1 Tèsàlonikà 3:10 - Mundani

¹⁰ Baa shù̧ù̧ta Mbɔ̧ɔ̧mà ètsəꞋ nè nèngû̧ nè èntɨ̧ɨ̧ wa ègème nê, tà ŋa awa èlu̧ bàambɔŋ è kɨꞋɨ mè ngu nè nɨ̧̀, mbɨ̀Ꞌɨ̀ enyɨꞋte awɨ̧ ndɨ bɨ̀a paa me nèèta ndzìà mèntɨ̧ɨ̧ mɨ̧ ane Mbɔ̧ɔ̧mà la.

1 Tèsàlonikà 3:10 ပူးပေါင်းရင်းမြစ်များ

Lûk 2:37

Ka mbɔ̂ ngu nempfə àfɨꞋa mbɔŋ ane èngùꞋebȩ èghem yefà̧aã ntsɔ̀b yekwì. Anà mbɔŋ li ngua ntsèka a èbem lob nɨ̧ Mbɔ̧ɔ̧mà àfɨ̀Ꞌ àgème nkùkta atò ètsəꞋ bɔ̂ nèngû̧, ntsèka àfɨ̀Ꞌ àko kà jɨ èghɨjɨ mbɔ̂ me tsàꞋte wuê a Mbɔ̧ɔ̧mà.

ÀfaꞋa 26:7

Eyaa wu èghɨ mbɔŋ bu Mbɔ̧ɔ̧mà li nkàꞋ abua lətelob Izəèlȩê tu èghem ntsɔ̀b tebe nê bɔɔ li ebɔ mbɨꞋɨ̀ bɔ̀ɔ ngùꞋtà àvi a nyèmtèsi nè tètsɔꞋ la. Fɔ̧̀ Aglipà, Bèjuê e kɨ enɨ àtsə am anè ngu ànəa ntɨ̀ ngaa ba tò ba e bɔ la.

2 Kɔlìn 1:15

Mâ ko nê bɨ bele nèète eko am. Eyaa wu lə e ndi ngua nkɨ bɨ̌ kɨꞋɨ eye awɨ̧ la, mbɨ̀Ꞌɨ̀ bɨ̀ ye am a paà mbê bɔ̀ŋ awɨ̧.

2 Kɔlìn 1:24

Ba ntsea ŋwèèlà wɨ̧ shua wɨ̧ ndɨ bɨ̀a me kùŋe a Mbɔ̧ɔ̧mà la. Ba wua fàꞋà ba nɨ̧̀ ba mbɨ̀Ꞌɨ̀ èghɨ mèntɨ̧ɨ̧ mɨ̧ naa me bɔ̌, nkàà nê ba ko nê bɨa nkwèèla ane ànəa Mbɔ̧ɔ̧mà.

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

2 Kɔlìn 13:9

Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.

Filìpȩ 1:25

Mâ ko nê, àyaa wu nkûŋ, è wu ale, e ngu tseke a sitsǎꞋ ba nɨ̧̀ ba mbɨ̀Ꞌɨ̀ etɨŋe awɨ̧ bɨa me zì mèntɨ̧ɨ̧ mɨ̧ ane Yesò Klistò ngà wuê nè mbì, e mě bɔ mèngùꞋte.

Kɔ̀losìà 1:28

Baà shua waa waa ànəa Yesò, nɨa èyì nyɨ̀Ꞌta waa waa, mè səèŋkà ètû̧ bɔb mbɨ̀Ꞌɨ̀ bà me nɨ wòt ègème tà tsiꞋi àghɨ yeamɔꞋ nè Yesò Klistò la nkɨ̀Ꞌa a mbì Mbɔ̧ɔ̧mà, ŋut kuꞋu ane ebà ègème.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

1 Tèsàlonikà 3:11

Baa ntsàꞋtà nê, Tǎt wa Mbɔ̧ɔ̧mà zìambɔŋ bɔ̂ Yesò Lefɨ̀Ꞌ wa è ghaꞋa alu̧ bà kɨꞋɨ ndzè àwɨ̧.

2 Tèsàlonikà 1:11

Eyaa wu lə bàa ntsèka ntsàꞋta Mbɔ̧ɔ̧mà ane ànəa yɨ̧ àfɨ̀Ꞌ àgème la. Baà tsàꞋtà nê Tǎt wa Mbɔ̧ɔ̧mà ghɨa mèntsèke mɨ̧ kùꞋù ndɨ tà tɔ awɨ̧ nê bɨ̀ me tseke la. Maa shù̧ù̧ta Mbɔ̧ɔ̧mà nê tà ghɨa bɨ̀ me ghɨ a ntsɔ̧̀ wu bɨ̀a nkɨ e ghɨ̀ la, nkàà nê tà bɔ mètàŋ a màngɨa ale, mè ngɨ̀ bɨ̀ paa ngɨ̀ èghɨ bu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la.

2 Tɔ̀màtià 1:3

Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.

Fȩlemùn 1:22

Mbɨ̀Ꞌɨ̀ àà ngɨ̀à ale la, à ye nê à nèètè àtsəalob abua am nkàà nê, mâ ko nê Mbɔ̧ɔ̧mà nàà nga ezə ndɨ bɨ dɨa abua tò la e ghɨ̌ maa dzəâ a tèfȩ ekɨꞋɨ kwene ane yɨ̧.

Ètsə 4:8

Àghɨ àgème ane èghɨ yu̧ bu bekwì la, a bɔ tèbaabètsə tentùa mè mbɔ̀ àghɨ ane yɔb a èdziꞋ ègème, àbȩ nè èbèm. Àfɨ̀Ꞌ àgème nèngû̧ bɔ̂ ètsəꞋ bɔ me kɔ̧ mèkù̧ shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ tà tse èghɨ ègème, mè mbɔ̀ èntɨ̧ɨ̧ kèfə ntsè àghɨ àgème. Tà li ndzaŋe wu, mè ngu àfɨ̀Ꞌ yaa, mè ngu e li ekɨꞋɨ.”

Ètsə 7:15

È wu ale, Eyaa wu lə bɔ wu a mbì àtɨ̧a kèfɔ̧̀ Mbɔ̧ɔ̧mà, fàꞋà ngùꞋtà tò a èbem lob tò nèngû̧ nè ètsəꞋ la. Wòt wu tà tseke a ègwet àtɨ̧a kèfɔ̧̀ yu la, nàà wu ne nɔ̀b mbààba awɔb.