1 Tèsàlonikà 3:11 - Mundani

¹¹ Baa ntsàꞋtà nê, Tǎt wa Mbɔ̧ɔ̧mà zìambɔŋ bɔ̂ Yesò Lefɨ̀Ꞌ wa è ghaꞋa alu̧ bà kɨꞋɨ ndzè àwɨ̧.

1 Tèsàlonikà 3:11 ပူးပေါင်းရင်းမြစ်များ

Matìù 6:14

À waꞋa èfaãnəè bòt, ko tǎt wè wu a ègwet la naa waꞋa e bê mɨ̧̂.

Matìù 6:18

mbɨ̀Ꞌɨ̀ bòt e ko nê à wua ntsèka kà jɨ àghɨ. Wu ndàꞋ tǎt wè wu bòt àa ka ye atò la, ewu tàa ndzèa mènəè nàa ntsea a ntsèm la ka tàa ye ebɔ ŋa àbȩ̀ yê la.

Matìù 6:26

Bɨ̀ lɨ̀ŋkè banɨ̧̀ bu bèa ndèa a ègwet la. Beà kà liꞋ àliꞋ, bè ka wua fùꞋà èghɨjɨ, bè ka wua nɔ̀ŋà èghɨ a ngǒtsə, ka tǎt wɨ̧ wu a ègwet la me jɨɨ awɔb. Tè bɨ bakà taꞋa tsè banɨ̧̀ mbɔŋ a mbì Mbɔ̧ɔ̧mà à?

Matìù 6:32

Bòt kà wu bòt Mbɔ̧ɔ̧mà ka bɔ̀ɔ ndèbà ènyit yɔb ane ànəa èghɨ bàa la. Tǎt wɨ̧ wu a ègwet la ko nê bɨà nkɨ̀ŋkà èghɨ mbɔŋ ègème.

Matìù 6:4

Ghɨ̀ ale mbɨ̀Ꞌɨ̀ àghɨa à ghɨ̀à la aa wu a ntsèm, tǎt wè wu tàa ndzèa mènəè nàa ntsea a ntsèm la naa ŋa àbȩ̀ àyê.

Matìù 6:6

Ka wòt me tsàꞋte a Mbɔ̧ɔ̧mà tà nyi a èbem àtsəalob àzi, ngèbà ètsələèꞋ mbɔ̂ ntsaꞋta tǎt vi wu kà bɔ wua ndzèa tò la. Tà ghɨ̀ ale, ko tǎt tò wu tàa ndzèa mènəè nàa ntsea a ntsèm la naa ŋa àbȩ̀ atò.

Ntu̧ Ntsɔ̧̀ MAK 1:3

Wòt kǒ nàa ŋȩ̀a àbâ àlaꞋ àyuube shua nê, Bɨ̀ nèètè èlu̧ abua Lefɨ̀Ꞌ, ndɔ̀ktè alu̧ tò è tɨ̧ɨ̧ ndɨŋndɨ̀ŋ.”

Lûk 12:30

Bòt kà wu bòt Mbɔ̧ɔ̧mà bàgème ka bɔ̀ɔ ndèbà ènyit yɔb ane ànəa èghɨ bàa la. Tǎt wɨ̧ ko nê bɨà nkɨ̀ŋkà èghɨ mbɔŋ ègème.

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

Lûm 1:3

Ntu̧ Ntsɔ̧̀ Mbɔ̧ɔ̧mà wua ndàꞋà ànəa Waã tò wu bɔ le mbi mbɨ̀Ꞌɨ̀ wɔ̀bȩ̂ a èbem àndǎ̧ a fɔ̧̀ Dàbid la.

2 Kɔlìn 6:18

Ewu tǎt wɨ̧, bɨa mě ewu bɔ̧ bɔ̧, mbâ̧tsə nè bèzi. È làꞋà mmɔ̌ Tǎt wɨ̧ Mbɔ̧ɔ̧mà Àtsèàngɔ̀ŋ.”

Gàlashìà 1:4

Yesò waa li ŋa àtsəa zi ane mènəè kàbɔ̀ŋ ma mbɨ̀Ꞌɨ̀ etsì àwa a èbem mènəè kàbɔ̀ŋ ngɔ̀ŋ laane, mbɨ̀Ꞌɨ̀ Mbɔ̧ɔ̧mà li ntsia nê aa li wu la.

Kɔ̀losìà 1:2

Abua bɔnyɨ ba bòt Mbɔ̧ɔ̧mà bu a Kɔ̀losìà, bɔ zì mèntɨ̧ɨ̧ mɔb ane Yesò Klistò, ntsiꞋi àghɨ yeamɔꞋ nè tò. Baa ntsàꞋtà nê Tǎt wa Mbɔ̧ɔ̧mà è me nyɨꞋte a ntsɔ̧̀ vi abua yɨ̧, mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

1 Tèsàlonikà 4:16

Naa li ngu ane àlia mbɔŋ, bòt è zə àtɔŋ a ŋȩ la, tǎt bɔntu̧ Mbɔ̧ɔ̧mà ŋȩ, bòt e zə èsɔndɨk Mbɔ̧ɔ̧mà e làꞋà la, Tè Yesò Klistò zìambɔŋ bɔ̂ nchu a ègwet. Bòt bu bɔ li ndzì mèntɨ̧ɨ̧ mɔb ane Yesò ka mpfəèꞋte la e bɨ̀ njù̧ù̧mê.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

2 Tèsàlonikà 3:16

Baa ntsàꞋtà nê, Tǎt wa Yesò zìambɔŋ, wu tàa ngɨ̀à bòt e bɔ àlàŋkè la, ghɨa bɨ̀ bɔ àlàŋkè a mèntɨ̧ɨ̧ mɨ̧ ane balu̧ bàgème àfɨ̀Ꞌ àgeme. Baa ntsàꞋtà nê, Tè Yesò wu ne nɨ̧̀ bɨ̀agème.

2 Tèsàlonikà 3:5

Baa tsàꞋtà nê, Yesò Klistò ghɨa bɨ̀ kuule mèntɨ̧ɨ̧ mɨ̧ me kweele ane mènəè tò, mè nko ndɨ Mbɔ̧ɔ̧mà nàa ndâ nkɔ̀ŋkà àwɨ̧ la.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

Ètsə 21:3

E me zə àtɔŋ ko a dzəê adù̧ àtɨ̧a kèfɔ̧̀ yu è shuê nê, “Bɨ̀ ye, àpfəèà Mbɔ̧ɔ̧mà a kɨꞋɨ tê ntsìꞋi a kètsìà bɔbȩ. Taa me tseke bɔ̂ tò ba, bɔ̀ɔ wu bòt tò, Mbɔ̧ɔ̧mà wu zìambɔŋ naa mě wu Mbɔ̧ɔ̧mà wɔb.