြည့်ပါ။ ကော်ပီ




1 Tèsàlonikà 3:2
24 ပူးပေါင်းရင်းမြစ်များ  

Pɔ̂l ba e li ngȩ̀ȩ̀nè ntse àpfəèà nɨ̧ a Debì, nga a Lislà. Wakatè Yesò kǒ li ngua ntsèka abot, èlen tò wu Tɔ̀màtià. Nyɨ̌ tò wu wòt Yesò mɨ̧̂, mbɔ̂ ngu wòt Juê, ka tǎt tò wu wòt Glɨ̂k.


A ghɨ̀ bèchɔsì bu e paa nkwèèlê ane èngǎ̧ Mbɔ̧ɔ̧mà, tè bòt nyaŋ e me zì mèntɨ̧ɨ̧ mɔb ane Yesò àli àgème.


Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.


Tɔ̀màtià wu baa tò àa fàꞋà nɔ̂ la nàà ntsàꞋtà awɨ̧, bɔ̂ Lusiɔ̀s nè Jasɔ̀n mè nè Sòsipatà, è wu bòt àlaꞋ bɔ̧ la.


E ndi nɨ̌ èyì wu Mbɔ̧ɔ̧mà ŋa abua am la nɨŋ mbɔ̧̀ɔ̧̀ àtetsi mbɨ̀Ꞌɨ̀ wòt tà ko àfàꞋ la. Wòt tsa wua mbɔ̧̀ɔ̧ adù̧. Ka wòt naa me bɔ̧ɔ̧ adù̧, tà me ko avi ndɨ ye bɔ̧ɔ̧ la.


Eyaa wu lə e ntsàa Tɔ̀màtià la. Tà wu waã èkɔŋ am ndɨ̀ wu bà wu bòt Tè Yesò Klistò la. Tàà ngɨ̀à àfàꞋ àzi nè èntɨ̧ɨ̧ vi ègème. E ntsaa tò nê ta kɨꞋɨ nkù̧ù̧te awɨ̧ mènəè mɔ̧ ane Yesò Klistò. Wu mènəè maa nkùŋà mùà mè nyɨ̀Ꞌta a bèchɔsì a èdzìꞋ ègème la.


Letà Pɔ̂l wantu̧ Yesò Klistò, Mbɔ̧ɔ̧mà è ghɨ ane mènkɔ̀ŋke mi la, nè wanyɨ waa Tɔ̀màtià, Abua chɔsì Mbɔ̧ɔ̧mà wu a Kɔlìn la, bɔ̂ bòt Mbɔ̧ɔ̧mà ko bu bàgème a Akayà la.


Yesò Klistò Waã Mbɔ̧ɔ̧mà wu ba Tɔ̀màtià nè Silvanùs àa ndàꞋà ànəa tò a kètsìà wɨ̧ la nàà kà laꞋa èngà̧ yebe, e bɨ̧ɨ̧ne ànəê e mě tu̧u̧. Tàa ngɨ̀ tà shu ànəê tà bê ngɨ̀ wuê mbɨ̀Ꞌɨ̀ tà shu la.


E ndi nkɨ̀Ꞌɨ̂ a Tloas etsɔ̀te Ntu̧ Ntsɔ̧̀ Yesò Klistò. E me kɨꞋɨ ale, Tè Yesò Klistò ghaꞋa èlu̧ abua am.


Mbàte ngàꞋa ale ka èntɨ̧ɨ̧ am è ka nɔ̀ŋke a èbèm laã ntsɔ̧̀ nkàà nê e ndi è nka ye wanɔ̧ Tȩtɔ̀s abàꞋ və. Ale, e ndàꞋnè àwɔb ntsiꞋi ghà ne Màsèdonìà.


È me wua Tȩtɔ̀s ko tà wu wòt ba tò àa fàꞋà nɔ̂ a màntɨŋa wɨ̧ la. È me wu bɔnyɨ ba ko bu nkɨ̀Ꞌa bɔ̂ tò ba la ko wu bòt bèchɔsì e tsàà la. ÀfàꞋ àyɔb aà ndɔ̀kà èlen Yesò Klistò ntsaa a ègwet.


Mâ ko nê, àyaa wu nkûŋ, è wu ale, e ngu tseke a sitsǎꞋ ba nɨ̧̀ ba mbɨ̀Ꞌɨ̀ etɨŋe awɨ̧ bɨa me zì mèntɨ̧ɨ̧ mɨ̧ ane Yesò Klistò ngà wuê nè mbì, e mě bɔ mèngùꞋte.


Letà Pɔ̂l wantu̧ Yesò Klistò, Mbɔ̧ɔ̧mà ghɨ̂ ane mènkɔ̀ŋke mi la, bɔ̂ wanyɨ wa Tɔ̀màtià,


Bɨ li mbɨ ndzə ànəa ntsɔ̧̀ Mbɔ̧ɔ̧mà mbɔŋ abua Èpaflàs, shu̧ ya wafàꞋ Yesò Klistò wu tà ŋà avi abua Yesò me tɨŋa awa la.


Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.


Tà gha ekɨꞋɨ bɔ̂ wanyɨ wa Ònesìmùs wu tà wu wòt kǒ ayɔɔ yɨ̧, mè nèètè ndzì èntɨ̧ɨ̧ vi ane Yesò la. Bɔɔ shu awɨ̧ ànəê àgème àa ntsea a si ŋàa la.


Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.


Mbɨ̀Ꞌɨ̀ à yaa a ghɨ̀ e ntsiꞋa mbà̧aã èntɨ̧ɨ̧ am kekaŋ la, e tsàa a Tɔ̀màtià nê tà kɨꞋɨ ndzě ndɨ bɨ̀a mbà̧aã ànəa Yesò la. Me ghɨ̀ ale ngua mbɔ̀ɔ̂ mbɨ̀Ꞌɨ̀ ateko Satàn è kubte mèntɨ̧ɨ̧ mɨ̧ tè ngɨ̀ àfàꞋa ya yu ba li nkɨ̀Ꞌɨ̂ abàꞋ ŋu ngɨ̀ la a tsè àku.


E tsàꞋtà nê tà ghɨa bɨ̀ bɔ èntɨ̧ɨ̧ kekweelè, mè ngɨ̀ ndɨ bɨ̀a me ko ntsèka àfɨ̀Ꞌ àgème ngɨ̀à mè ndàꞋà wuê mènəè nàa mbɔ̀ la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ